Македонија
ВМРО-ДПМНЕ не го поддржува договорот со Грција, бара задолжителен референдум
Потребно е разјаснување на целата ситуација за надлежностите на институцијата за водење на процесот, односно која институција е надлежна да случува меѓународни договори од ваков тип -Владата или преседателот на државата. Ставовите на ВМРО-ДПМНЕ се познати, непроменети и прецизни. Нема да отстапиме од своите приницпи и уверувања. ВМРО-ДПМНЕ нема да прифати промена на Устав, а со цел промена на уставното име. Доколу Заев се обидува шверцерски капитулацијата да ја протне низ собраниска процедура, мора да знае дека референдум мора да има и тој треба да биде задолжителен, а не консултативен, порача лидерот на ВМРО-ДПМНЕ, Христијан Мицкоски на прес-конференција по обелоденувањето на договорот со Грција.
Ток обвини дека преговорите се водеа во тајност. „ВМРО-ДПМНЕ не беа вклучени и сега е јасно зошто. Заев го монополизираше процесот. Единствено што се случи е што имав телефонски разговор со него. Ова е прифаќање на Грција ова е т.н договор. Ако овој договор е прифаќање на промена на Уставот, ова е договор за капитуалција. Лош исход е поради неспособност и невешта дипломатија. Заев покажа нестабилност и недостоинственост. Беше протов промена на устав, па сега не убедува дека тоа го потврдува идентитетот. Излажа и денес. Ова е на штета на Република Македонија, рече Мицкоски.
На новинарско прашање тој одговори дека ќе гласа против на референдумот.
„Ајде да одиме на избори од утре да ги направиме условите кои ги имаше СДСМ во 2016 година и да спроведеме предвремени избори со претседателските“, повика тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На 12,78 отсто се искачи одѕивот до 11 часот, најголем во Демир Капија 23,99 отсто
До 11 часот на гласање излегле 229.473 граѓани и одѕивот од 3,85, колку што беше до девет часот, се искачи на 12,78 отсто.
Најголем е одѕивот во Демир Капија, 23,99 отсто, каде што од вкупно 3.208 граѓани до 11 часот гласале 769.
На седмите претседателски избори во земјава право на глас имаат 1.814.317 граѓани на 3480 избирачки места.
Македонија
Даштевски: Во првите два и пол часа пријавени се само технички проблеми, кабел или батерија, ги решаваме во од
Ситни техники проблеми околу биометриските уреди се пријавени во првите два и пол часа од гласањето. Претседателот на Државната изборна комисија Александар Даштевски извести дека гласањето се одвива мирно и без неправилности, а техничките проблеми вели дека тековно ги решаваат.
„Пријавени се само технички проблеми, батерија или кабел на биометриските уреди кои ги решаваме во од. Сите гласачки места се отворени и засега нема прекин никаде“, рече претседателот Даштевски.
Одѕивот во првите два и пол часа е 3,85 отсто, но пристигнале податоци од само 832 избирачки места. На овие избори право на глас имаат 1. 814.317 граѓани на 3480 избирачки места.
Македонија
3,85 отсто е одѕивот за гласање во првите два и пол часа, 12 приговори пристигнале во ДИК
Одѕивот на граѓаните во првите два и пол часа од гласањето за избор на претседател на државата на седмите претседателски избори е 3,85 отсто. Гласањето е почнато навреме, се одвива мирно и без пријавени неправилности. Претседателот на Државната изборна комисија (ДИК) Александар Даштевски утрово рече дека одѕивот е мал, но мал е и бројот на избирачки места од кои се пристигнати податоци.
„До девет часот пристигнати се податоци за одѕив на гласачите од 832 избирачки места. Од вкупно запишани 42.748 гласачи на овие избирачки места, гласале 15.487 или 3,8 отсто од гласачите. До овој момент во ДИК се доставени вкупно 12 приговори за заштита на личното избирачко право кои се предмет на обработка“, рече Даштевски.
На бесплатниот телефонски број 0800 555 44 граѓаните можат да постават прашање или да пријават неправилности до Државната изборна комисија.
Активна е и видеокол линијата 076 488 360 преку која граѓаните со оштетен слух и говор ќе можат преку видео повик да постават прашање до Државната изборна комисија и да добијат одговор на знаковен јазик. На сите граѓани на располагање им се интернет страницата на ДИК www.sec.mk како и страниците на социјалните мрежи „Фејсбук“ и „Твитер“ и каналот на јутјуб.
На страната rezultati.sec.mk може да се следи во живо излезноста на гласачите, вкупна и по општини.
На овие избори право на глас имаат 1. 814.317 граѓани на 3480 избирачки места. Податоци од повеќе избирачки места претседателот Даштевски најави за следната прес – конференција.