Македонија
Заев и Борисов ќе го потпишат договорот на Илинден
„На 2 Август ќе го чествуваме Илинден во Република Македонија и уверен сум дека тогаш ќе го потпишеме Договорот за добрососедство“, изјави премиерот Зоран Заев по средбата со бугарскиот домаќин Бојко Борисов во Софија.
И премиерот Борисов оцени дека двете земји се многу блиску до потпшишување на договорот за добрососедство, додавајќи:
„Треба ли да продолжиме да бидеме разделени откако многу земји дадоа пример како се развиваат кога заедно ги слават своите херои и историски личности. Затоа решивме со премиерот Заев да одиме на споменикот на цар Самоил. Тоа е нешто што можеме заедно да го славиме. Кирил и Методиј, нашите браќа, можеме да се радуваме сите на тоа“, порача бугарскиот премиер.
„Среќен сум што нашиот прв сосед има голема желба да помогне и на Македонија за интеграцијата во НАТО и ЕУ. За нашата земја нема алтернатива. Отворивме нови перспективи за напредување на нашето пријателство. Разговаравме за помошта и поддршката што Бугарија може да ја даде на нашата земја во процесите на интеграцијата. Се доближија нашите ставови за потпишувањето на договорот за добрососедство “, дополни Заев.
“Заедно ќе славиме Илинден во Македонија на 2 август и тогаш ќе го завршиме договорот за билатерална соработка. Премиерот Борисов ќе ја посети Македонија и ќе го посети споменикот од нашата заедничка историја. Денес ние ќе се поклониме пред споменикот на цар Самуил во Софија. Зборувавме со градоначалниците на Софија и Скопје да дадеме име на една улица за нашите претседатели кои не се живи. Во Скопје на Жељу Желев, а во Софија на Борис Трајковски.
Тоа што го правиме, е повредно од секој договор. Тоа е чин на поклонуваме кон заедничката историја. Тоа е многу повредно од секој договор. Тоа се мали детали. Двајцата министри ќе преговараат за да можат да го надминат сето тоа со цел на 2 август да го потпишеме договорот, кога ќе дојде премиерот Борисов. Остваривме 11 средби, кои помогнаа да го направиме претпоследниот чекор и убеден сум дека на 2 август ќе ја направиме “, рече Заев.
Околу помошта за ЕУ Заев најави бугарска помош исто така.
„Денес побаравме од Бугарија да ни помогне и со своето искуство за европските фондови. Да ни испрати експертизи.Македонија има малку отворени програми, но се надевам да отвориме уште заеднички. Искуството кое го има Бугарија, ќе биде многу важно за нашите перспективи. Имаме желба да ги почнеме преговорите со ЕУ, да станеме членки на НАТО. Пријателска Бугарија ќе ни биде од помош “, рече Заев.
Премиерот Бојко Борисов рече дека ако Македонија не вложи напори, никој не може да и помогне за членството во НАТО и ЕУ.
“Можеме да ја подржиме, да ја консултираме, ако сакаат околу одредена тема. Со отворено срце сме. Сето тоа зависи од политичката елита во Македонија, но ако тие не успеат да ги направат најважните чекори, каква и да е помош да добијат, нема да е доволна. Има прекрасен Берлински процес во Брисел. Веќе реков ако работиме заедно, мислам дека ќе имаме успех. Балканот е во фокусот и на ЕУ и на НАТО“, порача Борисов на прес конференцијата.
.
Заев порача исто така дека Македонија денес затвора едно поглавје на историјата на национализам и омраза и отвора поглавје на европска иднина.
“Македонија има европска иднина, има и пријатели кои сакаат да и помагаат. Го почитувам тоа и среќен сум што Македонија има таков пријател како премиерот Бојко Борисов, кој е среќен што може да му помогне на својот сосед. Земја како мојата може да биде среќна дека има таков сосед со такво раководство “, изјави Заев, додавајќи дека ова пријателство е искрено и дека не дошол во Бугарија само за да бара помош. Според него, градејќи добрососедство и пријателство, западните земји ќе ги почитуваат Балканот многу повеќе.
“Тие сакаат да видат дека си подаваме рака. Очекувам позитивниот дух на премиерот Борисов и на неговата влада да дојде и од Грција“, порача Заев.
И премиерот Борисов оцени дека двете земји се многу блиску до потпшишување на договорот за добрососедство, додавајќи:
„Треба ли да продолжиме да бидеме разделени откако многу земји дадоа пример како се развиваат кога заедно ги слават своите херои и историски личности. Затоа решивме со премиерот Заев да одиме на споменикот на цар Самоил. Тоа е нешто што можеме заедно да го славиме. Кирил и Методиј, нашите браќа, можеме да се радуваме сите на тоа“, порача бугарскиот премиер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Маричиќ: Оваа Влада ги покачи пензиите за 50 проценти и ветуваме дека во наредниот мандат просечната пензија ќе биде од 500 евра
Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел од листата на Социјалдемократскиот сојуз и Коалицијата за европска иднина.
Маричиќ јавно се обврза дека како член на наредната Влада што ќе ја предводи СДСМ ќе продолжи да работи за пензионерите да имаат убав и достоинствен живот.
„Оваа Влада ги покачи пензиите за 50% и ветуваме дека во наредниот мандат ќе биде просечна пензија од 500 евра. Исто така се обврзуваме на зимски регрес од 3000 до 6000 денари за секој пензионер, а најмногу ќе добиваат оние со најниски пензии. Исто така ветуваме енергетски пакет од 1500 денари месечно во текот на грејната сезона за оние пензионери на кои најмногу им треба“, вети Маричиќ.
Тој нагласи дека пензионерите тоа го заслужуваат.
„Без вашата генерација и без влогот кој што го дадовте немаше да имаме држава. Токму затоа сме дожни и обрзани да работиме пензионерите да имаат мирни и спокојни пензионерски денови и мирно да ги гледаат своите деца и внуци како растат. А како растат внуците така нека растат и пензиите“, нагласи Маричиќ на средбата со тетка Верица и пензионерите од Карпош.
Меѓународниот секретар на СДСМ и кандидат за пратеник, Бојан Маричиќ, порача дека тој, СДСМ и Коалицијата за европска иднина „не се откажуваат од подобриот животен стандард за спокоен живот за пензионерите“.
Македонија
Променливо облачно и посвежо време со повремени врнежи од дожд, максимални температури до 18 степени
Променливо облачно и посвежо со повремени врнежи од дожд, претежно во јужните делови. Ќе дува слаб до умерен ветер од северен правец. Минималната температура ќе биде во интервал од 0 до 6, а максималната ќе достигне од 10 до 18 степени.
Во Скопје променливо облачно и посвежо со слаб до умерен ветер од северен правец. Минималната температура ќе се спушти до 4, а максималната ќе достигне 17 степени.
За време на викендот ќе се задржи променливо облачно и посвежо време. Во недела на повеќе места ќе има врнежи од дожд кои повремено ќе бидат пообилни и услови за појава на изолирана нестабилност со грмежи. Поради спуштање на постудена воздушна маса на планините врнежите повремено ќе преминуваат во снег и на повисоките планини ќе се формира нова снежна покривка.
Македонија
Таравари од централниот митинг во Струга: Зголемување на минималната плата до 800 евра за борба против имиграцијата
Кандидатот за претседател од редовите на ВЛЕН, Арбен Таравари, ја изрази својата заложба за борба против имиграцијата преку зголемување на минималната плата во нашата земја. Во рамките на идната влада се планира зголемување на платите и до 800 евра, со што ќе се создадат нови можности младите мажи и жени да останат и да придонесат за развојот на државата.
Преку грантови за технологија и иновации, Таравари рече дека владата има за цел да ги поддржи нивните креативни идеи, фокусирајќи се на развојот на земјата како атрактивна алтернатива за младите.
„Иселувањето кај нас е над секоја норма, бројките се алармантни. Не можеме да останеме рамнодушни на оваа ситуација. Така како следна влада на ВЛЕН ќе донесеме одлука за покачување на платите. Ќе се заложиме минималната плата до крајот на нашиот прв владејачки мандат да биде 800 евра. Преку грантови за технологија и иновации, ќе ги поддржиме младите мажи и жени со нивните креативни идеи, кои првенствено служат за нашиот развој како држава. Ова ќе биде дополнителна причина да ја гледаат иднината овде со нас, недалеку од нивните домови, недалеку од нивниот роден град“, рече Арбен Таравари на централниот митинг во Струга.