Македонија
(Видео) Ковачевски: Стратешки го зголемуваме домашното производство на храна
Премиерот Димитар Ковачевски на економскиот форум во организација на Finance Think зборуваше за важноста од стратешкиот пристап за одржливо земјоделско производство.
„Оваа криза нѐ научи дека мора да се инвестира стратешки, како што зборував пред малку во енергетиката, исто така и во земјоделството. Затоа, веќе е направен нов интервентен фонд оваа година, програмата е веќе направена, во која клучни за инвестирање се пченката, пченицата, јачменот и сончогледот, второ, полјоделството и, трето, сточарството и, нормално, овоштарството како извозни гранки на нашето земјоделство. Исто така, во однос на субвенциите воведуваме неколку новини, а тоа е, прво, воведување првпат авансна исплата на субвенции и тоа ќе почнеме оваа година со овоштарството. Што значи дека субвенциите ќе бидат исплатени 30 % пред да почне сезоната, тогаш кога најмногу им требаат на земјоделците средствата за да може да инвестираат во насадот, а 70 % потоа според планот за исплата на субвенциите. Второ, ќе бидат зголемени сумите за засадување пченица, пченка, сончоглед и тоа ќе бидат на историски највисоко ниво. Дополнително, за секое зголемено производство од хектар пченка и пченица ќе следува зголемено дополнително ниво на субвенција, што значи дека веќе субвенциите со оваа мерка ги пренесуваме од полето на импут на моделот на аутпут на она што ќе биде произведено. Исто така, истите тие површини ќе бидат субвенционирани и со зелена нафта, која ќе биде во зголемен износ од хектар обработена површина со оглед на зголемените цени на енергентите“, рече Ковачевски.
Премиерот дополни дека истото тоа се однесува и во делот на сточарството, односно ќе бидат зголемени субвенциите за грло во овчарството во делот на предадени јагниња во делот на кланичната индустрија, потоа во делот на одгледувањето на свињите, односно за сѐ она што се чува за товење, исто така и во живинарството, односно субвенционирање на секоја дополнителна живина што веќе носи јајца.
„Со тоа треба да се зголеми производството на храна во државата. Ова е само почеток, за ова се веќе определени 400 милиони денари сега во програмата. Меѓутоа, веќе Министерството за земјоделство, Министерството за економија и во Министерството за финансии работат на подготовката на програмата и на буџетот за 2023 година, каде што доминантни ќе бидат инвестирањето и субвенционирањето во стратешките култури така како што сега ги набројав. И, дополнително, овоштарството да не го заборавам, веќе работиме на изнаоѓање пазари, особено за јаболката и за другите овошни култури што се продаваат доминантно во Украина и Русија, каде што во моментот е невозможно да се воспостави транспорт, ниту пазар, меѓутоа и тоа производство е со зголемена поддршка од државата“, додаде Ковачевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЕУ ќе му даде на Западен Балкан помош од две милијарди евра до 2027 година
ЕУ ќе додели две милијарди eвра грантови и четири милијарди поволни заеми за Западен Балкан од 2024 до 2027 година како дел од Инструментот за реформи и раст за Западен Балкан, откако беше одобрен од Европскиот парламент на денешната пленарна седница.
„Инструментот е централен дел од планот за раст за Западен Балкан“, рече коизвестувачот Тонино Пицула на пленарната седница.
Станува збор за финансирање на шесте земји од Западен Балкан на нивниот пат кон Европската Унија. Во ноември минатата година, Европската комисија го претстави Инструментот за реформи и раст за Западен Балкан за периодот од 2024 до 2027 година, кој ќе вклучува две милијарди евра грантови и четири милијарди поволни заеми.
Известувачи во име на Европскиот парламент беа хрватските европратеници Тонино Пицула и Карло Реслер.
Пицула беше ко-известувач на ЕП пред Комитетот за надворешни работи (АФЕТ), а Реслер беше ко-известувач пред Комитетот за буџет (БУДГ).
Реслер изјави за новинската агенција „Хина“ дека тоа е инструмент споредлив со националните планови за закрепнување и отпорност, но за шест земји во Југоисточна Европа надвор од ЕУ. Тој посочи дека исплатата на средствата е поврзана со конкретни реформски активности.
Реслер апострофираше дека ќе се води сметка за усогласување на надворешната и безбедносната политика и визната политика со ЕУ.
Црна Гора и Србија со години преговараат со ЕУ, Албанија официјално ги отворија пред две години, а Македонија само делумно, со оглед на тоа што за целосен старт на преговорите неопходни се уставни измени за внесување на Бугарите во Уставот. Лидерите на земјите-членки на ЕУ во март донесоа одлука да ги отворат пристапните преговори со Босна и Херцеговина. Брисел сè уште го смета Косово за потенцијален кандидат.
Македонија
Бојмацалиев: МВР работи исклучиво по закон за фер, слободни и демократски избори
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Сашо Тасевски и државната секретарка Магдалена Несторовска го посетија Оперативниот Штаб во МВР во рамки на ОА „Претседателски и парламентарни избори 2024”, на кој присуствуваа и претставници на Амбасадата на Соединетите Американски Држави, ОБСЕ и ОДИХР.
Во оваа прилика Бојмацалиев ги поздрави гостите од САД, ОБСЕ и ОДИХР и уште еднаш потенцираше дека на колегите во Оперативниот Штаб им посочил да се работи исклучиво согласно законските норми и прописи, а со цел гарантирање на безбедноста на фер, слободни и демократски избори, впрочем како што се работело и досега од 2017 година навака, без забелешки за изборниот процес.
Притоа, Бојмацалиев беше брифиран за текот на изборниот процес, за активностите и мерките кои ги презема МВР во делокругот на своите надлежности.
„Бев информиран дека гласањето не беше започнато на неколку места во предвиденото вре,е, а на неколку е почнато со задоцнување или прекинато, на различни подрачја, сите поради технички проблем со читачот на отпечаток на прст. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор. На подрачје на СВР Куманово регистрирани се два настани и тоа пријава за организирано носење на гласање на стари лица и поставен штаб во близина на гласачко место. За време на предизборниот молк, во периодот од 06,00 до 07,00 часот, регистрирани се три настани на подрачје на СВР Скопје за испишани графити”, информираше Бојмацалиев.
Македонија
Приведен охриѓанец кој го фотографирал гласачкото ливче
Полицијата во Охрид го приведе А. И. (48) затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.