Македонија
Жерновски: На партиското судство му се ближи крајот
Градоначалникот на општина Центар, Андреј Жерновски, одговарајќи на новинарско прашање во врска со денешното одложување на судското рочиште во случајот „Демолирање на општина Центар“ и „Нарачани шлаканици од Груевски за Жерновски“, рече дека правдата доаѓа полека, но сигурно.
„Никој не веруваше дека Груевски ќе одговара и ќе оди на суд, но тоа се случува. Судството, кое е последниот бастион на Груевски, ќе мора да се реформира . Многу брзо работите ќе почнат да се враќаат во нормалниот колосек, а криминалците да одговараат. Персонификација на криминалот е Никола Груевски“, рече Жерновски.
На прашањето за тоа дали на Груевски му се брза за завршување на судскиот процес пред формирање на новата влада, Жерновски рече дека може и да му се брза, но има и друг суд, а тоа е судот на јавноста, тие веќе својата одлука ја испорачаа на последните парламентарни избори, каде ВМРО-ДПМНЕ во Центар загуби со 8.500 гласови разлика. Тоа ќе биде потврдено и на следните локални избори.
Во врска со идејата на Милчо Манчевски за ставање мораториум за градење во Дебар Маало, градоначалникот Жерновски рече дека е задоволен бидејќи граѓаните ја прифатија и ја користат платформата „Идеи за Центар“ за да можат сами да ја креираат својата општина.
„Немаме законска можност да се стави мораториум за градење во Дебар Маало за да се заштити овој дел од Центар од урбаната мафија, иако целосно ја поддржувам идејата. Сакам да истакнам дека во изминатиот период, откако е дојдено ова раководство, нема нови градби, а незаконски е да се оневозможат градби за кои инвеститорите веќе добиле дозвола од претходното раководство од ВМРО-ДПМНЕ. Во последните три години општината не изгласа ниту една нова градба во Дебар Маало. Ги повикувам на средба претставниците на иницијативата, како и секогаш досега и да најдеме заедничко решение за заштита на Дебар Маало, бидејќи ние сме на иста страна. Со недонесување на нов ДУП, иако не de jure, но de facto ставивме мораториум за заштита на Дебар Маало од урбаната мафија“, рече градоначалникот Жерновски./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бојмацалиев: Една година ФРОНТЕКС – прв договор потпишан на македонски јазик со ЕУ
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност, Сашо Тасевски и државната секретарка, Магдалена Несторовска, остварија работна средба со раководството на Регионалниот центар за гранични работи ЈУГ, по повод одбележување на една година од почетокот на мисијата на ФРОНТЕКС во Република Северна Македонија, а со цел промоција на соработката помеѓу претставниците на ФРОНТЕКС во локалниот координативен центар и одговорните старешини од РЦ за ГР ЈУГ, како и промовирање на европскиот пристап на координирање на сите заеднички активности и справување со предизвиците.
„Одбележуваме една година од работата на макеоднската полиција заедно со ФРОНТЕКС, со целд а ги одбраниме нашит еи границите на ЕУ од прилив на мигранти. Тоа успешно го правиме од 2015 до денеска. Договорот е од историска важност, тогашниот министер Оливер Спасовски ја имаше честа да го потпише со Европската Унија, и ја отвори вратата за поинтензивна оперативна соработка заснована на доверба и меѓусебно почитување”, истана Бојмацалиев во изјава за медиумите, заблагодарувајќи се до Тасевски и Несторовска за напорите кои ги направија Договорот да биде на македонски јазик и успешно да функционира во нашата држава.
„Со тоа уште еднаш покажуваме дека македонската полиција е рамо до рамо со европските полиции, заедно работиме, и од пред некое време имаме барање од други полиции да вршиме обуки на нивните службеници како се справување со миграцијата. Од земја која бараше помош од другите држави за справување со миграција, сега нудиме помош”, рече Бојмацалиев
Македонија
Ковачки ги повика неопределените да гласаат: „ Да се обединиме околу идејата за Македонија повторно твоја“
Народот е подготвен и обединет за промени, приклучете се кон ВМРО-ДПМНЕ за да ја поразиме оваа ненародна и криминална влада на СДС и ДУИ, порача Драган Ковачки, член на ИК на ВМРО-ДПМНЕ и носител на изборна единица 3.
„Денеска сме во Кратово, Ранковце и Крива Паланка. Тука сме да презентираме проекти од Платформата 1198, ќе поразговараме со сите граѓани. Ги повикувам сите граѓани кои сеуште не се определиле и кои што ја чувствуваат позитивната енергија која што доаѓа од ВМРО-ДПМНЕ, да се обединиме околу идејата за Македонија повторно твоја, да се обединиме околу проблемите“, рече Ковачки.
Како што додаде вчерашниот митинг во Охрид покажал дека народот е подготвен и обединет за промени, а ВМРО-ДПМНЕ е партија за македонско национално единство.
Македонија
Успешна сложена дентална операција – изведена транспозиција на нерв
Вчера, успешно заврши сложениот хируршки зафат – транспозиција на нерв на пациент од земјата.
Оваа комплексна техника ја изведе искусен хируршки тим под водство на професор Мазен Тамими од САД, роден во Јордан.
Интервенцијата се изведе во присуство и во приватната специјалистичка ординација на реномираниот орален хирург и имплантолог од овие простори – Дијана Бојковска. Пациентот е во стабилна состојба, се чувствува добро, но претстои период на целосно заздравување по извршување на операцијата поради прилично атрофираната долна вилица.
Видеоприказ од интервенцијата ќе биде емитуван во рамките на меѓународниот имплантолошки конгрес, кој почнува денес во хотелот „Хилтон“ во Скопје, а ќе трае до 20 април. Напредната хируршка техника првпат ќе биде споделена со пошироката стручна јавност од земјата, но и од светот, бидејќи на конгресот ќе учествуваат врвни стоматолози, орални и максилофацијални хирурзи од четири континенти.
Дигитализација во стоматологијата и новите трендови во имплантологијата се дел од темите што ќе бидат во центарот на вниманието на овој конгрес. Конгресот предвидува теоретски, практичен дел и презентирање напредна хируршка техника во делот на имплантологијата.
Еминентни стоматолози специјалисти од Македонија исто така ќе земат активно учество на конгресот: д-р Митко Франгов, орален хирург и меѓународно лиценциран имплантолог, д-р Златко Вршковски, максилофацијален хирург и меѓународно лиценциран имплантолог, д-р Недим Касами, максилофацијален хирург и имплантолог, д-р Петар Вршковски, орален хирург и имплантолог, д-р Дијана Бојковска, орален хирург и имплантолог.
Во Македонија првпат стоматолозите учесници на конгресот ќе бидат дел од меѓународно акредитирана имплантолошка едукација и ќе добијат CME – европски кредит-поени.