Македонија
Лидерот на Европската народна партија повика македонските граѓани да избегнат бојкот
Жозеф Дол, лидерот на Европската народна партија (ЕПП), преку објава на социјалната мрежа „Твитер“ ги повика македонските граѓани да не го бојкотираат претстојниот референдум на 30 септември.
Former Yugoslav Republic of Macedonia’s people will be given a historic chance to decide on ??future in this Sunday’s referendum. @EPP always supported the region’s Euro-Atlantic path, as well as citizens using their democratic right to express their opinion & avoid boycotts.
— Joseph Daul (@JosephDaul) September 26, 2018
„Народот на ПЈРМ ќе има историска шанса да одлучи за иднината на Македонија на референдумот в недела. ЕПП секогаш го поддржувала евро-атлантскиот пат на регионот, како и граѓаните да го искористат своето демократско право да изразат мислење и да избегнат бојкот“, напиша шефот на ЕПП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.