Македонија
И без сознанија за бегство, одреден куќен притвор за Миле Јанакиески
Определен нов куќен притвор за ексминистерот Миле Јанакиески за предметот ТНТ откога обвинителите забележале дека не може да му го продолжат за предметот „Шпански скали“. За разлика од случајот на Сашо Мијалков, каде што се чекаше потврда на информациите за можно бегство за да му се одреди притвор, кај Јанакиески притворот е одреден без никакви оперативни сознанија.
Обвинителката Русковска вели дека причината за нов притвор за Јанакиески е побаран бидејќи против него се водат 8-9 предмети. Прашана зошто не се постапило исто и кон Мијалков кога и против него се водат три предмети и две истраги, таа рече дека немала таква информација. Обвинителот Бурим Рустеми, кој го води предметот ТНТ, за „Макфакс“ вели дека барал притвор за да биде раат, а тоа не го сторил порано бидејќи Јанакиески веќе бил во притвор.
„Поднесов предлог, му истекува сега на 26 февруари. Постапките се при крај и, нормално, се очекува дека може да избега. Доказ е тоа што предметот се движи при крај, тоа е посебен притисок и всушност тој има повеќе постапки. Нормално, како што оди при крај предметот, извесноста дека ќе побегне е поголема. Јас сметам дека е посигурно да седи во притвор бидејќи за некој месец ние ќе завршиме. Јас сум убеден за мојот предмет дека имам докази за осудителна пресуда, сакам да бидам раат и чист во врска со мојот предмет. Бев известен дека притворот не може да се продолжи по предметот за кој веќе му е одреден и сметам дека треба да се предложи“, вели Рустеми за „Макфакс“.
И шефицата на Обвинителството за гонење организиран криминал и корупција, Вилма Русковска, за „Макфакс“ вели дека притворот е поради многуте постапки.
„Тој беше во куќен притвор и претходно за ’27 април’, па кога почнаа ‘Шпански скали’ беше за тоа, така што сега истекува за ‘Шпански скали’. Се водат премногу постапки за него, од тие причини е притворот. Ние тргаме од околноста бидејќи против него се водат 8-9 предмети така што, ако не е во куќен притвор, има голема шанса да се даде во бегство затоа што навистина против него има многу постапки“, вели Рускоска.
Рустеми вели дека побараниот притвор за ТНТ не е изигрување на законот, а се согласува дека доколку против Јанакиески не се водеа повеќе предмети, тој ќе бил на слобода поради неможноста да се побара притвор.
„Ако немаше друг предмет, немаше да може да му се одреди притвор бидејќи по закон, 1 година може да биде во притвор за 1 предмет по поднесување обвинение. Тоа значи дека во предметот за кој му беше одреден не можеше да се одреди, ако немаше друг, ќе беше пуштен на слобода. Нема индиции до сега затоа што беше во куќен притвор. Претходниот притвор не значи дека не важи за нас. Побаравме притвор до завршување на постапката, па кај и да е, ќе заврши. Тоа е направено координирано со обвинителката Вилма Русковска, таа не се побуни“, додава Рустеми.
Обвинителката Русковска вели дека нема увид во предметите на СЈО, па, така, не знае во колку предмети е обвинет Мијалков, прашана зошто и за него не бил побаран притвор по истиот основ како за Јанакиески.
„Не знам јас колку постапки се водат за него. Тоа навистина не го знам. Јас во суштина, освен што се запишани предметите на СЈО во записник, тие што се во наша надлежност, навистина немам увид во нивните предмети“, додава Русковска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука