Македонија
ДОМ: Само со ревизија на штетните урбанистички планови ќе има и работа за градежништвото и квалитетен живот
Од партијата Демократска обнова на Македонија (ДОМ) во соопштение наведуваат дека не се против градби туку против безграничната алчност на некои инвеститори и неодговорност на лица од политиката и администрацијата, кои наметнуваат урбана експанзија на сметка на здравјето и квалитетот на живот на граѓаните.
„Само со ревизија на штетните ДУП-ови ќе има и работа за градежништвото и квалитетен живот“, наведуваат од ДОМ во одговорот на реакциите на претставници од бизнисот, кои тврдат дека ќе пропаднело градежништвото поради мораториумот на одредени ДУП-ови.
„Oваа состојба на застој во спроведувањето на ДУП-овите беше нужна заради анализа и поправка на планови кои го узурпираат и гушат просторот, а се надвор од секаков пристоен стандард и услови за еколошки одржливо градење и живеење. Ако инвеститорите и планерите имаат елементарна чесност и граѓанска солидарност, ќе ги испочитуваат барањата на граѓаните“, се наведува во партиското соопштение.
Од ДОМ додаваат дека секој ДУП може да се направи пристоен и одржлив, со помал габарит и катност на објектите, а со повеќе простор и зеленило меѓу нив.
„Никој нема да биде во загуба! Ова на дело го покажа Советот на Градот Скопје и градоначалникот Шилегов, кога преку стручната служба и градската комисија за урбанизам донесе 23 регулациски планови, изработени од Агенцијата за планирање на просторот, најголема и најрелевантна институција за просторно и урбанистичко планирање во земјава. Како што најави Шилегов, овие планови прават доразработка на стандардите во ГУП-от и стеснување на просторот за манипулирање на општините во донесувањето на ДУП-ови“, велат од ДОМ.
Партијата Демократска обнова на Македонија како зелена партија со години се залага за хумано просторно и урбанистичко планирање, со намалување на степенот на изграденост на земјиштето, со простор меѓу објектите исполнет со зеленило и со сите инфраструктурни содржини неопходни за квалитетно живеење.
„Затоа и го изработивме Законот за урбано зеленило, кој конечно се донесе на 15 јануари 2018 година. Затоа изработивме и закони за градски архитекти, кои беа одбиени во Собранието во 2012 година и веројатно е сега право време да се поднесат повторно“, наведуваат од партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно и потопло со сончеви периоди
Времето денеска ќе биде променливо облачно и потопло со сончеви периоди. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец. Минималната температура ќе биде во интервал од 4 до 10, а максималната ќе достигне од 16 до 24 степени.
Во Скопје променливо облачно и потопло со сончеви периоди. Во делови од котлината ќе има услови за појава на краткотраен пороен дожд со ретки грмежи. Ќе дува слаб до умерен променлив ветер. Минималната температура ќе се спушти до 6, а максималната ќе достигне до 22 степена.
Во четврток ќе се задржи променливо облачно време со повремени врнежи од дожд. Локално врнежите ќе бидат поројни, проследени со појава на грмежи, а на повисоките планини ќе преминуваат во повремен слаб снег. Од петок следува период на претежно стабилно и потопло време.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.