Македонија
Зечевиќ на 15. летен камп на СДММ: Принципите на државотворност и нациoнална гордост се одлика на македонските социјалдемократи
Принципите на државотворност и национална одговорност врз коишто опстојуваат македонските социјалдемократи во исклучителните историски моменти секогаш ја имале клучната улога во носењето исправни одлуки, порача синоќа генералниот секретар на СДСМ, Миле Зечевиќ, на отворањето на петнаесеттиот летен камп „Трајче Нешкоски“ во организација на СДММ.
Осврнувајќи се на актуелната политичка ситуација и европскиот предлог, Зечевиќ истакна дека СДСМ како државотворна партија мора да ги создава доктрините за македонската иднина, како и иднината на целата нација, на државата, која е дел од европската иднина.
„Ние, како партија, мора да бидеме креаторите на новите македонски доктрини, на новиот македонизам, на државниот патриотизам“, посочи Зечевиќ.
Во сите тие процеси, додаде генералниот секретар, клучна улога има и СДММ давајќи свој придонес како што тоа и досега го има правено.
„Повеќе од убеден сум дека ние, како социјалдемократи, ќе опстоиме на континуитетот на креирање и на спроведување национални и европски политики. Тие политики се директно и безусловно почитување на јазичните, идентитетските, историските и културните особености на македонскиот народ. Како елементи за кои не се преговара во кое било време и околности, односно не се дел од преговарачкиот процес. Тој пат ќе го следиме и во иднина, затоа што тоа е нашиот модел за справување со предизвиците. И сето ова нема да биде можно без сеопфатно вклучување во овие процеси на нашата младинска организација. СДММ од секогаш била носител на новите ветришта, предвесник за новите политики. Така треба да биде и во иднина. Младите да го добијат своето место со поголемо учество во одлучувањето, а со тоа и во делот на креирањето нови и свежи политики. Ние овие процеси мораме да ги оставиме отворени и инклузивни за младите. Заеднички да креираме нови теми, да предлагаме решенија, да реализираме проекти… Имаме многу за работа.
Младите носат свежи идеи, нов елан, младешка дрскост. Вие сте тие коишто ќе бидат носители на нашите политики во следните децении.
Затоа, бидете бунтовни, бидете агилни, бидете пркосни“, порача Зечевиќ во своето обраќање на 15. летен камп „Трајче Нешкоски“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските избори освои само 8.103 гласа, односно 0,90 %. Тоа е помалку од бројот на собрани потписи за претседателската кандидатура зад која му се потпишаа 10.000 граѓани.
Јакимовски во неговата општина освои 2.143 гласа, а во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Силјановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
Стевчо има повеќе квадрати во една општина свои отколку гласови
— БУГАРСКИ ПАСОШ🇲🇰 (@NemamBgPasos) April 24, 2024
Стевчо им се заблагодари на сите коишто гласаа за него… поединечно
— Dimano (@dimanovski) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на „Фејсбук“.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски-Џаро по кусо боледување, потврди семејството. Тој важи за еден од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како крал на местенките во фудбалот.
Соработуваше со големи музички ѕвезди, како Здравко Чолиќ, Мишо Ковач, Маја Оџаклиевска, Оливер Драгоевиќ, „Бјело дугме“, Тереза Кесовија, Лепа Брена.
Своевремено има изјавено дека организирал 5.000 концерти и многубројни турнеи во повеќе од тридецениската кариера како менаџер.