Македонија
ВМРО-ДПМНЕ предлага физичка, комбинирана и онлајн настава
ВМРО-ДПМНЕ предлага 3 модули за настава во училиштата – физички, комбиниран и онлајн. Тие велат дека секој модул може да се применува во средина каде што одговара, односно во зависност од ризичноста за зараза од Ковид-19.
„Точно 15 дена до законскиот почеток на учебната година. Министерството за здравство во хаос и со контрадиктори изјави, а Министерството за образование и наука без прецизни одговори на бројните предизвици, со спротивни ставови на Комисијата за заразни болести и Министерството за здравство. Владата е без одлука за типот и начинот за изведување на наставата. Почетокот на учебната година ја одложува поради тоа што нема законска одредба за учење на далечина, а врз основа на која законска одредба воопшто се одложува почетокот на учебната година?
Дури и да прифатиме дека одложувањето на почетокот сега е оправдано, се прашуваме што мислеше Владата по појавата на пандемијата, пред распуштање на Собранието за образованието во државата. Зошто тогаш не го сменија законот кога според сознанијата од Вухан и Италија беше сосема јасно дека наставата ќе мора да продолжи на далечина. Изборите ли беа поважни од тоа?
Постојано сме обвинувани дека не сме кооперативни. Во повеќе наврати, преку пресови, соопштенија и објави на Фејсбук од јуни до почетокот на август презентиравме цел план за отпочнување на учебната година.
Предложивме 3 модули. Кажавме кој каде треба да се применува и како. Задоволни сме што планот во целост е прифатен и немаме ништо против што е присвоен. За децата станува збор.
Проблемот е што Владата нема смелост да го имплементира и што нема смелост да ја преземе одговорноста. Физичка настава може да има во средини каде што нема Ковид-19 или има изолирани случаи. Комбинирана настава може да има во средно ризични подрачја со најмногу 15 ученици во одделение, со преземени сите мерки за безбедност. Онлајн настава треба да има во средините со висок ризик.
Комбинираната настава треба да се одвива со ротација на учениците на 2 недели, 2 недели физичко присуство, 2 недели онлајн, физичкото присуство во една училница, без кабинетска настава. Доколку часот трае повеќе од 20 минути треба да се предвидат дополнителни средства од буџетот за да се плати прекувремената настава на наставниците. Скратени часови се неопходни за работа на училиштата во повеќе смени.
Материјалите треба да бидат снимени и поставени на унифицирана платформа. За оние што ќе учат само онлајн треба да се обезбеди скратена програма“, истакнаа од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.