Македонија
Македонскиот полициски синдикат бара да им додели парична помош на колегите заболени од коронавирус
Македонскиот полициски синдикат со оглед на новонастаната состојба предизвикана од Ковид-19, појавата на неколку случаи на заболени колеги од вирусот и, за жал, случајот на починат колега од Ковид-19, излезе со предлог-мерки и активности, кои бараат да се преземат во следниот период со цел почитување во целост на препораките за заштита од Ковид-19 од Светската здравствена организација, Владата и Центарот за јавно здравје.
„Итно да се почне со распределба на заштитна опрема и средства за дезинфекција, кои МВР ги доби како донација во изминатиот период, еднакво за сите вработени во Министерството (не селективно како досега) и со забрзано темпо да се почне со неделна дезинфекција на сите простории каде што вработените ги извршуваат своите работни обврски во Министерството и секојдневна дезинфекција на сите службени возила. Ставање во мирување сите постапки за утврдување дисциплинска и материјална одговорност, кои се водат во МВР, тестирање на Ковид-19 на сите вработени во Министерството кои биле во контакт со заболените колеги, редовна исплата на испратнини на вработени во Министерството кои заминуваат во пензија“, се наведува во соопштението.
Исто така, бараат да се почне со исплата на додаток на плата од 5 отсто за сите вработени во Министерството од криминалистичката полиција, кои своите работи и работни задачи ги извршуваат во смени и забрзување на тендерските постапки за работна униформа и ангажирање поголем број конфекции во државата со цел нивна побрза изработка.
„Поради неможноста да се искористи годишниот одмор од 2019 година во законски утврдениот рок, бараме да се пролонгира рокот за користење годишен одмор за време колку што трае спреченоста за користење или тој да се плати доколку за тоа има согласност од вработениот, да се изготви предлог-уредба со која приправниците од класата 2018/2019 ќе добијат овластувања без да полагаат приправнички испит. Во овој период, поради вонредната состојба во државата, вработените во Министерството се ангажираат повеќе од пропишаното со закон работно време поради што од ваша страна бараме да се изнајде решение за исплата на сите изработени часови, а сè со цел во иднина да го поштедеме Министерството од тужби и излевање големи парични средства од неговиот буџет.
Министерството да изготви и дистрибуира мини прирачник со инструкции за заштита од Ковид-19 на вработените во Министерството за време на извршување на своите службени задачи, доделување еднократна финансиска помош во висина на една просечна плата на сите колеги што се заболени од Ковид-19, како и на семејството на починатиот колега. Министерството за внатрешни работи итно да обезбеди и психолошка помош и поддршка на вработените што се во изолација или самоизолација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пендаровски: На 8 мај двојна победа за сите нас и за Македонија
Претседателскиот кандидат Стево Пендаровски денеска беше меѓу жителите на општината Чучер-Сандево.
Заблагодарувајќи им се што одлучиле попладнето да го поминат со него, Пендаровски рече дека на 8 мај е загарантирана двојната победа.
„100% победуваме. На 8 мај ќе славиме за двојната победа за сите нас и за Македонија“, истакна Пендаровски.
Говорејќи за досегашната работа на актуелната политичка гарнитура, Пендаровски го истакна членството во НАТО, како најголема организација која ја гарантира безбедноста и стабилноста на сите членки без исклучок.
„Без пријатели, мала земја како нашата, тешко може да опстане“ потенцираше Пендаровски.
Тој ги повика граѓаните на Чучер-Сандево масовно да излезат на гласање на 24 април, да заокружат број 1 и да добијат гаранција за подобра иднина на нивните деца и на нивните внуци.
Македонија
(Видео) Димитриеска Кочоска: Платформа 1198 значи повисок животен стандард, раст на БДП од 5% на среден рок, повеќе пари за малите и средни бизниси, повисоки пензии
„Состојбата е катастрофална во секоја сфера. Главниот проблем е тоа што државата не е функционална и тоа што граѓаните воопшто не можат да имаат никакво влијание и немаат влијание врз одлучувачките процеси. Ако немаме економија, тогаш не можеме да очекуваме развој во ниту еден сегмент“, рече Гордана Димитриеска Кочоска, кандидат за пратеник во изборна единица 1.
„Не смееме да дозволиме и понатаму, државата да биде киднапирана од стотина луѓе од власта кој што носат одлуки само за нивни лични интереси и за нивно богатење.
И токму поради тоа, народот треба да стави стоп на ваквото однесување. Да излезе масовно и да гласа, затоа што се потребни промени, промени кои што ќе ја направат Македонија твоја.
Денес сум во Македонски Брод, кој што можам комплетно да кажам дека е целосно заборавен од централната власт и токму тоа треба да се промени.
Имав средби со граѓани, имав средби со стопанственици. Едногласно е секаде размислувањето и одлуките на луѓето дека промени мора да да има. При тоа, го искористивме периодот од денот да ги презентираме мерките и решенијата кој што ВМРО-ДПМНЕ ги има во својата Платформа 1198, кој што и всушност значат многу подобар живот за граѓаните, повисок животен стандард, раст на БДП од 5% на среден рок, повеќе пари за малите и средби бизниси, повисоки пензии.
Затоа, масовно треба да излеземе и да гласаме на 24 април и на 8 мај, со цел да има промени и за повторно Македонија да биде твоја, односно да биде наша“, изјави Гордана Димитриеска Кочоска, кандидат за пратеник во изборна единица 1.
Македонија
Мицкоски: Буквално насекаде низ Македонија се чувствува победничката атмосфера
„Во овие 15 дена од кампањата за првиот круг за претседателски избори буквално насекаде низ Македонија се чувствува победничката атмосфера, се чувствува како граѓаните се обединуваат околу желбата за промени“, истакна претседателот на ВМРО-ДПМНЕ, Христијан Мицкоски од митингот во Ранковце.
„Масовно на 24-ти април да излеземе овде во Ранковце и да го поддржиме идниот претседател на Македонија, професорката Гордана Силјановска Давкова. Тоа е многу важно затоа што државата ни е одземена од мала група на луѓе кои што се дел од раководството на ДУИ и неколкумина измеќари од СДСМ кои што цело време за да добијат некое парче коска од наместените тендери, да добијат некое ситно евро во џебот и да ги задржат своите фотелји упорно и упорно шест и половина години измеќарат на овие од Мала Речица“, појасни Мицкоски.
Мицкоски додаде дека Македонија ја претворија во еден вид на артаноиден режим. Таква е денеска Македонија поради дел од раководството на ДУИ и неколкумина измеќари од СДСМ.
„Пред шест и половина години овие што сега се Влада ни ветуваа дека ќе донесат слобода, ќе донесат правда, подобар живот, подостоинствен живот, поквалитетен живот за граѓаните, повеќе пари за граѓаните. А, во суштина што направија? Донесоа цикличен артаноиден хибриден режим“, рече тој.
„Кога велам артаноиден тука мислам и на неговиот ментор, а тоа е Али Ахмети од Зајас, кој што денеска ја доби Македонија на тацна од Ковачевски, Зечевиќ и останатите неколкумина политичари во раководството на СДСМ, кои се покажаа и докажаа како главни измеќари“, укажа Мицкоски.
Тој посочи дека никој не очекуваше една државотворна партија СДСМ да се претвори во гранапче на Али Ахмети, на Артан, на ДУИ и да бидат главни измеќари само за да ги задржат своите позиции.
„Тоа е политичкото мочуриште во кое што ние денеска живееме“, истакна Мицкоски.
Мицкоски укажа дека СДСМ и Стево Пендаровски немаат план, немаат програма. Единствено нешто што научиле е само ЕУ, ЕУ.
„А, од ЕУ им остана само еврото кое што го крадат од вас граѓаните преку наместени тендери“, нагласи тој.
„После осми мај Македонија ќе биде повторно слободна и предводена од Влада на ВМРО-ДПМНЕ. А, сите оние кои што и нанесоа зло, неправда, болка, јас ви ветувам дека ќе одговараат“, порача Мицкоски.
Мицкоски рече дека ВМРО-ДПМНЕ и Коалицијата „Твоја Македонија“ на овие избори се бори за 61 пратеник и за претседател Гордана Силјановска Давкова. Време е граѓаните да живеат достоинствен живот во Македонија каде што ќе има правда, успешен образовен систем, подобар здравствен систем.