Македонија
Маричиќ од Брисел: Преговорите со ЕУ носат нови можности за бизнисот
Заменик-претседателот на Владата задолжен за европски прашања и главен преговарач со ЕУ, Бојан Маричиќ, на денешниот објаснувачки скрининг-состанок за Поглавјето 10, „Информатичко општество и медиуми“, рече дека Македонија веќе има преземено чекори за усогласување со постојните политики на ЕУ и дека главна цел на Владата е да обезбеди висококвалитетни јавни услуги за граѓаните и бизнисите.
„Ја препознаваме важноста од трансформирање на општеството и донесување нови можности за бизниси и технологија. Нашите реформи се одржливи, нашиот напредок е препознаен и ни се даваат нови можности преку скрининг-процесот побргу и полесно да ги постигнеме ЕУ-стандардите во ова поглавје. Нашата цел е да обезбедиме одржлива економија и дигитализација на услугите на приватниот и јавниот сектор“, рече вицепремиерот Маричиќ во своето обраќање пред Европската комисија.
Тој во својот говор ги истакна и досегашните достигнувања во оваа област потенцирајќи дека успеавме да го воведеме бројот за итни случаи ЕУ, 112, на кој во моментот се работи за неговата правилна имплементација.
Главниот преговарач со ЕУ најави дека конечните верзии на националната стратегија за ИКТ и акцискиот план 2021-2025 се веќе подготвени, консултирани со јавноста и ќе бидат финализирани во следните месеци, како и дека ќе продолжи спроведувањето на Националниот оперативен план за широкопојасен интернет. Во таа насока Агенцијата за електронски комуникации поддржана од Канцеларијата презема чекори со кои ќе се олеснат условите за воведување 5G и ќе се стимулира влезот на нови технологии и оператори.
„Препознавајќи ја важноста на сајбер-безбедноста, ја подготвуваме и новата национална стратегија за сајбер-безбедност 2023-2027 година, со акцент на градење и подобрување на националните капацитети за сајбер-безбедност, безбедност и отпорност на критичната информациска инфраструктура, подигање на свеста и меѓународна соработка“, додаде Маричиќ.
Во рамките на Регионалниот заеднички пазар (Берлински процес), Маричиќ рече дека учествуваме во извештајот за имплементација на Индексот за дигитална економија и општество (DESI) во регионот на Западен Балкан, во кој Северна Македонија е високо подготвена, со податоци за 87 % од индикаторите DESI, кои се достапни и усогласени со DESI-методологијата.
Маричиќ во однос на законодавната агенда истакна дека го подготвуваме законот за безбедност на мрежи и информациски системи за кој се очекува текстот да биде финализиран во првите месеци од 2023 година.
Рече и дека планирано е да се усогласи македонското законодавство со директивата на ЕУ за аудио и аудиовизуелни медиуми 2018/1808 и дека веќе постои проект на ЕУ, кој ќе им помогне на властите во тој процес.
„Покрај тековните активности за подобрување на законската рамка, Агенцијата за аудио и аудиовизуелните медиумски услуги континуирано ќе придонесува за подобрување на медиумската средина преку организирање кампањи на релевантни теми, како што се: медиумска писменост, говор на омраза, одговорност во онлајн просторот, како и како заштита на потрошувачите“, најави Маричиќ.
Дополнително, главниот преговарач со ЕУ рече дека ќе следуваат измени на Законот за употреба на податоците од јавниот сектор, со цел усогласување со директивата на ЕУ за отворени податоци и повторна употреба на информации од јавниот сектор (2019/1024), во насока на зголемување на транспарентноста во институциите од јавниот сектор, подобрување на ефикасноста на работата на јавната администрација и придонес за намалување на корупцијата на сите нивоа.
Денеска, во Брисел, со отворањето на објаснувачкиот скининг-состанок за Поглавјето 10, почна објаснувачкиот скрининг за кластерот 3, „Конкурентност и инклузивен раст“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДПМНЕ сака да не врати назад во времето на Хунзите и Скопје 2014, велат од СДСМ
Ништо не е променето во ДПМНЕ, оценуваат од владејачката СДСМ.
„На митинзите на ДПМНЕ и Силјановска е истата кореографија од времето кога се носеа Хунзи и кога им се правеше пречек на скопскиот аеродром, а граѓаните Македонци се претставуваа како нивни големи наследници.
Тоа е истото време на грабежот од Скопје 2014 и историскиот инженеринг на ДПМНЕ“, додаваат од СДСМ.
Според нив, ДПМНЕ е истата режимска партија.
Со ДПМНЕ, како што велат, е можно само враќање назад во изолација и режим, во темното минато на недемократските процеси и далеку од ЕУ.
Македонија
Мицкоски: Преземам иницијатива за создавање на национално единство, и запирање на сите напади кон Левица и ЗНАМ, државата е одземена од народот
„ВМРО-ДПМНЕ – ВМРО Демократска партија за македонско национално единство, тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе. Долго време таа обврска и одговорност како да се одбегнуваше, некогаш занемаруваше, некогаш впрочем и попусти беа обидите да се оствари, но обиди иако неуспешни имало“, кажа претседателот на ВМРО-ДПМНЕ, Христијан Мицкоски на вчерашниот митинг во Охрид.
Тој нотираше дека сака да успее во тоа, да создаде македонско национално единство.
„Мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум и запирање на сите напади кон партите Левица и ЗНАМ. Ова го чувствувам како потреба на македонскиот народ, но и како моја обврска да пробам да ја реализирам идејата за национално единство во моменти кога тоа и е најпотребно на државата, во моменти кога државата е одземена од народот и во рацете на неколкумина корумпирани политичари од ДУИ со неколкумина корумпирани политичари од СДСМ кои се седнати во скут кај овие од ДУИ“, рече Мицкоскит.
ПИстакна дека Македонија мора да се обединува по сите основи, за тоа да се случи мора да се почне од некаде, и нема подобар период од тоа, тој процес да започне токму сега.
„Ќе има во иднина моменти кога националното единство ќе е неопходно, исто како што ќе има моменти кога ќе се прејде на едно граѓанско единство без разлика на етничката припадност, затоа што ова, е земја на сите граѓани кои живеат во нејзе и сите ние граѓаните од различни етнички заедници сме нераскинлив дел и столб на оваа држава и на нејзината иднина“, заклучи тој.
Неговата порака е дека нема откажување од граѓаните, нема откажување од единството помеѓу сите, затоа што само така заедно сложни со силата и капацитетот на сите, сме иднината на ова земја, порача Мицкоски.
Македонија
Маричиќ: Оваа Влада ги покачи пензиите за 50 проценти и ветуваме дека во наредниот мандат просечната пензија ќе биде од 500 евра
Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел од листата на Социјалдемократскиот сојуз и Коалицијата за европска иднина.
Маричиќ јавно се обврза дека како член на наредната Влада што ќе ја предводи СДСМ ќе продолжи да работи за пензионерите да имаат убав и достоинствен живот.
„Оваа Влада ги покачи пензиите за 50% и ветуваме дека во наредниот мандат ќе биде просечна пензија од 500 евра. Исто така се обврзуваме на зимски регрес од 3000 до 6000 денари за секој пензионер, а најмногу ќе добиваат оние со најниски пензии. Исто така ветуваме енергетски пакет од 1500 денари месечно во текот на грејната сезона за оние пензионери на кои најмногу им треба“, вети Маричиќ.
Тој нагласи дека пензионерите тоа го заслужуваат.
„Без вашата генерација и без влогот кој што го дадовте немаше да имаме држава. Токму затоа сме дожни и обрзани да работиме пензионерите да имаат мирни и спокојни пензионерски денови и мирно да ги гледаат своите деца и внуци како растат. А како растат внуците така нека растат и пензиите“, нагласи Маричиќ на средбата со тетка Верица и пензионерите од Карпош.
Меѓународниот секретар на СДСМ и кандидат за пратеник, Бојан Маричиќ, порача дека тој, СДСМ и Коалицијата за европска иднина „не се откажуваат од подобриот животен стандард за спокоен живот за пензионерите“.