Македонија
Милески до Јовановски: На Орце ова му се најтешки моменти во животот, мислам дека ќе си ги минимизира пријателите
Во вториот фајл од разговорите, кои осудениот Зоран Милески ги доставил до Обвинителството поврзани со случајот „Рекет“, се слушаат муабети меѓу него и обвинетиот Бојан Јовановски.
Милески во улога на посредник му пренсува на Јовановски што разговарал со Ана и Орце Камчеви посочувајќи дека тој нема никаков интерес од тоа. Тие разговараат и за излегувањето на Орце Камчев од притвор. За овие материјали, обвинетата Катица Јанева рече дека ќе покажат кој манипулирал, кој е манипулиран и кој нудел поткуп.
Разговорот почнува кога Милески се среќава со Јовановски, кој му вика: „Што ти е бе, што си како урочен?“, а осудениот се жали на здравствената состојба. По ова, почнува дискусијата поврзана со Камчеви, каде што Милески му вели на Јовановски: „Има нешто што треба да кажам кај Ана или нема?“
Јовановски му објаснува на Милески за, како што вели, кризен ПР, по што додава: „Од медиумите почнува сè, и добри и лоши работи“, потенцирајќи дека постои и друг план.
„Можеш да зборуваш и директно со Ана. Тоа е работата. Јас ти кажувам што ми пренесе Ана“, му вели Милески на Јовановски.
Во потнатамошниот тек од разговорот Милески му вели на Јованвоски дека ќе му цитира што му е кажано, a во дел стои: „За возврст барам да излезам надвор. Дали може или не може, Боки?“ По ова, Милески му вели на Јованвоски дека ќе ѝ пренесе на Ана за идејата со кризен ПР.
„Ќе напраам сè, а тој нека покаже дали ќе ме испочитува или не. Јас не барам ништо“, му вели Јованвоски на Милески, кој потоа му дава одоговор: „Тоа ќе разговарате со него, јас само пренесувам што ми е кажано“.
„Јас да ти кажам нешто, ти многу добро знаеш дека јас немам никаков интерес. Јас немам интерес да кажам ‘да’ ниту за старски домови ниту за трговските центри. Тоа зависи од многу работи. Ти викаш ‘му ги штитиш парите’, ако гледаш така, и тебе ти ги штитам парите“, му вели Милески на Јовановски.
Во понатамошниот тек на симката Милески му кажува на Јовановски што му кажал Камчев за идеите што му биле предлагани.
„Ме викна и ми вика: ‘вака и вака, Боки ми нудеше да правиме хангар’. Јас му реков – каков хангар, тој вика хангар во кој ќе имало телевизија, ресторани, едно, друго. Ми вика: „јас не знам што хангар да правам“. Јас му реков дека хангари не би праел и дека не ми е својствено тој да прави хангари. Јас му реков дека подобро да си плаќа лиценци за ресторани, ќе го донесеме ‘Сушико’ и други…“, вели Милески цитирајќи што разговарал со Камчев, па додава: „Ни едниот ни другиот не ми кажавте дека има било каков проблем. Вие двајца сте се договарале, тебе ти рекол Орце да не кажуваш и ти, нормално, не кажуваш“.
„Јас знам дека на крајот тоа ќе го сфати како бизнис-понуда“, вели Јовановски, а Милески додава: „Тој ѝ рекол на Ана дека бркал бизнис“.
Јовановски му кажува на Милески дека ситуацијата е многу покомплицирана од што е претставена по што му укажува со „истрагата ќе биде проширена, тоа сум сигурен“.
„Во меѓувреме, поради целава состојба, јас ти кажувам дека јас ќе преземам мерки и активности, ќе видиме што сум направил и што можеме да очекуваме. Ситуацијата е многу покомплицирана од тоа што е претставена на тие три разговори, посериозна од тоа што некој ја доживува. Истрагата ќе биде проширена, тоа сум сигурен“, му вели Јовановски на Милески.
Милески му кажува дека многу луѓе го сметаат за џелат и оти мислат дека ништо не го погодува, па додава: „Мене најмногу ме погаѓаат такви работи“.
„Ако сака Ана да му пренесе на Орце, да правиме кризен штаб“, вели Милески по што продолжува: „На Орце ова му се најтешки моменти во животот. Мислам дека ќе си ги минимизира пријателите, ќе сфати кој го цица, кој се…“
„Јас ќе го направам про боно ако тој мене ме испочитува подоцна“, му вели Јовановски на Милески.
„Ако му помогнеме на Орце да излезе, ако му помогнеш да излезе, буквално ме имаш мене“, му вели Милески на Јованоски, а тој му возвраќа да не го условува, а Милески, пак, додава: „Боки бе, тоа не не е условување, ќе сфатиш“.
Другите разговори ќе бидат изведени на наредното рочиште.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Беќаровски навести дека си оди од Токсикологија: Дон Кихот конечно го напушта оклопот
Доктор Нико Беќаровски навести дека ќе си замине од Клиниката за Токсикологија.
Во статус на социјалните мрежи, Беќаровски порача дека е време на приватните клиники да се отвори Одделение за детоксикација и Клиничка токсикологија.
„35 години бев најголем борец за здрав јавен здравствен сектор. Дон Кохот конечно го напушта оклопот. Време е во некоја од приватните болници да се отвори Одделение за детоксикација и клиничка токсикологија. Бројот на консументи на психоактивни супстанции секојдневно расте“, пишува Беќаровски.
Ова се случува откако вчера на прес-конференција заедно со уште пет докторки од Стручниот колегиум на Клиниката за токсикологија јавно ја прозваа економската директорка на Клиниката за токсикологија Бесија Иљази, дека не дозволува вработување на двајца дипломирани биолози и еден болничар. Наместо, тоа, таа инсистира да се вработат осумнаесетмина на кои им истекле договорите за дело, а меѓу нив има лица кои немаат соодветно образование.
Беќаровски кој е раководител на Одделението за интензивна нега на Клиниката рече дека едниот од нив, болничар, вршел притисок врз лаборант- барал урина во која имало наркотици, да биде сменета со урина која е чиста, ама лаборантот не прифатил.
За образованието на Иљази, лекарите не знаат ништо, ниту за познавањето на јазици – со оглед на тоа што македонскиот не го зборува, а Беќаровски се обидел да комуницира со неа на англиски јазик.
Министерот за здравство Илир Демири најави разрешување на медицинскиот директор на Клиниката за токсикологија, д-р Данил Петровски, но не и економската директорка бидејќи немал сознанија за прекршок.
Македонија
Дожд и снег на повисоките места: ЦУК апелира на внимателност поради најавените метеоролошки промени
ЦУК апелира за внимателност заради најавените метеоролошки промени со дожд, со доумерен ветер и со снег на повисоките места.
Кога се оди со возило на планините е препорачливо да се има полн резервоар гориво и да се внимава на лизгавоста и проодноста на патот, велат од ЦУК.
„Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации“, се наведува во соопштението.
Истовремено, ЦУК информира дека е потребно и корисно да се следат препораките и информациите од медиумите за превенција, а и за реагирање при итни случаи.
„Во реонот на автопатот A2 Кичево-Охрид, што е во изградба, во период од 12 до 16 часот ако се слушнат силни детонации, граѓаните да не се вознемируваат, во повеќе наврати ќе се извршат минирања на теренот“, информираат од ЦУК.
Македонија
Странски новинари, преведувачи: вкупно 942 набљудувачи ќе ги следат претседателските избори
Вкупно 942 набљудувачи, странски новинари и преведувачи се акредитирани за следење на Претседателските избори на 24 април.
Како што е објавено на веб страницата на ДИК, заклучно до 19 април, акредитирани се 342 домашни и 568 странски набљудувачи и преведувачи, од кои најбројни се од ОБСЕ/ОДИХР.
Парламентраните избори во земјава ќе ги следат над 2000 домашни и странски набљудувачи.
Изборите за шеф на државата ќе ги следат и странски новинари.
Седмите претседателски избори во земјава ќе се одржат на 24 април, а евентуалниот втор круг заедно со парламентарните на 8 мај.