Македонија
Милевски: Сензорна соба во Штип во рамките на проектот „Здрави деца – сигурна иднина“
Иновативниот проект „Здрави деца – сигурна иднина“, во рамките на програмата за одржлив и инклузивен рамномерен регионален развој, се реализира преку Центарот за развој на Источниот Плански Регион, а е поддржан и од швајцарската амбасада. За изградба на сензорната соба се инвестираа 2.077.000 денари.
„Набавена е и монтирана опрема во сензорната соба во Општинската јавна установа за деца, градинката „Астибо“, преку швајцарската амбасада, во вредност од 556.606 денари, а остатокот од средствата се употребени за градежни и реконструктивни активности во сензорната соба. Сензорната соба е интерактивна просторија опремена со соодветна опрема што помага во стимулирање на чувството за слух, вид, допир и мирис. Тоа е место каде што децата со нарушувања во сензорната интеграција може да ги истражуваат и развиваат своите сензорни вештини, да се релаксираат и да се ослободат од напнатоста. Опремата ја контролира терапевтот со дистрибуција на стимуланси за секој осет приспособувајќи ги на индивидуалните потреби на секој корисник. Третманите ги спроведуваат дефектолози, кои добиле специјална обука за овој вид терапија“, истакна министерот за локална самоуправа, Горан Милевски.
Според градоначалникот на општина Штип, Благој Бочварски, во детската градинка „Астибо“ се третираат 20 деца со тешкотии во развојот.
„Детската градинка има вработено 1 лице – специјален едукатор и рехабилитатор, кое ќе работи со овие деца и кое ќе добие соодветна обука за работа и користење на сензорната соба. Освен ова, во детската градинка од стручни работници и соработници има и педагог и медицинска сестра“, рече Бочварски.
Во последните неколку години забележан е раст на бројот на децата со тешкотии во развојот до различен степен кај предучилишна возраст во Источниот плански Регион. Проблем со кој се соочуваат установите каде што посетуваат настава овие деца е недоволната опременост на просториите, како и недоволна стручна подготвеност на кадарот што работи со овие деца. Целта на овој проект е преку набавка на опрема и градење таканаречени сензорни соби, во комбинација со обуки за кадарот, да се постигне решавање на проблемот.
Сензорните соби преставуваат специјално дизајнирана околина, која треба да овозможи за детето (лицето) со посебни потреби контролирано изложување на едно или повеќе сетилни доживувања, со цел поттикнување на сензорната интеграција, која е основа за оформување на нашите одговори кон надворешната средина.
Долгорочниот ефект од овој проект би бил зголемена интеграција на децата со тешкотии во развојот во образовниот систем и понатаму во општеството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонски концепт: Ја поздравуваме одлуката на кандидатот Пендаровски да го истрча и вториот круг
Колку беше важна победата на кандидатката Гордана Силјановска Давкова во првиот круг, толку е важна одлуката на кандидатот Стево Пендаровски да го истрча и вториот круг и да не ги бојкотира претседателските избори, велат од Македонски концепт.
„Бојкот никогаш не бил решение, ниту на Референдуми, ниту на Попис на население, ниту пак на Избори. Мора да се почитува волјата на народот и да биде мирно предадена власта на победничката Коалиција „Твоја Македонија“, предводена од ВМРО ДПМНЕ, а чиј дел е и нашата партија Македонски Концепт.
Партијата Македонски Концепт честита на огромното водство на кандидатката Гордана Силјановска Давкова, што е резултат на нашите политики за обединување на опозицијата, нешто што го депласираше и детронизирање ДУИ и нивните сдса измеќари, а со цел уште поголема победа во вториот круг на 8ми Мај, повикуваме на уште поголемо обединување и окрупнување на Коалицијата „Твоја Македонија“ со останати добронамерни политички партии и членови и симпатизери на останати партии, чии водства се платеници на ДУИ, но нивните поддржувачи се искрени Македонци и искрено се радуваат на оваа голема македонска победа.
Македонски Концепт го реафирмира својот став за граѓански концепт на Уставот на државата и ги повикува сите македонски граѓани, без разлика на етничка, верска, партиска или друга припадност, да се вклучите во нашите активности и на 8ми Мај да дадете поддршка на Коалицијата „Твоја Македонија“ и број 2 на гласачкото ливче и за претседателски и за парламентарни избори“, велат од партијата.
Македонија
ВМРО-ДПМНЕ: Народот избра промени, да излеземе уште помасовно на 8. мај
Огромната поддршка обврзува за промени и брзи резултати, да излеземе уште помасовно на 8-ми мај, а потоа следува економска трансформација на Македонија, порача ВМРО-ДПМНЕ по првиот круг од претседателските избори.
„Народот избра промени. Македонија повторно ќе биде горда и твоја.
Огромната поддршка на народот обврзува за промени и брзи резултати, работата не е завршена, црвениот картон граѓаните ќе го дадат на 8-ми мај.
На 8-ми мај СДС ќе доживеат уште поголем пораз, затоа што народот сака промени, и просперитет за Македонија.
ВМРО-ДПМНЕ се обврзува на напорна работа и експресни резултати по 8-ми мај, народот мора брзо да ги почувствува промените и Македонија да тргне напред.
По 8-ми мај Македонија ќе тргне по патот на економска обнова, поголеми плати и пензии, развиена инфраструктура, квалитетно образование, здравство какво што заслужува секој човек. По 8-ми мај следува економска трансформација на Македонија.
Ги повикуваме граѓаните уште помасовно да излезат во вториот круг и да ги потврдиме промените. Народот ќе си ја врати Македонија.
Македонија повторно твоја“, се вели во соопштението на ВМРО-ДПМНЕ.
Македонија
Силјановска убедливо пред Пендаровски во првиот круг со 40 наспроти 19,93 отсто од гласовите
Кандидатката за претседател поддржана од ВМРО-ДПМНЕ и коалицијата, Гордана Силјановска со убедливо водство влегува во вториот круг од претседателските избори, каде како и во 2019 година ќе се соочи со нејзиниот опонент Стево Пендаровски.
Според пребројани 99,85 отсто од гласовите, Силјановска освои 362.682 гласа, или 40,08 отсто, додека Пендаровски првиот изборен круг го завршува со 180.306 гласа, односно 19,93 отсто.
Зад нив е Бујар Османи од Европскиот фронт со освоени 120.903 гласа (13,36 отсто), потоа Максим Димириевски од ЗНАМ со 83.787 гласа (9,26 отсто), Арвен Таравари од ВРЕДИ со 83.356 гласови (9,21 отсто). Следна е Билјана Ванковска од Левица со освоени 41.172 гласа (4,55 отсто) и Стевчо Јакимовски од ГРОМ со 0,90 отсто, односно 8.103 гласови.
Вториот круг од претседателските избори ќе се одржи на 8 мај, заедно со парламентарните.