Македонија
(Видео) Зендели: СЈО имаше селективен пристап кон одредени предмети и политичари
,,Разрешувањето на Катица Јанева подразбира и згаснување на СЈО. При формирањето на обвинителството целта беше борба против политичари од висок профил вмешани во кривични дела. Оваа цел не е остварена. Специјалното јавно обвинителство едни го критикуваа, други го подржуваа. Сега, двете страни ја погребаа ова институција, а ја погребаа и надежта кај граѓаните дека ќе има правен систем кој ќе биде еднаков за сите без привилегии. Се уште имаме проблеми со правниот систем. Ова го констетираа и меѓународни институции”, рече пратеникот од БЕСА, Фадил Зендели на денешната собраниска седница за разрешување на специјалната јавна обвинителка Катица Јанева.
,,Погребувањето на СЈО го гледам од друг сегмент. Политичките партии и функционери денеска ќе слават. Не се работи за тоа дали ќе функционира СЈО, туку за тоа дали ќе се справиме со криминалот во земјава. Актуелната влада нема изразено посебна желба борбата против криминалот да биде на повисоко ниво”, рече Зендели.
Тој обвини дека СЈО имало селективен пристап кон одредени предмети и политичари, поинаков пристап кон опозицијата и власта и со оглед на тоа смета дека денеска треба да биде разрешена специјалната јавна обвинителка Катица Јанева
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.