Македонија
Во Гевгелија почнува со работа мерната станица за квалитетот на воздухот, која е финансирана од ЕУ
Во Гевгелија се пушти во употреба новата мониторинг-станица за квалитетот на воздухот, со што бројот на официјалните мониторинг-станици во дражавата се зголеми на 18 и една дополнителна мобилна мерна станица. Станицата е набавена преку проектот „Развој и имплементација на здравствен индекс за загадување на воздухот“, кој се спроведува во рамките на Министерството за животна средина и просторно планирање, а тој е финасиран од Interreg-IPA CBC-програмата помеѓу Република Северна Македонија и Република Грција.
За реализација на овој проект, Европската Унија преку ИПА-програмата за прекугранична соработка го финансира проектот во вкупна вредност од речиси еден милион евра за двете држави, а националното кофинансирање во вредност од 15 отсто го обезбеди Министерството за локална самоуправа.
Министерот за животна средина Насер Нуредини во поздравното обраќање на настанот нагласи дека пуштањето на мерната станица значи збогатување на националната мрежа за автоматски мониторинг на квалитетот на воздухот, со што всушност Министерството и Владата ги остваруваат целите и приоретитите.
„Борбата за подобрување на квалитетот на воздухот во рамките на предвидените краткорочни и долгорочни активности подразбира и одржување во добра кондиција на Државниот автоматски систем за квалитет на амбиенталниот воздух, но и зголемување на бројот на мерните станици“, истакна Нуредини.
Министерот за локална самоуправа, Горан Милевски, ги повика општините, институциите и организациите да подготвуваат проекти со кои реално ќе им помагаат на граѓаните.
„Се мобилизираме за во наредниот програмски период уште подобро да ја насочиме финансиската поддршка од предпристапните фондови на Европската Унија“, рече Милевски.
Изразувајќи задоволство што уште еден проект од ИПА 2-програмата за прекугранична соработка со Република Грција успешно се остварува во општина Гевгелија, градоначалникот на Гевгелија, Сашо Поцков, истакна дека повеќето капитални проекти што придонесуваат за еколошкиот одржлив развој на општината, како што се пречистителната станица, привремената депонија за комунален отпад, новиот водоснабдителен систем поради присуството на арсенот во водата во стариот, канализациските системи за отпадни и атмосферски води во градот и во неколку населени места се реализирани со грантови и како дел од програмите за прекугранична соработка на ЕУ.
Нагласувајќи дека реализацијата на овој проект е дел од зедничките напори за борба против загадувањето, евроамбасадорот Дејвид Гир во соето обраќање посочи дека посветеноста на Европската Унија е на намалување на загадувањето на воздухот адресирањето на климатските промени, промовирањето на обновливите енергии и здравиот начин на живеење, што минатата недела веќе беше најавено во економскиот инвестициски пакет за Западен Балкан, чиј составен дел е и нашата земја.
Покрај набавката на мониторинг-станицата, во рамките на проектот се спроведуваат и низа други активности. Имено, во рамките на оваа прогарама е направена комплетна замена на сите инструменти и во мерната станица „Битола 1“ и се набавени и инструменти за мерења на ПМ 2,5-честичките, и тоа за мерната станица „Битола 1“ и за оваа во Гевгелија. Исто така, набавени се два автоматски стандардни/референтни нисковолуменски семплера за мерење суспендирани честички (ПМ 10 и ПМ 2,5) и тие се поставени во близина на мерните станици „Битола 1“ и „Гевгелија“. Дополнително, во рамките на проектот ќе се направи процена на влијанието на квалитетот на воздухот врз здравјето на луѓето во прекуграничниот регион, ќе се развие здравствен индекс, ќе се зајакне прекуграничната соработка преку организирање тематски обуки, ќе се подготват и спроведат повеќе активности за подигнување на јавната свест на граѓаните. Планираните активностите од проектот целосно се очекува да се завршат до август 2021.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Успешна сложена дентална операција – изведена транспозиција на нерв
Вчера, успешно заврши сложениот хируршки зафат – транспозиција на нерв на пациент од земјата.
Оваа комплексна техника ја изведе искусен хируршки тим под водство на професор Мазен Тамими од САД, роден во Јордан.
Интервенцијата се изведе во присуство и во приватната специјалистичка ординација на реномираниот орален хирург и имплантолог од овие простори – Дијана Бојковска. Пациентот е во стабилна состојба, се чувствува добро, но претстои период на целосно заздравување по извршување на операцијата поради прилично атрофираната долна вилица.
Видеоприказ од интервенцијата ќе биде емитуван во рамките на меѓународниот имплантолошки конгрес, кој почнува денес во хотелот „Хилтон“ во Скопје, а ќе трае до 20 април. Напредната хируршка техника првпат ќе биде споделена со пошироката стручна јавност од земјата, но и од светот, бидејќи на конгресот ќе учествуваат врвни стоматолози, орални и максилофацијални хирурзи од четири континенти.
Дигитализација во стоматологијата и новите трендови во имплантологијата се дел од темите што ќе бидат во центарот на вниманието на овој конгрес. Конгресот предвидува теоретски, практичен дел и презентирање напредна хируршка техника во делот на имплантологијата.
Еминентни стоматолози специјалисти од Македонија исто така ќе земат активно учество на конгресот: д-р Митко Франгов, орален хирург и меѓународно лиценциран имплантолог, д-р Златко Вршковски, максилофацијален хирург и меѓународно лиценциран имплантолог, д-р Недим Касами, максилофацијален хирург и имплантолог, д-р Петар Вршковски, орален хирург и имплантолог, д-р Дијана Бојковска, орален хирург и имплантолог.
Во Македонија првпат стоматолозите учесници на конгресот ќе бидат дел од меѓународно акредитирана имплантолошка едукација и ќе добијат CME – европски кредит-поени.
Македонија
МОН известило дека деновите на изборите ќе се одработуваат во две саботи, а на 15 јуни и часовите пропшуштени поради самитот на ОБСЕ
Министерството за образование и наука (МОН) ги известило училиштата дека неработните денови на одржување на изборите ќе се одработат во две саботи, односно на 18 мај и 1 јуни, објави претседателот на Самостојниот синдикат за образование и култура (СОНК), Јаким Неделков.
Во дописот што го објави Неделков стои дека причината е за да се исполни одредбата од законот, со кој учебната година се остварува во 180 наставни дена, а притоа да не се продолжи учебната година.
МОН, покрај тоа, ги задолжува основните училишта во град Скопје на 15 јуни да ги одработат и пропуштените часови од 30 ноември лани, кој беше неработен ден поради одржувањето на министерскиот совет на ОБСЕ.
Неделков побара од министерот Јетон Шаќири веднаш да го повлече известувањето до училиштата.
„Од кога неработните денови преку ноќ стануваат работни? Министерот за образование веднаш да го повлече известувањето до училиштата, со кое се задолжуваат да ги одработат ‘неработните’ денови прогласени од Владата поради одржувањето на претстојните избори! Впрочем, и други учебни години завршувале и биле верифицирани од страна на министерот со помалку од 180 работни дена, како, на пример, учебната 2021/2022 година“, напиша Неделков на „Фејсбук“.
Владата, претходно, ги прогласи за неработни за сите граѓани деновите на одржувањето на изборите, 24 април и 8 мај.
Македонија
Пендаровски: Знам некои од другата страна кои имаат многу причини за страв од ветинг
Претседателскиот кандидат Стево Пендаровски вчеравечер од Кочани одговори зошто не е доцна во државата да се спроведе ветинг.
„2016 јас бев дел од тие кандидати за пратеници тогаш тоа го ветувавме. Добивме инструкција од Брисел дека заради негативните искуства во соседна Албанија, каде многу малку судии и обвинители го поминале тој тест, ветинг е проверка на имотната состојба, преведено на народски, дали си живеел во мандатот само од плата или си крадел и од други места. Значи, дали си чесен. Ги послушавме и дојдовме до 2% доверба во правосудството“, рече Пендаровски.
Во оваа насока тој истакна дека не само оваа политичка структура, туку дека после изборите сите треба да се заложат да се спроведе ветинг на судиите и на обвинителите, но и на политичарите.
„Значи не можеме ние целата вина да ја ставаме на судии и обвинителите, а самите да се амнестираме од тоа. Прво да се тргне од претседателот, од премиерот, од неговите роднини, пријатели, колеги, блиски, подалечни роднини, да не случајно си префрлил имот на друго име, само така ќе знаеме кој е човек со образ, кој суди по Устав и по закон. Сè друго е лажење на народот“, подвлече Пендаровски.
Потребно е да го спроведеме ветингот, за како што рече тој, граѓаните да не се сомневаат дали судиите и обвинителите работат согласно со законите или како што ќе им наложи некој друг.
„Да нема генерална перцепција во народот дека за 10 ќебапчиња или за 50 денари украдени на наплатна рампа одиш во затвор, а за милијарди украдени си живееш лагодно по не знам кој светски даночен рај. За да го избегнеме тоа, јас сум за ветинг или проверка на имотот на секој од нас и не само последните пет години. Ајде да тераме од 1990. Зошто да не? Јас немам од што да се плашам. Меѓутоа, знам некои од другата страна што имаат многу причини за страв“, заклучи Пендаровски.