Македонија
ВМРО-ДПМНЕ: Нови градинки, училишта, паркови се дел од 1.090-те проекти кои ги почнаа градоначалниците
Нови градинки, училишта, паркови се дел од 1.090-те проекти кои ги започнаа градоначалниците на ВМРО-ДПМНЕ во првите 100 дена, велат од опозициската партија преку соопштение.
„100 дена отчет на градоначалниците на ВМРО-ДПМНЕ, 100 дена промени коишто носат подобра иднина.
Во првите 100 дена реализирани или отпочнати над 1.090 проекти, видливи проекти за добро на сите граѓани во општините предводени од ВМРО-ДПМНЕ.
Општина Илинден доби ново основно училиште, а во општина Брвеница се реконструираше спортската сала „Коста Рацин“.
Во основните училишта и дел од градинките во општина Аеродром се поставија нови фотоволтаици, со цел заштедување на електричната енергија.
Нови детски градинка се изградија во општина Сопиште, општина Кавадарци, додека во завршна фаза се нови градинки во општина Кочани, општина Василево и општина Битола. Опремени се дел од детските градинки во општините Ѓорче Петров, Бутел, Велес, Свети Николе, Македонска Каменица, Прилеп, Вевчани.
Битолчани конечно ќе добијат современ градски стадион со изградбата на северната трибина.
Во скоро време општините Кавадарци и Велес ќе добијат нови затворени градски пазари.
Изградба на нова прочистителна станица во општина Сопиште за населеното место Ракотинци, додека во Свети Николе се уреди речното корито на Горобинска Река.
Изградени или реконструирани улици во речиси секоја општина во должина од над 100 километри. Општина Штип е општина без кал, нови улици во населените места во Кочани, Виница, Македонска Каменица, Карбинци, Пехчево, Ново Село и други.
Во овие 100 дена откако градоначалниците на ВМРО-ДПМНЕ раководат со општините, се изградија или реконструираа канализациони и водоводни мрежи во Гази Баба, Кисела Вода, Петровец, Велес, Вевчани, Битола, Македонска Каменица и многу други општини
За 100 дена градоначалниците на ВМРО-ДПМНЕ изградија или реконструираа 96 нови игралишта и паркови, а се исчистени над 200 диви депонии.
Додека градоначалниците на ВМРО-ДПМНЕ работат и даваат отчет за сработеното, овие денови не видовме ниту еден градоначалник на СДСМ и ДУИ да испадне пред граѓаните и да даде отчет за сработеното. Нема отчет затоа што нема ниту проекти од градоначалниците на СДСМ и ДУИ.
Градоначалниците на ВМРО-ДПМНЕ покажаа дека можат и умеат, со нова енергија и план, со посветена работа и визија за подобар живот на сите граѓани“, се наведува во соопштението на опозициската партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.