Македонија
Маричиќ: Македонското Собрание ќе ги помести напред преговорите со ЕУ
Вицепремиерот задолжен за европски прашања Бојан Маричиќ во рамки на дводневната работна посета на Шведска, оствари средба со заменик претседавачката на Комитетот за ЕУ прашања во шведскиот Парламент, Матилда Еркранс и пратеникот Аднан Дибрани.
На средбата разговараа за следните обврски и задачи кои ги имаме на патот кон ЕУ и улогата на македонското Собрание во динамиката на преговорите со ЕУ.
„Напредокот ќе зависи од проактивноста и соработката на Собранието во исполнувањето на обврските и задачите кои ги имаме. Реформите и непреченото усвојување на европското законодавство ќе ја забрзаат евроинтеграцијата, а помошта и размената на искуства со пратениците во шведскиот Парламент ќе бидат олеснување на патот кон ЕУ“, рече на средбата Маричиќ на средбата со Матилда Еркранс.
Соговорниците изразија задоволство од заложбата и фокусот што го има Шведското претседавање со ЕУ на Западен Балкан, потенцирајќи ја важноста Северна Македонија да го искористи моментумот и наклонетоста која ја има од земјите членки за напредок во преговорите со ЕУ.
Од страна на шведските пратеници беше потврдена одличната соработка која ја имаат парламентите на двете земји и дека можеме да сметаме на поддршката од шведскиот парламент за унапредување на парламентарните процедури, особено во време додека Шведска претседава со Советот на Европската Унија.
Маричиќ се заблагодари за искрената и континуирана поддршка што ја имаме за европската интеграција и на барање на пратениците брифираше за текот на скрининг процесот, очекувањата од Извештаите и тековните реформи.
На средбата со пратеникот Аднан Дибрани, фокус тема беше актуелните случувања во регионот и европската перспектива, особено за време на актуелното претседавање на Шведска со Советот на Европската Унија.
Се согласија дека регионот има напредок и дека реформите и помирувањето водат побрзо до членство во ЕУ, но дека задачите ќе мораме да ги завршиме ние самите, за кои имаме ја имаме поддршката од Риксдагот за побрзо исполнување на обврските на патот кон членството во ЕУ.
Се зборуваше и за дијалогот меѓу Белград и Приштина, кој беше поздравен од соговорниците, со верување дека ќе направи позитивна атмосфера за поинтензивна соработка и дијалог кои ќе придонесат полесно да ги надминат разликите и регионот заедно да продолжи да чекори кон ЕУ.
Маричиќ е во официјална посета на Шведска на покана на неговата колешка, министерката за европски прашања Јесика Росвал, со која утре ќе оствари билатерална средба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Едукативен мото настан утре во Кисела Вода
Утре, со почеток во 11 часот, пред салата Расадник, ќе се одржи едукативен мото настан од отворен карактер „Сите возиме, но некои знаат“.
На присутните од страна на лиценцирани инструктори, ќе им биде презентирани важноста за техничка исправност на моторното превозно средство (мопед, скутер, мотор), правилната употреба на безбедносна опрема за возење, како и справување во реални ситуации на улица.
„Низ дружење со претставници и членови од мото клубови, автошколи и здруженија ќе се изврши едукација за безбедно возење во и надвор од урбани средини, за брзината како фактор за општа безбедност и за намалувањето на загаденоста на воздухот преку користење на електрични превозни средства“, велат од општина Кисела Вода.
Македонија
Ќе се основа Медицински факултет во Битола, усвоени се законските измени
Со усвоениот Закон предложен од пратениците на СДСМ основаме Медицински факултет во Битола, изјави пратеничката Жаклина Лазаревска.
Медицинскиот факултет ќе биде во состав на Универзитетот ,,Св. Климент Охридски” – Битола а ќе ги има отсеците за општа медицина, стоматологија, фармација и Висока медицинска школа.
Како што објави Лазаревска, наставните бази на Факултетот ќе бидат Клиничката болница Битола, Специјалната болница за кардиолошки заболувања „Свети Стефан“ Охрид, Специјалната болница за ортопедија и трауматологија „Свети Еразмо“ Охрид , Специјалната болница за нефрологија Струга и болницата со проширена дејност во Прилеп.
„Обезбедуваме висок степен на образование и обука за студенти кои ке станат идни лекари, со потребни знаења и вештини. Со основањето на Медицинскиот факултет Битола ќе го утврди своето место како регионален образовен центар и ќе даде можност на средношколците од градот и околните населени места, да студираат во своето место. Значително ќе допринесе во создавањето на нов стручен кадар, подобрување на здравствениот систем и одржување на високи стандарди за образованието, етиката и праксата во областа на медицината“, изјави Лазаревска.
Како што рече, ова ќе влијае на зголемување на квалитетот на здравствени услуги преку обучени и компетентни лекари за подобрување на здравјето на населението.
Скопје
Герасимовски: Конечно, Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.