Македонија
Димовски: Пендаровски да излезе од својот партиски дрес
Очекувавме од страна на господинот Пендаровски во своето прво обраќање спрема Собранието на Република Македонија да проба да гради мостови. Очигледно господинот Пендаровски не е излезен од чевлите на СДСМ и денес со својот говор наместо да понуди градба на мостови и она што самиот го зборуваше, помирување, тој само успеа да ги продлабочи поделбите во општеството, изјави пратеникот од ВМРО-ДПМНЕ, Илија Димовски.
Тој, во името на пратеничката група на ВМРО-ДПМНЕ, му порача на Пендаровски дека седум месеци вршење на функцијата претседател на државата се сосема доволни да излезе од својот партиски дрес како долгогодишен претпознатлив лик на СДСМ и како носител на листа на СДСМ на парламентарните избори.
Според Димовски, очигледно Пендаровски покомотно се чувствува кога ги зазема партиските позиции на СДСМ и кога ја врши функцијата портпарол на Владата, и портпарол на СДСМ, иако самиот потенцирал дека во последните неколку години поделбите во нашето општество се продлабочени.
„Слушнавме премногу празни зборови, за жал, не слушнавме што конкретно е направено во овие 7 месеци. Нема конкретни дејства, нема конкретни активности. Чувме многу дијагнози, но не слушнавме лек. Слушнавме многу оправдувања и релативизирања на проблемите со кои се соочуваат граѓаните, но не слушнавме конкретни планови, стратегии туку слушнавме оправдувања за погрешните владини полики, во меѓународните односи, во правосудството, а дури и во заштитата на животната средина“, рече Димовски.
Пратеникот додаде дека Пендаровски не кажал ништо и за неговите, како што рече Димовски, неодмерени изјави во последните неколку месеци во однос на статусот на нашиот национален и државен херој Гоце Делчев, во однос на обвинувањата дека младите се виновни што се иселуваат од државата.
„За жал, морам да потенцирам и дека за оние неколку идеи коишто господинот Пендаровски денеска ги соопшти пред Собранието, нема никакви консултации со опозицијата и пратениците, што дополнително говори дека станува збор за претседател којшто ќе продолжи, за жал, да ја извршува својата функција во насока на исполнување на очекувања од партијата к што го предложи и избра за претседател на Република Македонија“, рече Димовски.
Тој кажа дека ВМРО-ДПМНЕ се разочарани од Пендаровски, а со нивното присуство на седницата на која се обрати претседателот покажале позитивен пример.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Даштевски: Во првите два и пол часа пријавени се само технички проблеми, кабел или батерија, ги решаваме во од
Ситни техники проблеми околу биометриските уреди се пријавени во првите два и пол часа од гласањето. Претседателот на Државната изборна комисија Александар Даштевски извести дека гласањето се одвива мирно и без неправилности, а техничките проблеми вели дека тековно ги решаваат.
„Пријавени се само технички проблеми, батерија или кабел на биометриските уреди кои ги решаваме во од. Сите гласачки места се отворени и засега нема прекин никаде“, рече претседателот Даштевски.
Одѕивот во првите два и пол часа е 3,85 отсто, но пристигнале податоци од само 832 избирачки места. На овие избори право на глас имаат 1. 814.317 граѓани на 3480 избирачки места.
Македонија
3,85 отсто е одѕивот за гласање во првите два и пол часа, 12 приговори пристигнале во ДИК
Одѕивот на граѓаните во првите два и пол часа од гласањето за избор на претседател на државата на седмите претседателски избори е 3,85 отсто. Гласањето е почнато навреме, се одвива мирно и без пријавени неправилности. Претседателот на Државната изборна комисија (ДИК) Александар Даштевски утрово рече дека одѕивот е мал, но мал е и бројот на избирачки места од кои се пристигнати податоци.
„До девет часот пристигнати се податоци за одѕив на гласачите од 832 избирачки места. Од вкупно запишани 42.748 гласачи на овие избирачки места, гласале 15.487 или 3,8 отсто од гласачите. До овој момент во ДИК се доставени вкупно 12 приговори за заштита на личното избирачко право кои се предмет на обработка“, рече Даштевски.
На бесплатниот телефонски број 0800 555 44 граѓаните можат да постават прашање или да пријават неправилности до Државната изборна комисија.
Активна е и видеокол линијата 076 488 360 преку која граѓаните со оштетен слух и говор ќе можат преку видео повик да постават прашање до Државната изборна комисија и да добијат одговор на знаковен јазик. На сите граѓани на располагање им се интернет страницата на ДИК www.sec.mk како и страниците на социјалните мрежи „Фејсбук“ и „Твитер“ и каналот на јутјуб.
На страната rezultati.sec.mk може да се следи во живо излезноста на гласачите, вкупна и по општини.
На овие избори право на глас имаат 1. 814.317 граѓани на 3480 избирачки места. Податоци од повеќе избирачки места претседателот Даштевски најави за следната прес – конференција.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.