Македонија
Димовски: Стабилизацијата на Балканот зависи од евро-атланските интеграции на Македонија
Германија и Франција во континуитет ѝ даваат подрршка на Македонија во евро-атлантската интеграција. Во 2018 година сведоци сме дека евро-атланскиот регион е соочен со заеднички предизвици и можности. Европа има потреба од заедништво и стабилност на Балканот, рече државниот секретар на Министерството за надворешни работи, Виктор Димовски.
-Најдобриот начин да се задржи стабилноста во Македонија и регионот е забрзување на евро-атлантските процеси, претстојниот период ќе биде клучен за тоа. Очекуваме и веруваме дека иднината на Република Македонија е во НАТО и ЕУ и е навистина остварлива. Уверени сме дека тоа е од интерес не само за граѓаните на Македонија, кои преку 70 отсто се цврсто определени за евро-атланските интеграции, туку е од интерес и за целиот регион, вели Димовски.
Според државниот секретар на МНР, позитивните пораки од претставниците на ЕУ и НАТО кои ја посетија Македонија претставуваат поттик за реално остварување на европските и евро-атлански инспирации. Уште поголем поттик, вели тој, е извештајот на Европската комисија со кој се потврдуваат постигнувањата на новата реформска влада за изградба на правна држава и создавање услови за демократски развој.
-Могерини изјави дека за кратко време постигнавме многу, европскиот комесар Јоханес Хан истана дека Македонија е пример за демократски промени и дополнително на ова Европската комисија ни даде неусловена, чиста препорака Македонија да ги почне преговорите за влез во ЕУ. Македонија е на добар пат, рече Димовски додавајќи дека Владата на РМ за нецела година од заробена држава Македонија ја трансформира во земја со можности.
Димовски потсети дека деновиве се навршува 1 година од 27 април, што според него е пресвртна точка на политичката криза па поради тоа од денешна перспектива Македонија е позрела и посилна и е на пат да стане суштински дел од Европа, а не само географски.
-Повеќе од 2 децени Македонија и НАТО се блиски партнери, градиме заеднички односи и интереси. Македонската Влада е цврсто определена да продолжи на овој пат, доказ за тоа е зголеменото учеството на Македонија за дополнителни 20 отсто во операциите на НАТО во Авганистан, вели Димовски.
Тој истакна дека минатиот месец Владата ја усвои националната стратегија за безбедност и антитероризам која е во согласност со препораките на НАТО, а и ги подобрува односите со соседните земји, што е исто така препорака од евро-атланските сојузници.
– Со Грција имаме почети контакти и со комуникација вложуваме напори да внесеме нова динамика во решавањето на проблемите околу името. Исто така, договорот со Бугарија остави позитивен впечаток кај европските држави, рече Димовски.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски се сретна со амбасадорот на Турција: врвен приоритет е склучување на билатерален Договор за соработка во областа на безбедноста
Денеска, министерот за внатрешни работи Панче Тошковски и заменик министерот Назим Буши остварија работна средба со амбасадорот на Република Турција Н.Е. Фатих Улусој.
Министерот Тошковски на новоименуваниот амбасадор Улусој му посака пријатен престој и успешно вршење на амбасадорската функција, со желби за унапредување на билатералните односи меѓу двете земји.
На средбата беа отворени тековни прашања од соработката во областа на безбедноста, внатрешните работи и конзуларни прашања во надлежност на министерството за внатрешни работи, за што се потврдија заложбите за искрена соработка на овие теми.
Една од главните заложби е одржувањето на стабилноста и безбедноста на регионот, за што двајцата соговорници се согласија дека од врвен приоритет е склучувањето на билатералниот Договор за соработка во областа на безбедноста кој е во фаза на заемно усогласување.
Скопје
Едукативен мото настан утре во Кисела Вода
Утре, со почеток во 11 часот, пред салата Расадник, ќе се одржи едукативен мото настан од отворен карактер „Сите возиме, но некои знаат“.
На присутните од страна на лиценцирани инструктори, ќе им биде презентирани важноста за техничка исправност на моторното превозно средство (мопед, скутер, мотор), правилната употреба на безбедносна опрема за возење, како и справување во реални ситуации на улица.
„Низ дружење со претставници и членови од мото клубови, автошколи и здруженија ќе се изврши едукација за безбедно возење во и надвор од урбани средини, за брзината како фактор за општа безбедност и за намалувањето на загаденоста на воздухот преку користење на електрични превозни средства“, велат од општина Кисела Вода.
Македонија
Ќе се основа медицински факултет во Битола, усвоени се законските измени
Со усвоениот Закон предложен од пратениците на СДСМ основаме Медицински факултет во Битола, изјави пратеничката Жаклина Лазаревска.
Медицинскиот факултет ќе биде во состав на Универзитетот ,,Св. Климент Охридски” – Битола а ќе ги има отсеците за општа медицина, стоматологија, фармација и Висока медицинска школа.
Како што објави Лазаревска, наставните бази на Факултетот ќе бидат Клиничката болница Битола, Специјалната болница за кардиолошки заболувања „Свети Стефан“ Охрид, Специјалната болница за ортопедија и трауматологија „Свети Еразмо“ Охрид , Специјалната болница за нефрологија Струга и болницата со проширена дејност во Прилеп.
„Обезбедуваме висок степен на образование и обука за студенти кои ке станат идни лекари, со потребни знаења и вештини. Со основањето на Медицинскиот факултет Битола ќе го утврди своето место како регионален образовен центар и ќе даде можност на средношколците од градот и околните населени места, да студираат во своето место. Значително ќе допринесе во создавањето на нов стручен кадар, подобрување на здравствениот систем и одржување на високи стандарди за образованието, етиката и праксата во областа на медицината“, изјави Лазаревска.
Како што рече, ова ќе влијае на зголемување на квалитетот на здравствени услуги преку обучени и компетентни лекари за подобрување на здравјето на населението.