Македонија
Захариева: Во Северна Македонија постои заблуда дека нешто ќе се промени по изборите во Бугарија
Во Северна Македонија постои заблуда дека нешто ќе се промени по изборите во Бугарија. Ова го изјави вицепремиерката и бугарска министерка за надворешни работи, Екатерина Захариева, во програмата на БТВ, прашана дали соседите од Северна Македонија ги чекаат изборите во Бугарија за да ги решат своите проблеми со започнување преговори за членство во ЕУ.
Захариева коментира дека бугарското општество и партии имаат многу сличен став на оваа тема.
„Постои заблуда дека нешто посебно ќе се промени. Наместо тоа, ако се промени, може да се влоши за нив“, рече бугарската министерка.
Во врска со посетата на специјалниот претставник на македонската влада, Владо Бучковски, Захариева изјави дека немало ништо тајно на состанокот.
„Ние сме во постојана комуникација со нив. Нема ништо посебно. Станува збор за, тие го нарекуваат план, ајде да го наречеме така, јас се движам според договорот од 20017 година. Минатата година беше нивниот ред да свикаат комисија за спроведување на договорот. Работевме за да имаме идеја како замислуваме заедно да се вратиме и да го надоместиме изгубеното време“, додаде таа.
Захариева коментира дека има поплаки од бугарски компании и универзитети кои сакаат да бидат акредитирани таму и се соочуваат со непотребни и сомнителни административни пречки.
На прашањето дали продолжува антибугарската кампања во Северна Македонија, министерката за надворешни работи рече дека еден од предусловите разумно да се согледаат проблемите е да се намалат емоциите.
„Колку повеќе разговараме едни со други без емоции и обвинувања, толку поголеми шанси имаме да ја завршиме работата“, рече таа.
Истакна дека тезата оти Бугарија се обидува да го негира идентитетот на граѓаните на Република Северна Македонија е една од заблудите во однос на бугарската позиција.
„Ние сакаме да ги надминеме стереотипите од минатото“, рече Захариева посочувајќи во тој контекст на „говорот на омраза и антибугарската политика“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.