Македонија
(Видео) Заев: Нацрт-спогодбата од Грција пристигна, но и македонскиот предлог е испратен до Атина
Премиерот Зоран Заев потврди дека е пристигната нацрт-спогодбата од Грција за решавање на спорот за името, но и дека македонската нацрт-спогодба е испратена во Атина. Тој најави дека повеќе информации и детали за документот ќе изнесе министерот за надворешни работи, Никола Димитров, кој попладнево ќе одржи прес-конференција.
„Спогодбата е стигната, а нашата е испратена, тоа треба да биде алатка што треба да помогне во процесот на преговорите во следната фаза, која треба да се одржи во Виена“, рече Заев на прес-конференција во Владата.
На прашањето дали е точно дека Грција го фаворизира името Горна Македонија, Заев одговори: „Можам да кажам дека немаме зборувано за која точна географска одредница се работи, други моменти од спогодбата се поважни. Немаме разговарано за конкретно име ниту од наша ниту од нивна страна“.
Заев не одговори конкретно на новинарското прашање зошто македонските медиуми дознаа од грчките колеги дека предлог-спогодбата е стигната во Владата. „Деталите се од технички аспект. Нема помрднување од позициите од последните средби“, рече тој. Според премиерот, поважен елемент е нацрт-документот на посредникот Метју Нимиц, а сите други предлози се алатки што може да помогнат во разговорите за името.
„Сето друго се алатки и можности што може да бидат од помош, но и не мора да бидат составен дел на договорот“, потенцира премиерот.
Шефот на грчката дипломатија, Никос Коѕијас, пред неколку дена ја испратил грчката нацрт-спогодба до надлежните институции во земјата. Се очекува в четврток или в петок да пристигне во Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Патот Штип-Кочани во прекин поради сообраќајка
Од 17:10 часот, поради сообраќајна незгода на патниот правец Штип-Кочани, сообраќајот е во прекин во една насока, информираат од АМСМ.
Македонија
Маричиќ: Имаме план за зелена Македонија во која граѓаните ќе станат акционери на енергетските компании
Секретарот за меѓународна соработка на СДСМ Бојан Маричиќ денес во изјавата за медиуми се обврза дека СДСМ и Коалицијата за европска иднина нема да се откажат од стремежот за енергетска независност и од зелена енергија.
Во своето обраќање посочи дека е време да се сопре со фосилните технологии.
Изјави дека постоечките енергетски капацитети на фосилни горива да ги трансформираме во соларни електрани кои произведуваат зелена енергија.
„Тој процес го продолжуваме со голема новина: Државните енергетски компании ги даваме во рацете на граѓаните! Граѓаните стануваат акционери во енергетските компании. Висок процент од вкупниот број издадени акции во државните енергетски компании ќе се поделат еднакво на граѓаните. Секој граѓанин, вклучително и децата, ќе добие по најмалку 8.000 денари од вредноста на енергетските компании или 500 евра за едно четиричлено семејство.
Нашиот план е производството на енергија да се зголеми за најмалку 70% за да ги задоволиме домашните потреби за струја. Во наредните четири години за 100% да се зголемат капацитете со обновливи извори на енергија да достигне 60% од вкупната потрошувачка во државата.“
Маричиќ во својата изјава потврди дека целта и програмата на СДСМ е иста со онаа на Европската Унија и Европскиот зелен договор кој предвидува нула штетни гасови од фосилни горива до 2050 година.
„Нашата визија е зелена Македонија како здрава животна средина за граѓаните. Чиста вода за пиење во секое населено место, одржливо управување со отпад и расчистување на дивите депонии. Пречистување на отпадните води за здрава почва за здрава храна.“
Македонија
Со полициски хеликоптер пренесен македонски државјанин од Унгарија до Скопје
Денеска (20.04.2024) по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до Скопје е пренесен македонски државјанин кој доживеал мозочен удар на 18 април за време на службен пат во Унгарија. Тој е пренесен на скопскиот клинички центар „Мајка Тереза“.
Oва е втор пат да се извршува ваков вид воздухопловен транспорт од Сегедин до Скопје со хеликоптер на Министерството за внатрешни работи, откако и на 11 април беше успешно реализирана ваква акција.