Македонија
Единствена Македонија: Новинарските платеници треба да знаат дека Бачев не се криеше, туку војуваше против хунтата на Заев
Единствена Македонија преку соопштение реагира на вчерашните, како што велат од партијата, лаги на Центарот за комуникации на ВМРО-ДПМНЕ, кој, според нив, преку своите новинарски платеници во партиските портали „Денешен“, „Курир“, „Република“ ширел подмолни лаги дека претседателот Јанко Бачев побегнал од завчерашниот митинг пред Собранието, дека бил човек на Заев, па излегол неповреден од протестот.
„Ние сме свесни за очајот на овие новинарски јаничари и платеници, претходно на Груевски, сега на Мицкоски, зошто ги шират ваквите лаги, свесни дека членството на ВМРО-ДПМНЕ масовно ги напушта предавничките политики на нивните ментори од раководството на ДПМНЕ. За разлика од платениците од порталите на ДПМНЕ, ‘Денешен’, ‘Курир’, ‘Република’, кои бараат и ликуваат за морбидни сцени со повредени лица на протестот, Единствена Македонија не посакува на кој било протест да има повредени како што имаше на сенародниот митинг пред Собранието со употреба на бруталната и незаконска сила од полицијата“, се наведува во партиското соопштение.
Од Единствена Македонија велат дека целиот македонски народ бил сведок оти пред Собранието првата испукана шок-бомба и првиот солзавец од полицијата биле фрлени токму врз претседалот Бачев, кој правел обиди да го запре полицискиот хермелин.
„Возилото тргна да го гази народот и притоа претседателот Бачев доби сериозни повреди за што беше хоспитализиран во една скопска болница“, појаснуваат од партијата.
Додаваат и дека за разлика од, како што велат, новинарските платеници на Мицкоски, кои од безбедна дистанца во своите домови го следеле протестот и чекале инструкции од Центарот за комуникации, претседателот на Единствена Македонија бил со македонскиот народ цела вечер пред Собранието и војувал со марионетската власт во Скопје по цена на своето здравје и живот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одѕивот до 17 часот изнесува 44,18 отсто – за околу 9 проценти повеќе во споредба со претходните претседателски избори
До 17 часот во првиот круг од претседателските избори, своето право на глас го оствариле 397.612 избирачи, или 44,18 отсто.
Како што соопшти претседателот на Државната изборна комисија (ДИК), Александар Даштевски, засега најголема е излезноста во Новаци, каде гласале 67,19 отсто, а најмала во Пласница – 15,5 отсто.
Засклучокот е дека гласањето се одвива мирно.
Во споредба со првиот круг од претседателските избори во 2019 година, до 17 часот, излезноста е поголема за околу 9 отсто.
Досега до ДИК се доставени 308 приговори, од кои 85 се усвоени, 27 отфрлени како неуредни, а 38 се одбиени. Останатите се во процес на обработка.
Македонија
Петмина си ги фотографирале гласачките ливчиња, полицијата ги фати
Пет лица во периодот од 11 до 14 часот, биле фатени од страна на полицијата оти ги фотографирале своите гласачки ливчиња додека го остварувале своето право на глас, објави МВР.
-Во 11.10 часот е пријавено дека во село Коџалија, општина Радовиш на избирачко место број 1602 С.А. од с.Коџалија го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок.
-Околу 12.15 часот е пријавено дека на избирачко место број 2683/1 во Скопје А.С. (40) од Скопје го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок.
-Околу 12.15 часот е пријавено дека А.И.(48) од Охрид на избирачко место број 1271 во Охрид го фотографирал гласачкото ливче. А.И. е приведен во полициска станица и по документирање на на случајот ќе биде поднесен соодветен поднесок.
-Во 12.35 часот е пријавено дека на избирачко место бр.0006 во Берово, Д.Т.(42) го фотографирал гласачкото ливче. Д.Т. е приведен во полициска станица и по документирање на на случајот ќе биде поднесен соодветен поднесок.
-Во 13.57 часот е пријавено дека на избирачко место 2555 во Скопје С.С. го фотографирала гласачкото ливче. Се преземаат мерки за расчистување на случајот, по што ќе биде поднесен соодветен поднесок, се наведува во извештајот на МВР.
Македонија
Одѕивот до 15 часот е 35,89 отсто, најмалку гласале во Центар Жупа, а најмногу во Новаци
До 15 часот до Државната изборна комисија пристигнати се податоци за одѕив на гласачите од 2.110 избирачки места.
Од вкупно запишани 1.092.341 гласач на овие избирачки места, гласале 392.066, односно 35,89 проценти.
Според податоците што се пристигнати досега, најголем одѕив е забележана во Новаци со 57,69 % а најмал во Центар Жупа, 13,11 %.
Гласањето досега се одвива мирно на сите избирачки места.
До овој момент до ДИК се доставени вкупно 233 приговори за заштита на личното избирачко право. Од нив, 38 приговори се усвоени и на избирачите им е овозможено да го остварат своето право на глас, 21 приговор се отфрлени како неуредни, а 22 се одбиени. Другите приговори се во обработка.
На страницата rezultati.sec.mk може да се следи во живо одѕивот на гласачите, вкупен и по општини.