Македонија
Во Скопје одбележан Светскиот ден на Алцхајмеровата болест
Под мотото „Сети се“, во организација на Здружението на граѓани „Институт за Алцхајмерова болест и невронаука“ – Скопје, денеска на плоштадот „Македонија“ во Скопје беше одбележан 21 септември – Светскиот ден на Алцхајмеровата болест.
Целта на настанот е подигнување на јавната постоењето на болеста како и социјална поддршка и реинтеграција на болните и нивните семејства во општеството. На настанот, својата поддршка ја даде сопругата на претседателот на државата Ствео Пендаровски, Елизабета Ѓоргиевска.
„Да потсетиме дека секој ден нашата свесност и информираност може да им го олесни животот на болните, да не ги оставиме изолирани и надвор од општеството. Деменцијата не засега сите нас. Таа одамна веќе не е нешто што му се случува на некој друг. Нашиот придинес во борбата со неа ги надминува медицинските достигнувања и навлегува во сферата на човечките доблести. Колку повеќе ја поттикнуваме кај себе човечноста, разбирањето и информирањето за болеста, толку влијаеме на создавањето хумани услови за живот подеднакви за сите, особено за оние што го бараат лекот за себе. Секој од нас е вклучен во мисијата да им се помогне на луѓето кои трагаат по сеќавњето и ја губат можноста самите да го креираат својот живот. Можно е да се живее со деменција, најбитна е личноста, а не болеста, што почнува незабележливо и трае долго со неизгледен исход. Мотото на нашиот денешен собир е Сети се! На тоа да се сеќаваме секој ден и во присутсво на секој засегнат. Да ги потсетуваме и да се грижиме за болните, знаејќи дека старите спомени последни исчезнуваат“, изјави Ѓоргиевска.
„Преку музика и инсерти од филмови од 50-60-тите и 70-тите години, ќе се обидеме да ги разбудиме старите спомени, да ги вратиме нашите драги во времето на нивната младост, во времето на игранките во Кермес, затоа што старите спомени , последни исчезнуваат. Алцхајмеровата болест тивко влегува во домот и станува болест на целото семејство. Раното препознавање на симптомите на болеста и навремено отпочнување со терапија, овозможува подобар квалитет на живот, како на болните така и на нивните семејства. Митот кој е причина за малиот процент на дијагностицирани и лекувани, митот против кој активно се бориме веќе неколку години е дека ..заборавањето е дел од нормалното стареење.. За ова сценарио да се промени, потребно е да се подигне јавната свест за постоењето и навременото препознавање на симптомите на Алцхајмеровата на болест, а токму таа порака денеска ја испраќаме “, изјави д-р Габриела Новотни,невролог при Универзитетската клиника за неврологија-Скопје и претседател на Институтот за Алцхајмерова болест и невронаука – Скопје.
Алцхајмеровата болест ја нарекуваат епидемија на 21 век. Таа е најчестиот вид на деменција и претставува огромен медицински проблем, особено што и по 113 години од нејзиното откривање, не постои лек за излекување или успорување на текот на болеста.
Со зголемувањето на животниот век, енормно расте и бројот на заболени од Алцхајмеровата болест. Во 2018 година вои светот имало 50 милиони заболени, а до 2050 година се очекува овој број да се триплира и да достигне 152 милиони лица.
Во Северна Македонија, според светската статистика, би требало да има околу 20.000 болни со Алцхајмерова деменција. Од нив само 20 отсто се дијагностицирани и лекувани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Стојчевски: Родена е третата политичка сила во македонскиот политички блок
Даниел Стојчевски, носителот на листата на Движењето ЗНАМ за Наша Македонија во ИЕ 2 истакна дека е родена третата политичка сила во македонскиот политички блок.
„Граѓаните испратија јасна порака. Изборното востание со својата незапирлива позитивна енергија се шири низ цела Македонија. На граѓаните им е доста од неказнета корупција,неправда,сиромаштија,лажни ветувања и криминална власт. Ние од Движењето ЗНАМ за Наша Македонија,искрено и чесно сме посветени на идејата нашата татковина да ја иградиме како просперитена држава во која обединето живеат среќни граѓани ,и никогаш нема да дозволиме граѓаните да бидат поделени по политичка, етничка или верска припадност“, истакна Стојчевски.
Се заблагодари на подршката на граѓаните и гласот кој го дале за како што рече, просперитетна Македонија.
„Ви благодариме за довербата која ни ја давате, да стигнеме до нашата заедничка цел, да ја видиме Македонија таму каде што заслужува да биде“, посочи тој.
Македонија
Таравари по веста дека имал тајна средба со Ахмети: Тоа е лага, но навикнат сум на понудите на Ахмети и не би било изненадување доколку дојде до мене
Претседателскиот кандидат на албанската опозициска коалиција „Вреди“, Арбен Таравари ја демантира веста дека вчера тајно се сретнал и добил понуда од претседателот на Демократската унија за интеграција, Али Ахмети по резултатите од претседателските избори.
„Со жалење денеска од еден многу сериозен албански медиум дознав дека синоќа се сретнав со господинот Ахмети и други функционери на ДУИ, за да слушнам понуда од господинот Ахмети. Не, не е вистина“, пишува Таравари ан социјалните мрежи.
„Кој ја кажал оваа вест лаже“, додава тој во напишаното.
„Синоќа му честитав на мојот тим и мирно денес продолжуваме со нашата работа кон промена! Навикнат сум на понудите на Ахмети и мислам дека не би било изненадување доколку дојде до мене, но оваа вест е лажна“, потенцира Таравари.
Македонија
Тодоровска: Документите за историјата на македонската држава мора да се заштитат и чуваат соодветно зашто ние сме менливи и минливи, но Македонија мора да постои
Кандидатката за пратеник во ИЕ 1 во Собранието на Македонија на претстојните парламентарни избори, од редовите на Движењето ЗНАМ – За наша Македонија, Катерина Тодоровска, одржа прес-конференција, на која се задржа на тоа зошто Движењето се определило во своите основни документи да ги стави Илинден и АСНОМ.
Таа рече дека современата македонска држава е формирана благодарение на вековната борба на македонскиот народ и останатите жители, за самостојна држава, каде би биле свои на своето. Тодоровска објасни дека во историјата постојат формално, пишано, и неформално, непишано, право, како што го толкуваат историчарите.
„Создавањето на државите, без исклучок, во историјата се одвивало врз основа на стекнато право коешто ние го третираме како непишаното право. Тоа значи дека еден народ може да се повика на историско право за создавање на нова и опстојување на новата држава само врз основа на два принципа. Првиот е принципот на континуитет, т.е. доколку некој народ во минатото имал сопствена држава со сите законски и правно регулирани перформанси. Вториот е принципот на крвта, т.е. колку крв е пролеана за таа територија, за тој народ“.
Тодоровска рече дека ние како Македонци не можеме да се повикуваме по првиот принцип, бидејќи сме немале некоја царска лоза помогната од странски династии како што е тоа случајот во создавањето на државите на нашите соседи, а што се однесува до вториот, принципот на крвта, Илинденското востание и АСНОМ се најголемите и најкрвави показатели за потребата на македонското население да биде самостојно и е подготвено да се жртвува за својот сон – своја држава. За тоа, како што рече таа, сведочи и фактот што ниту една од странските држави не се потрудила ниту да помогне, ниту да ја смири состојбата кога цели села во крушевско по Илинден, заедно со жителите биле пеплосувани. Тодоровска додае дека Крушевската република и нејзниот Манифест се одраз и израз на најдемократска политичка творба во почетокот на 20. век. Следната жртва на македонскиот народ се годините од народно-ослободителната војна 1941-1944 година, која била крунисана со АСНОМ и неговите одлуки. Благодарение на АСНОМ биле донесени шесте најважни документи за формирање на македонската државна единица, меѓу кои и Решението за прогласување на АСНОМ за Врховно Законодавно и Извршно Народно претставничко тело, како и Прогласот на Првото заседание на АСНОМ до македонскиот народ и до целото население кое живеело во македонската држава.
„Документите за историјата на македонската држава од 12 век наваму, а со тоа и најзначајните документи од Илинден и АСНОМ се чуваат во Државниот архив. За жал, таа бесценета документација денес е сместена во несоодветни услови, нешто што ќе бара итна реакција на новата власт за нејзино враќање во наменската зграда. Сите ние што знаеме дека историјата е учителка на животот, но и патоказ за иднината, знаеме и колкава е важноста на бесценетата документација која говори за македонското минато во креирањето на иднината на македонската драва.
Затоа како совесни чувари на македонското минато, ние имаме обврска да ги зачуваме, покрај другите, и документите од овие два грамадни историски столбови на македонската историја, Илинден и АСНОМ“, рече Тодоровска и додаде дека Програмата “Проглас за достоинствена Македонија” на Движењето ЗНАМ – За наша Македонија се залага за обезбедување на патот од минатото кон иднината, вложувајќи се максимум за Македонија, преку максимум заштита на историските корени и националните интереси на македонската драва. Запрашана зошто сега се покренува ова прашање кога со уставните измени при промената на името делумно се редефинираше прогласот од АСНОМ, кои се позициите и што се бара, Тодоровска одговори:
„Едно е да се редефинира, друго е историја. Иторијата не трпи редефинирање, не трпи туширање. Најмалку пак трпи произволност. Она што е многу битно сега е да си ја заштитиме нашата документација. Да ги заштитиме сите темелни документи коишто ги имаме. Доколку се отвора Уставот треба да се говори многу искрено и многу отворено за сите прашања и сите грешки коишто се направени. Она што досега нам, како на историчари, најмногу ни пречи е ставот на партиите коишто имаат едно чувство дека се непогрешливи. Непогрешливоста не постои, секој од нас може да згреши, но секој од нас треба да си ја признае грешката, да си ја исправи грешката и на крајот ние сме сите менливи и минливи, но Македонија мора да постои“, потенцира Тодоровска.