Македонија
МВР: Нови 16.000 униформи за припадниците на полицијата
Како една од компонентите согласно планот за материјално-техничко подобрување на работната средина на полициските службеници, а која произлезе од новата стратешка позиционираност што ова раководство на МВР ја утврди во 2017 година, е и континуираното вложување во опременоста на полициските службеници,како логична алка во активностите за мотивирање на полицијата, а сѐ со цел унапредување на севкупната безбедност на граѓаните.
Деновиве, во магацините на Министерството за внатрешни работи испорачани се вкупно 16.000 летни и зимски панталони и здолништа за припадниците на полицијата, со вредност од 31.008.559 денари со вклучен ДДВ, а по претходно распишана јавна набавка на униформи за 2021 година.
Испорачаните униформи вклучуваат 6.452 машки зимски и летни панталони, 758 женски зимски и летни панталони и 790 зимски и летни здолништа, а согласно динамиката на испорака очекуваме пристигнување високи специјални чизми и ремени, со кои ќе се комплетираат испораките од спроведените јавни набавки на униформа во 2021 година.
Периодов во магацините на МВР пристигнаа и 8.000 зимски јакни за припадниците на полицијата за кои распределбата почна на 11.3.2022.
Ова раководство на МВР зазеде одлучен став за драстично зголемување на инвестициите во униформи за сите припадници на полицијата за што јасно укажува и вредноста на самите набавки на униформи за време на раководењето на Министерството од страна на министерот Оливер Спасовски, односно за периодот од 1.6.2017 до 18.1.2022 реализирани се инвестиции во униформи во вредност од над половина милијарда денари со вклучен ДДВ или безмалку 10 милиони евра.
Така, денеска можеме да се пофалиме дека сите организациони единици на полицијата добија нови униформи, специјалните единици добија повеќе комплети нова униформа, униформи се набавени и за другите полициски службеници, а само за шест месеци во претходната 2021 година, од јули до декември, обезбедивме 10.000 кошули со долги ракавави и 10.000 кошули со куси ракави за припадниците на полицијата, 2.330 флуоросцентни елеци, 660 комплет униформи за приправници, 30 комплети работни костими за кујни, 34 воздухопловни јакни, 19 воздухопловни комбинезони и 7 специјални заштитни комбинезони како дел од униформата за воздухопловниот персонал, 473 цивилни облеки, обувки, цивилни кошули и цивилни чевли, 8.000 поло-маици, 10.000 рала полувисоки чевли.
Меѓу другото, во рамките на планот за материјално-техничко подобрување на условите за работа на полициските службеници реконструиравме и саниравме 71 објект на МВР на територијата на целата држава, трансформирани и на енергетски план, со нови системи за ладење и греење, промена на прозорци и врати, подови и покриви, нови термоизолациски фасади, со што директно овозможуваме заштеди во буџетот, ги намалуваме емисиите на штетни гасови, придонесуваме кон заштита на животната средина. Во моментот интензивната градежна офанзива е во тек на уште 6 објекти, и тоа: ОВР Радовиш, ОВР Делчево, ОВР Берово, Одделот за заштита на личности и објекти во Скопје, ЕВР Гази Баба и ОВР Свети Николе, со тоа што неодамна беше промовиран објектот на Единицата за внатрешни работи Карпош како 71. реконструиран објект. Исто така, обезбедивме и поголем број донации во возила и опрема за разни полициски организациски единици, а се модернизира и возниот парк.
Го одржувме и континуитетот на исплата на редовна бонус плата, покрај исплатата на трите заостанати бонус плати за прекувремено изработени часови во претходната година, насбргу ќе биде исплатена и бонус платата за 2021 година, а со буџетот на МВР за 2022 година обезбедени се и средства за зголемување на платата за 5 % на сите вработени во МВР од септември 2022 година. Согласно новиот Закон за минималната плата, минималната бруто-плата изнесува 26.422 денари. За вработените во МВР, на кои им се исплатува плата по Законо за работните односи, извршено е усогласување со минималната плата и почнувајќи од март, сите вработени по овој закон ќе имаат усогласени, односно зголемени плати.
МВР продолжува со обезбедување квалитетни услови за работа на полициските службеници секогаш имајќи го предвид имплементирањето на високите стандарди на материјални-техничката опременост на полициските служби од водечките земји во Европа и светот, а сѐ со крајна цел – создавање професионален сервис за граѓаните оправдувајќи го и нашето мото: опремена полиција – безбедни граѓани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачевски: Нема откажувања, ги повикувам граѓаните на 8 мај да излезат масовно и да дадат поддршка за Пендаровски и СДСМ
Со исправена глава, поставени на вистински европски пат кој е единствена опција за суштинска промена во нашата држава. Во тоа име ве повикувам масовно, ги повикувам сите граѓани на Македонија масовно да излезат на избори, на 8 мај и својот глас да го дадат за нашиот претседател Стево Пендаровски и за пратеничките листи на СДСМ и коалицијата за европска иднина, рече претседателот на СДСМ, Димитар Ковачевски вечерва на митинг на коалицијата за европска иднина во Чучер Сандево.
-Сакам да ве поттикнам да разговарате со секој ваш пријател, роднина, сосед, до 8 мај, да кажете дека ДА, разбравме каде сме грешеле, дека имаме јасна програма и план како сето тоа да го поправиме и исто така да кажете дека ние сме таа партија која ги обезбеди сите овие прогресивни работи за државата и кои ја ослободија државата од канџите на само една политичка партија која имаше се во свои раце во цела една декада. Ве повикувам никогаш да не се откажете во она што веруваме и да се бориме да успееме за се она што сме го напишале во програмата да стане реалност и државата да стане многу подобра од она што е денес, рече Ковачевски.
Јас заедно со моите другари како денес, со Санела, Сузана, Оливер, Фатмир ќе бидеме секој ден меѓу граѓаните. Во секој град, секое село, секоја куќа, со секој граѓанин, додаде Ковачевски.
-Ве повикувам и вас, да ни се придружите и заедно да ја пренесеме пораката за напредна држава, пораката за држава која напредува, за држава во која сите се почитуваат и пораката за држава во која ќе имаме подобар животен стандард. Нема откажување од иднината и од борбата за напредна и прогресивна Македонија, рече претседателот на СДСМ, Димитар Ковачевски.
Македонија
Мицкоски: Разликата по вчерашниот изборен ден е цунамито кое се крева, народот се излеа и тој бран на промени ќе ја порази оваа власт
Над 180 илјади разлика е доволен показател за само едно, народот е на нозе и народот се крена против оваа власт, рече претседателот на ВМРО-ДПМНЕ, Христијан Мицкоски на вечерашниот митинг во Кичево.
„Оние кои што се удираа во гради дека ќе сме се сокриеле после изборниот ден, јас денес не ги гледам. Сокриени коваат сценарија за бојкот, на врата се пред Мала речица да ги молат за гласови, како што ги молеа за тендери. Но, народот е посилен и од тие стотина луѓе од ДУИ кои управуваат со државата и од тој артаноиден режим“, изјави Мицкоски.
Според Мицкоски разликата по вчерашниот изборен ден е толку изразена, што е поголема од вкупниот број на гласови на Пендаровски освоен на изборите.
„Ова е цунамито кое се крева и кое ќе се удри од главата на оваа власт. Народот се излеа и тоа незадоволство и тој бран на промени ќе ги порази. Сакам да предупредам дека работата не е воопшто завршена. Потребно е жолтиот картон да стане црвен. На 8 мај потребно е масовно да се излезе и да се гласа за промени“, вели Мицкоски.
Мицкоски укажа дека е многу важно разликата да биде уште поголема.
„Затоа што добивам информации за црни сценарија кои се коваат во противничките штабови и да им кажам колку и тие да планираат такви сценарија, народот уште пожестоко ќе ги казни. Излезот власта го гледа во две работи. И двете се губитнички сценарија. Првото е бојкот на изборите каде што најисправниот одговор треба да биде излезноста и масовноста на овие избори. Второто сценарио е играњето со белезите на Македонија и великодушните понуди што овој пат ги добива ДУИ за сметка на Македонија од СДСМ за еден партнерски настап и взаемна поддршка на изборите“, кажа Мицкоски.
Мицкоски кажа дека двете сценарија им се за тоа како ДУИ и СДСМ да извлечат некаква полза, за сметка на пропаста и назадувањето на државата.
„Тоа нема да го дозволам. И затоа одговорот е масовна излезност на 8 мај“, порача Мицкоски кој заклучи: „да покажеме заедно дека силата на Македонија е во нас, во сите нас заедно, и да бидеме пример на сите идни генерации“.
Македонија
(Видео) Битиќи од Чучер Сандево: На 8 мај гласовите се бројат од нула – сите прогресивни сили ќе гласаат против ксенофобијата на ВМРО-ДПМНЕ
Потпретседателот на СДСМ и ко-носител на парламентарната листа во изборна единица 2 на „Коалицијата за европска иднина“ вечерва се обрати на централниот митинг во Чучер Сандево од каде порача дека не постои разлика која е недостижна.
„На 8ми мај, се почнува од почетокот, гласовите ќе се бројат од нула. Борбата не е завршена. Секој од нас има втора шанса да се вклучи енергично, со верба во себе и во СДСМ и да го промени текот на настаните. Ова од нас го бараат нашите деца, нашата држава, ова го бараат за да им ја заштитиме иднината“, кажа Битиќи
Дополнувајќи дека е потребен поглед напред, кон визијата за просперитетна и сплотена Македонија, членка на ЕУ, со силен економски раст и општество во кое секој граѓанин е третиран и ценет подеднакво.
„Една работа е јасна од првиот круг на претседателските избори, а тоа е дека ВМРО-ДПМНЕ и Гордана Силјановска го достигнаа својот максимум на гласови, го достигнаа плафонот. Повеќе нема што да бараат, ниту да очекуваат од граѓаните на 8ми мај. Толку можат, ништо повеќе. А тоа не е доволно за победа на претседателските избори. Ве уверувам дека со оваа реторика која што ја има ВМРО-ДПМНЕ, со ксенофобијата на Гордана Силјановска Давкова не постојат гласови од албанскиот електорат кои тие ќе можат да ги добијат во вториот изброен круг на претседателските избори. За разлика од нив, пред нас е хоризонтот на гласови кон кој треба да се движиме на 8ми мај“, истакна Битиќи
Тој се осврна на фактот дека Македонија не е само ВМРО-ДПМНЕ, Македонија е многу повеќе, таа е на сите. На Македонците, Албанците, Србите, Турците, Ромите, Бошњаците, Власите – на сите кои се борат за европска држава.
„Упатувам повик за будење на сите прогресивни сили во нашата земја. Време е за уште повеќе средби со граѓани, да работиме за поголема поддршка, да ја испратиме нашата порака до секој еден граѓанин. Не е време за повлекување, за откажување. Обединети сме и ќе застанеме заедно – нема да дозволиме никој да ни ја раздели партијата или државата. Не се откажуваме ни од иднината а ниту од прогресивноста на заедништвото!“, истакна Битиќи.