Македонија
Ковачевски – Бетел: Силна поддршка од Луксембург за ЕУ-интеграцијата на Македонија
Премиерот Димитар Ковачевски, придружуван од заменик-претседателот на Владата за европски прашања, Бојан Маричиќ, денеска, во Тирана, на маргините на самитот ЕУ – Западен Балкан се сретна со премиерот на Луксембург, Ксавиер Бетел.
На средбата беа разменети мислења за досегашната соработка меѓу двете земји, како и планови во насока на зајакнување на билатералните односи меѓу двете земји во претстојниот период.
Ковачевски изрази благодарност за досегашната поддршка и партнерство на Луксембург со Северна Македонија во НАТО, ООН и ОБСЕ, како и во евроинтеграциските процеси.
„Гледаме на Луксембург како на пријател што ја вокализира својата поддршка во постигнување на нашите стратешки цели. Луксембург има посебно значење во остварување на нашите европски соништа – потпишувањето на договорот за стабилизација и асоцијација, кој се случи во Луксембург во 2001 година. Ние сме многу благодарни за постојаната вокална поддршка од страна на Луксембург и за препознавањето на напорите на Македонија во смисла на ЕУ-интеграцијата, што ни дава оптимизам и сила да продолжиме со напорната работа на ЕУ-реформската агенда“, истакна Ковачевски осврнувајќи се на досегашните билатерални средби. Тој го покани премиерот Бетел да ја посети Македонија.
Ковачевски се заблагодари на целосната техничка поддршка од страна на Луксембург, како и за отворање на виза-центарот во Министерството за надворешни работи, со што Македонија стана лидер во визната либерализација во 2008 година.
Фокус на средбата беше и зајакнувањето на парламентарната соработка, а се нагласи и потребата од засилување на економската размена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.