Македонија
Заев за планот на Радев: Нема потреба од разузнавачки служби
Одговарајќи на новинарско прашање за веќе изнесениот став на бугарскиот претседател, премиерот Зоран Заев истакна дека никому во државата не му се нарушени правата и ист е случајот како што рече и кај граѓаните што се декларираат како Бугари.
„Испраќам силна порака до соседна Бугарија, гледам дека претседателот Радев свикал состанок, да бидеме внимателни заради тоа што секогаш сме знаеле да дадеме одговор за која било нивна загриженост, како што и тие знаеле да дадат одговор на наша загриженост. Да не потпаѓаме под какви било инсинуации или неточни иформации“, рече Заев.
Додаде дека информациите секогаш може да се проверат.
„Ние сме земји членки на НАТО, ние сме сојузници, не ни треба испраќање на не знам некакви разузнавачки служби, посебни служби да ги утврдат правата на граѓаните. Правата на граѓаните се светост во нашата земја, верувам и во Бугарија е така и треба за пример да ги решаваме ваквите проблеми“, истакна премиерот.
Изрази уверување дека состанокот што го свикал бугарскиот претседател Радев е само информативен состанок од кој што, како што рече, би се собрале информации од граѓани што се со бугарска определба.
Тие, како што рече Заев, би можеле да споделат информација доколку некаде некои права не се признаени.
„Недозволиво е мешање во туѓа земја и тоа е декларирано во договорот за пријателство и добрососедство и соработка со Бугарија. И во разговорите одиме и понатаму, немешање во малцинства, затоа што тоа се решава на Советот на Европа. Но, дефинитивно, ниту има потреба ниту треба да дојде до судови“, потенцира Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.