Македонија
Димитров: Унијата не може да нѐ користи за одвраќање на бегалците, не сме дел од ЕУ
Балканските земји што не се дел од ЕУ не може да се искористат за да се одвратат мигрантите, изјави министерот за надворешни работи на Македонија, Никола Димитров, во интервју за водечкиот германски дневен весник „Ди Велт“.
„Засега имаме два транзитни центра. Информациите за создавање дополнителни центри во нашиот регион се шпекулации. Ние никогаш не сме добиле формално барање. Не можете да побарате од балканските земји да сносат таков товар ако не се дел од ЕУ. Мислам дека ќе бидеме многу цврсти по ова прашање Ние ќе ја покажеме нашата целосна солидарност, но тогаш кога ќе станеме дел од ЕУ. Унијата не може да го користи Балканот за одвраќање на бегалците. Како што кажавме, ние сме транзитна земја. Оние што ќе пристигнат кај нас потоа продолжуваат кон земјите членки на ЕУ“, рече Димитров.
Коментирајќи ја улогата на европските земји во затворањето на т.н. балканска рута, Димитров потврди дека во моментот ситуацијата со мигрантите на Балканот е поинаква.
„Да, нивниот број опаѓа. Имаме два транзитни центра – едниот на север и другиот на југ. Секојдневно добивам извештаи. Бројот на мигрантите значително се намали“, изјави Димитров.
По повод плановите на Берлин за склучување билатерални договори за враќање на мигрантите, министерот повтори дека Македонија е транзитна земја и малкумина би побарале азил во нејзините граници.
E.T.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.
Македонија
ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови
„Владата на ВМРО-ДПМНЕ ќе спроведе ограничување на маржите на лековите и проширување на позитивната листа за бесплатни лекови“, велат од ВМРО-ДПМНЕ.
„Идната влада ќе имплементира модел за намалување на цените и ограничување на маржите на лековите и медицинската опрема. Народот не смее да го преплаќа лекот.
Ќе се спроведе ревидирање и модернизирање на позитивната листа на лекови со вклучување на најголем дел од основните лекарства кои граѓаните ги користат.
Лековите мора да се издаваат согласно потребите на пациентот, со персонализирана и индивидуализирана терапија. ВМРО-ДПМНЕ има за цел да го крене здравството на сосема ново ниво“, соопшти ВМРО-ДПМНЕ.