Македонија
ВМРО-ДПМНЕ: На младите не им се потребни картички со попусти туку нормални услови за работа
Пресовите на СДСМ стануваат сè повеќе очајни. Две години отккао се на власт немаат ништо сработено, па поради тоа смислуваат лаги за да ја манипулираат македонската јавност. Се фалат со големи мерки кои ја намалиле невработеноста во државата, но единствена мерка за овие две години е забрзаното иселување на младите, реагираат од ВМРО-ДПМНЕ на обвинувањата на СДСМ.
„Промовираат младинска картичка која навидум ќе помогне на младите, а која како реална придобивка нуди минимални попусти во скапи локали. СДСМ досега требаше да сфати дека на младите луѓе не им се потребни картички со попусти туку нормални услови за работа како нивните врсници од развиениот свет. За две години сиромаштијата се искачи на 500.000 граѓани кои секој ден мака мачат за да преживеат. Невработеноста во Македонија е највисока во регионот, а не најмала.
Привидот дека имаме раст од 4,1% во првиот квартал од 2019 година е резултат на фактот што лани во истиот квартал стапката на раст беше исклучително ниска – 0,9%. Стапката на економски раст за секој квартал се мери споредбено со истиот квартал од претходната година.
За овие две години капитални инвестиции нема воопшто, тоа и граѓаните го забележуваат. Заев и неговата криминална банда не изградија нови градинки, нови училишта, нови спортски сали со кои ќе го подобрат квалитетот на живот на македонските граѓани.
Граѓаните секој ден сè повеќе се иселуваат по потрага за нова работа и подобри услови за живот. Џебовите на граѓаните стануваат сè повеќе празни, додека џебовите на Заев и на неговите сопартијци стануваат пополни.
Но граѓаните ги препознаа лагите на СДСМ бидејќи на свој грб ја почувствуваа сиромаштијата, и економијата која секојдневно тоне. СДСМ и Заев се причината затоа што им се случува. Време е СДСМ и Заев да си заминат од власт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.