Македонија
(Видео) Заев: Најверојатно ќе има референдум за името
Премиерот Зоран Заев на денешната средба со новинарите изјави дека на Македонија потребен и е референдум за името и најверојатно ќе го, но не се знае точно кога. Како временски за спроведување на референдумот тој ги посочи периодите пред влегувањето на Македонија во НАТО или потоа, пред влез на Македонија во ЕУ.
Заев истакна дека прашањето кое би било поставено на референдумот се уште не е познато бидејќи е прерано да се разговара за текстот со оглед на тоа дека се уште траат преговорите за името.
Македонскиот премиер истакна дека како владата така и опозицијата се за референдум по ова прашање, па би сакал референдумот да биде подджан и организиран од сите партии вклучувајќи ја и најголемата опозициска партија, ВМРО-ДПМНЕ.
Сепак, најголемата албанска партија во моментов, ДУИ, се противи на идејата за спроведување референдумско прашање за името. Ова го потврди и вицепремиерот Бујар Османи кој рече дека доколку СДСМ и остантите владини коалицинери инстистираат на референдум, тие ќе го поддржат, но и понатаму остануваат на ставовите дека рефендумот може да донесе големи последици во меѓупартиските и меѓуграѓанските односи.
„Албанците и ДУИ се конструктивни за ова прашање, би ја прифатиле одлуката да има референдум, но потсетуваме на можните ризици кои ќе произлезат“, рече Османи.
Во врска со преговорите за името, премиерот Заев посочни конкретно кои прашања останаа нерешени. Од седумте точки за кои се преговара нерешени останале прашањето за името, јазикот, потеклото, идентитетот и промената на Уставот на РМ.
„Благодарни сме за разбирањето од грчката страна за овие чувствителни теми, благодарение на тоа блиску сме до решение и за овие прашања. Тие исто така имаат разбирање и за потребата од двотретинско мнозинство во парламентот за промена на Уставот, па се бара друго идеално решение“, рече Заев.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.