Македонија
Стоп за малите хидроцентрални
Уметникот Адем Сулејманоски, кој живее и работи во село Ростуше, со земјена уметност, или како што популарно се нарекува, ленд-арт, испрати порака за стопирање на изградбата на малите хидроцентрали.
Проектот „Стоп за малите хидроцентрали“ е изработен на брегот на реката Радика во близина на селото Присојница и е посветен на сè почестото уништување на планинските реки и водотеци со изградба на мали хидроцентрали кои исклучително негативнио влијаат врз целиот жив свет, а особено врз ихтиофауната и крупните цицачи. Речната пастрмка, балканскиот рис, слатководните школки и раковите се само неколку од многуте загрозени видови во земјата, на кои им се заканува исчезнување поради стратегиската определба по секоја цена да се искористи хидропотенцијалот на реките за производство на струја од мали хидроелектрани, дури и во заштитени национални паркови.
Акцијата и ленд-артот се дело на ликовниот уметник Адем Сулејманоски, кој живее и работи во село Ростуше, во срцето на Националниот парк Маврово, кој исто така е под закана од издавање концесии за мали хидроцентрали. Преку акцијата, авторот сака да го подигне гласот за проблемот со малите централи и да алармира дека при издавањето на концесиите не се внимава на заштита на загрозените видови и воопшто на биодиверзитетот. На овој начин авторот со својот уметнички печат едновремено сака и да ја поддржи борбата на еколозите за зачувување на биодиверзитетот и одржлива животна средина.
Ленд-артот „Стоп за малите хидроцентрали“ е дел од серијата ленд-артови со еколошка тематика што авторот ги работи оваа пролет. Изработката е финансиски поддржана од Фондацијата „Отворено општество Македонија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.