Македонија
Делегација на АРМ во неколкудневна посета на националната гарда на Вермонт
Делегацијата на АРМ, предводена од началникот на генералштабот на АРМ, генерал-потполковник Методија Величковски, во рамките на неколкудневната посета на националната гарда (НГ) на Вермонт, покрај остварената средба со својот домаќин, командантот на НГ на Вермонт, генерал-мајор Стивен Креј, реализира посети и средби со командантите на команди и единици од составот на нацоналната гарда.
За време на официјалната средба помеѓу НГШ на АРМ и генералот Креј беа разгледани придобивките од досегашната воена соработка која полека навлегува во 25. година, особено во делот на обуката, реализираните вежби и заедничкиот настап во мировните операции. Притоа е повторена определбата за идните заеднички настапи во мировни мисии и меѓународни вежби за што на припадниците на Армијата на Република Македонија им се ставени на располагање капацитетите за обука и едукација на НГ на Вермонт.
Делегацијата при посетата на базата Форт Друм, во сојузната држава Њујорк, ги обиколи припадниците на АРМ кои во моментот изведуваат предупатна обука за мировни мисии, заедно со своите колеги од инженерискиот полк од 86. пешадиска бригада (бригада на НГ на Вермонт). Со единици на оваа бригада досега се реализирани повеќе вежбовни активности, како и заедничкиот настап во мисијата ИСАФ во 2010 година, а во понатамошниот период предвидено е повторно заедничко учество во мировната мисија „Одлучна поддршка во Авганистан“.
Во текот на вчерашниот ден делегацијата ја посети воздухопловната национална гарда на Вермонт, каде што, покрај запознавањето со капацитите и активностите на командата, генералот Величковски остварил средба со командантот генерал Крег Кемпбел, на која исто така се разговарало за планираните активности на соработка.
До крајот на посетата делегацијата ќе присусвува на церемонија на испраќање на воздухопловна единица во мисија, а ќе има средби и координации за планраните понатамошни активности со воените авторитети од НГ на Вермонт.
Во досегашните заеднички активности со НГ на Вермонт се реализирани речиси 1.000 активности во полето на обуката, на кои над 6.000 припадници на АРМ ги совладале стандардите на вооружените сили на САД, кои се имплементирани во единиците на АРМ. Со организацијата и реализирањето на овие вежби, декларираните единици на АРМ, во голема мера ги подигнаа, но и ги потврдија тактичките процедури и техники на НАТО, што придонесе за успешно спроведување на досегашните процеси на оценување во согласност со концептот на НАТО, како и за добиените признанија за беспрекорно извршување на задачите во мировните мисии.
Преку редовните возвратни посети на највисоко воено ниво и интензивната реализација на споменатите активности соработката меѓу НГ на Вермонт и АРМ, како и помеѓу сојузната држава Вермонт и Република Македонија, се издвојува во самиот врв на програмите на партнерски сојузни држави при Бирото на НГ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Шкријељ: Понудата на ДПМНЕ е понуда за блокада на ЕУ, над 80 проценти од листите се истите пратеници
Составот на кандидатските листи за пратеници од ВМРО-ДПМНЕ потврди дека нема никаква промена во оваа партија. Ова е понуда за блокада на европскиот пат на државата, тоа е кристално јасно, истакна на денешната прес-конференција Санела Шкријељ, пратеничка на СДСМ.
„Над 80% од предложените кандидати за пратеници се истите кои досега спроведуваа активна блокада на македонското Собрание.
Освен блокада на европскиот пат на државата повеќе од 2 години Собранието е под опструкции, блокади, кочење, од страна на ВМРО-ДПМНЕ
Наместо за интересот на граѓаните и државата се спроведуваа теснопартиски инетерси а често слушнавме и навреди и омаловажувања кон жените-пратенички.
Во време на криза во Собранието ја блокираа помошта за граѓаните и компаниите.
Беа против минималната плата и раст на платите и против членството на државата во ЕУ.
Тропаа и вревеа со вувузели во парламентот“, вели таа.
Оценува дека граѓаните беа сведоци на одолговлекувања, бесмислени реплики, штанцање илјадници амандмани за блокада на законите, незакажување седници и неставање на дневен ред на клучни закони во парламентарните комисии, предводени од опозицијата.
Со истите лица на листите, Белата палата, според Шкријељ потврдува дека се определува за блокада на европскиот пат на државата. Со ДПМНЕ е можно само враќање назад.
В„о ВМРО-ДПМНЕ нема никаква промена и не можат да донесат никакви промени на подобро, напротив.
Затоа, кристално јасно е.
Изборот пред граѓаните на претстојните избори ќе биде помеѓу надеж и просперитетна европска иднина со СДСМ и безнадежност, враќање 10 години назад со ДПМНЕ далеку од ЕУ“, прецизира пратеничката на СДСМ.
Скопје
В недела посебен сообраќаен режим во Скопје
Министерството за внатрешни работи известува дека на 31.3.2024 (недела), со почеток во 9 часот, поради одржување атлетска трка на 10 км, со траса на движење од долниот паркинг на Средно Водно по регионалниот пат (Р2138) до паркингот на манастирот „Св. Пантелејмон“ и обратно, Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
Министерството за внатрешни работи апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива настанот.
Македонија
Левицата: Решението за градба кај болничкиот комплекс Воена болница да се поништи веднаш
„Го повикуваме градоначалникот Стевчо Јакимовски да ги почитува законите и да го поништи Решението за градба на 17-катницата кај Болничкиот комплекс „Воена болница“, истакнуваат од Левица.
Потсетуваат дека политичката партија Левица повеќепати укажа на штетноста од градбата на повеќекатницата на истата локација, паралелно организираше протест на којшто граѓаните јавно го искажаа незадоволството од своеволието на градоначалникот и инвеститорите за противзаконската одлука на истите да почнат со градба на зграда за којашто немаат законска дозвола.
„Од пред неколку дена е правосилно Решението со кое се поништува незаконски позитивното конзерваторско мислење, кое се обидоа да го издејствуваат инвеститорите, а истото, по наши сознанија, е пристигнато во Општината на 21.3.2024 година, по што градоначалникот треба веднаш во законски рок да постапи по истато. За жал, Решението за градба уште не е поништено.
Од општинската администрација не даваат одговори по однос на прашањето по Решението со кое се одбива жалбата на инвеститорите, но успеавме да го добиеме, бидејќи е информација од јавен карактер“, дообјаснуваат од оваа партија.
Го повикуваат градоначалникот Стевчо Јакимовски во пресрет на изборната претседателска кампања да се одважи, како што велат, да ги испочитува законите и да го поништи Решението за градба веднаш, како би докажал пред граѓаните дека, навистина, ги застапува нивните интереси“.