Македонија
Евакуирани повеќето Македонци од Авганистан, во базата на НАТО се останати уште 14 државјани
Министерот за надворешни работи Бујар Османи на денешната прес-конференција информираше дека утрово околу 4:30 часот првите македонски граѓани кои биле на аеродромот во Кабул слетале во Доха и се очекува тие да бидат трансферирани во Кувајт.
„Нивниот транспорт во земјава е неспорен и тие се на безбедно. Малку подоцна слета и втор авион во Абу Даби, Дубаи, во кој се наоѓаа 25 македонски граѓани и нивниот пат продолжува за Лондон. Дополнително се упатени 25 наши граѓани од базата во НАТО во Кабул, и тие се на пат за Доха каде што наскоро се очекува да слетаат. Нивниот пат е безбеден“, изјави Османи, додавајќи дека според последните информации повеќе нема македонски граѓани на терминалите на аеродромот во Кабул кои чекаат да бидат евакуирани.
Според информациите од министерството, во базата на НАТО во Кабул се наоѓаат уште 14 македонски државјани, од кои тројца ќе останат да ги вршат задачите и ќе бидат евакуирани последни, заедно со војската од базата.
„Во НАТО-базата во Кабул се наоѓаат уште 14 македонски државјани и 11 од нив наскоро треба да бидат ставени во планот за евакуација додека тројца ќе останат да ги вршат задачите и ќе бидат евакуирани последни заедно со војската од базата“, појасни Османи.
Тој потенцира дека се очекува сите македонски граѓани да бидат извлечени од Авганистан и безбедно да се вратат дома.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Стојаноска од Јегуновце: Оваа криминална власт вчера го доби жолтиот картон, а црвениот и следува на 8 мај
Од победничко Јегуновце, најпрво се заблагодарувам и им честитам на сите граѓани на Република Македонија, особено на тие од изборната единица шест, затоа што вчера ја направија Македонија горда, кажа Дафина Стојаноска, носител на ВМРО-ДПМНЕ во изборната единица 6.
„Вчерашниот датум, 24 април, оваа криминална власт го доби жолтиот картон, а црвениот и следува на 8 мај.
Денес продолжуваме со стисок на рака повеќе и барање на глас повеќе, заедно да се обединиме против криминалот“, порача таа.
Ова политичко зло, како што рече, „да го испратиме во пензија и Македонија повторно да ја направиме ваша и повторно горда“.
Македонија
Милица Џаровска се прости од својот татко: Не ти кажав, ама ти знаеше дека ми беше идол
Велибор Џаровски – Џаро, познатиот менаџер, почина денес на 75-годишна возраст, по кратко боледување, додека веста за неговото испраќање ја објави неговата ќерка Милица.
– Чао Благојче мој, знам дека и горе ќе се снајдеш и ќе најдеш некоја сигурица за играње. Не ти кажав, ама ти знаеше дека ми беше идол“.
Тој зад себе ги остави сопругата Виолета, внуците Лара и Лука, но и единствената ќерка Милица, позната естрадна новинарка. Таа минатата година ја издаде книгата „Живот на коцка” која му ја посвети токму него.
Џаро соработуваше со најголемите југословенски естрадни ѕвезди, како Здравко Чолиќ, Мишо Ковач, Маја Оџаклиевска, Оливер Драгоевиќ, „Бјело дугме“, Тереза Кесовија, Лепа Брена.
Беше познат и како крал на местенките во фудбалот.
Македонија
Тошковски во посета на ЕВР Центар и Бит Пазар: во фокусот недостатокот на човечки ресурси, возила и материјално-технички средства
Министерот за внатрешни работи Панче Тошковски денес оствари работни посети на Полициската станица Центар и Полициската станица Бит Пазар кои функционираат во рамките на Единицата за внатрешни работи Центар и Бит Пазар каде одржа состаноци со раководството.
Оваа Единица се соочува со најголем обем на работа на ниво на целата држава имајќи ја предвид структурата на теренот кој го покриваат кадешто се наоѓаат голем број на државни институции, културни објекти и дипломатско-конзуларни претставништва поради што на дневна основа има многу голема фрекфенција на луѓе.
Во однос на вчерашниот изборен ден министерот Тошковски беше информиран дека не се забележани поголеми нарушувања, освен констатирано едно кривично дело каде член на изборната комисија се обидел да гласа за друг. Исто така, беше потенцирано дека за вториот круг потребно е да се зголеми бројот на полициски службеници со цел овозможување на непречено спроведување на изборите.
„ЕВР Центар и Бит Пазар се соочува со сериозен недостаток на човечки ресурси, како во делот на униформираната полиција така и во делот на инспекторите. ОД аспект на условите за работа во двете полициски станици и опременоста со материјално-технички средства и возила состојбата е алармантна. И покрај овие проблеми, сепак беше потенцирано дека бележат солидни резултати во расчистувањето на кривични дела.“, издвои министерот Тошковски.
Заеднички беше констатирано дека во иднина треба да се размислува за дислокација на Полициската станица Центар во посоодветен објект со подобри просторни услови, со што ќе се овозможи подобро и поефикасно постапување на полициските службеници.