Македонија
Еден месец нема казна за „Македонијалек“ за погрешните вакцини
Еден месец по скандалот со погрешните вакцини, нема казна за „Македонијалек“, фирмата увозник. Министерството за здравство и Агенцијата за лекови и медицински помагала (МАЛМЕД) експресно открија дека се работи за исправни МРП (морбили, рубеола, паротит) вакцини со важечки рок кој бил прелепен со погрешни декларации, но за казната за „Македонијалек“ се уште се размислува.
Откако МАЛМЕД утврди дека грешката е кај увозникот на почетокот на јануари, министерот за здравство, Венко Филипче, најави најстрога казна за „Македонијалек“, но за да биде пропишана, сега вели дека ќе чекаат да заврши истрагата на Јавното обвинителство.
„’Македонијалек’ се уште не е казнета поради истрагата што ја отвори Обвинителството. Истрагата е во тек. Ние ќе ги чекаме резултатите оти истрагата може да отвори нови сегменти“, рече министерот Филипче.
Отворањето на истрагата од Министерството го искористија и како последно оправдување за тоа што не дозволуваат да се снимат вакцините. Од Министерството за здравство, пред да биде отворена истрагата најавија дека ќе овозможат снимање во соработка со МАЛМЕД и „Македонијалек“, но снимањето се одолговлекуваше и се презакажуваше се до отворањето на истрагата кога надлежноста за вакцините ја презема Обвинителството. Од таму за „Макфакс“ изјавија дека не можат да излезат во пресрет на барањето за снимање бидејќи предистражната постапка е тајна. Од Обвинителството известија дека извршиле попис и обезбедување на вакцините кои се сместени во депо на „Македонијалек“.
МАЛМЕД извести дека по контролите во здравственните домови пронашле 624 кутии од вакцините „Приорикс“ на производителот „Глаксосмитклјан“ од Белгија со погрешни декларации. Сите се повлечени од здравствените домови поради погрешните декларации со одлука да се уништат.
Уништувањето на вакцините го спречи Обвинителството кое отвори истрага целиот случај по допрен глас.
„Македонијалек“ за целиот скандал испрати само едно соопштение во кое објасни дека се работи за техничка грешка. Надлежните од компанијата не одговорија на ниту едно прашање поврзано со погрешните вакцини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските избори освои само 8.103 гласа, односно 0,90 %. Тоа е помалку од бројот на собрани потписи за претседателската кандидатура зад која му се потпишаа 10.000 граѓани.
Јакимовски во неговата општина освои 2.143 гласа, а во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Силјановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
Стевчо има повеќе квадрати во една општина свои отколку гласови
— БУГАРСКИ ПАСОШ🇲🇰 (@NemamBgPasos) April 24, 2024
Стевчо им се заблагодари на сите коишто гласаа за него… поединечно
— Dimano (@dimanovski) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на „Фејсбук“.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски-Џаро по кусо боледување, потврди семејството. Тој важи за еден од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како крал на местенките во фудбалот.
Соработуваше со големи музички ѕвезди, како Здравко Чолиќ, Мишо Ковач, Маја Оџаклиевска, Оливер Драгоевиќ, „Бјело дугме“, Тереза Кесовија, Лепа Брена.
Своевремено има изјавено дека организирал 5.000 концерти и многубројни турнеи во повеќе од тридецениската кариера како менаџер.