Македонија
Демонстрантите ги палеа маските и се договорија утре пак да протестираат
Протестот без маски, а против мерките за заштита од коронавирус и вакцините продолжија пред Владата. Имаше неколку говорници кои убедуваа дека коронавирусот не постои, други пак говореа дека биле заразени, но никој од нивните членови на семејствата не се заразиле. По ова, се палеа маски. Следните протести се закажани веќе за утре во 19 часот, а присутните се договараа да се излегува секој ден.
„Што дишеме ние народе, ни маските не горат“ рече присутен на протестите откако не успеаја да запалат неколку маски.
По ова, имаше повици сите да ги горат маските.
„Гори пи*ка ти матер, гори“, рече демонстрант кој запали маска по што се запеа: „Едно име имаме, во душата го носиме, за тебе живот даваме, о Македонијо“.
Жена која се претстави дека работела на Инфективната клиника, кажа дека таа ќе умрела од вирусот, но никој од нејзиното семејство не се заразил.
„Работев на Инфективна клиника, таму добив ковид. Го прележав дома, се лекував со обичен амоксиклав. Дома живеевме во една соба, четири члена, од кои едно дете од пет години. Верувајте луѓе, лично ми се случи никој од моето семејство не се закашла. Јас ќе умрев, никој не виде болест. Никој не се зарази. А сега морам да се вакцинирам. Зошто кога можам да се разболам? Кој ми гарантира дека нема да се разболам ако примам вакцина?“, рече таа.
Повозрасна жена, која како и сите останати демонстранти не се претстави, го прашуваше министерот Венко Филипче за новите мерки и вакцината.
„Зошто треба да се вакцинирам против вирус кој го уништува вода, сапун, алкохол, од кој се штитам со едно обично парче крпа ставено преку нос и уста? Зошто треба да дозволам во моето тело да се внесува нешто што не е испитано ниту на животните, да бидам вакцинирана, а од истата вакцина против која се вакцинираме можам да се разболам и со ревакцинација? Зошто не смеам да влезам во ресторан ако немам потврда, а каде ќе ме служи конобар кој не мора да биде вакциниран, а казна исто ќе ми пише полицаец кој исто не мора да биде вакциниран? Нели си Филипче малку контрадикторен? Не сакам да примам вакцина со која можам повторно да се разболам од болеста против која ја примам“, рече таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бојмацалиев: Една година ФРОНТЕКС – прв договор потпишан на македонски јазик со ЕУ
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност, Сашо Тасевски и државната секретарка, Магдалена Несторовска, остварија работна средба со раководството на Регионалниот центар за гранични работи ЈУГ, по повод одбележување на една година од почетокот на мисијата на ФРОНТЕКС во Република Северна Македонија, а со цел промоција на соработката помеѓу претставниците на ФРОНТЕКС во локалниот координативен центар и одговорните старешини од РЦ за ГР ЈУГ, како и промовирање на европскиот пристап на координирање на сите заеднички активности и справување со предизвиците.
„Одбележуваме една година од работата на макеоднската полиција заедно со ФРОНТЕКС, со целд а ги одбраниме нашит еи границите на ЕУ од прилив на мигранти. Тоа успешно го правиме од 2015 до денеска. Договорот е од историска важност, тогашниот министер Оливер Спасовски ја имаше честа да го потпише со Европската Унија, и ја отвори вратата за поинтензивна оперативна соработка заснована на доверба и меѓусебно почитување”, истана Бојмацалиев во изјава за медиумите, заблагодарувајќи се до Тасевски и Несторовска за напорите кои ги направија Договорот да биде на македонски јазик и успешно да функционира во нашата држава.
„Со тоа уште еднаш покажуваме дека македонската полиција е рамо до рамо со европските полиции, заедно работиме, и од пред некое време имаме барање од други полиции да вршиме обуки на нивните службеници како се справување со миграцијата. Од земја која бараше помош од другите држави за справување со миграција, сега нудиме помош”, рече Бојмацалиев
Македонија
Ковачки ги повика неопределените да гласаат: „ Да се обединиме за идејата ‘Македонија повторно твоја’“
Народот е подготвен и обединет за промени, приклучете се кон ВМРО-ДПМНЕ за да ја поразиме оваа ненародна и криминална влада на СДС и ДУИ, порача Драган Ковачки, член на ИК на ВМРО-ДПМНЕ и носител на изборна единица 3.
„Денеска сме во Кратово, Ранковце и Крива Паланка. Тука сме да презентираме проекти од Платформата 1198, ќе поразговараме со сите граѓани. Ги повикувам сите граѓани кои сеуште не се определиле и кои што ја чувствуваат позитивната енергија која што доаѓа од ВМРО-ДПМНЕ, да се обединиме околу идејата за Македонија повторно твоја, да се обединиме околу проблемите“, рече Ковачки.
Како што додаде вчерашниот митинг во Охрид покажал дека народот е подготвен и обединет за промени, а ВМРО-ДПМНЕ е партија за македонско национално единство.
Македонија
Успешна сложена дентална операција – изведена транспозиција на нерв
Вчера, успешно заврши сложениот хируршки зафат – транспозиција на нерв на пациент од земјата.
Оваа комплексна техника ја изведе искусен хируршки тим под водство на професор Мазен Тамими од САД, роден во Јордан.
Интервенцијата се изведе во присуство и во приватната специјалистичка ординација на реномираниот орален хирург и имплантолог од овие простори – Дијана Бојковска. Пациентот е во стабилна состојба, се чувствува добро, но претстои период на целосно заздравување по извршување на операцијата поради прилично атрофираната долна вилица.
Видеоприказ од интервенцијата ќе биде емитуван во рамките на меѓународниот имплантолошки конгрес, кој почнува денес во хотелот „Хилтон“ во Скопје, а ќе трае до 20 април. Напредната хируршка техника првпат ќе биде споделена со пошироката стручна јавност од земјата, но и од светот, бидејќи на конгресот ќе учествуваат врвни стоматолози, орални и максилофацијални хирурзи од четири континенти.
Дигитализација во стоматологијата и новите трендови во имплантологијата се дел од темите што ќе бидат во центарот на вниманието на овој конгрес. Конгресот предвидува теоретски, практичен дел и презентирање напредна хируршка техника во делот на имплантологијата.
Еминентни стоматолози специјалисти од Македонија исто така ќе земат активно учество на конгресот: д-р Митко Франгов, орален хирург и меѓународно лиценциран имплантолог, д-р Златко Вршковски, максилофацијален хирург и меѓународно лиценциран имплантолог, д-р Недим Касами, максилофацијален хирург и имплантолог, д-р Петар Вршковски, орален хирург и имплантолог, д-р Дијана Бојковска, орален хирург и имплантолог.
Во Македонија првпат стоматолозите учесници на конгресот ќе бидат дел од меѓународно акредитирана имплантолошка едукација и ќе добијат CME – европски кредит-поени.