Македонија
Мисајловски: Скратете ги расипничките политики и се она што не е во функција на решавање на последиците од корона кризата
Владо Мисајловски, пратеник од ВМРО-ДПМНЕ, на собраниската дебата за вториот ребаланс на буџетот рече дека власта посочува оти има пари за последиците од корона-кризата, но лаже.
„Вие велите за корона-кризата има пари, но не е така. На пример, за инфраструктура нема пари, но има за министри, за нивни родители, роднини. Во оваа држава сè е наопаку. Институциите се на апарати за дишење, нема пари за плати, нема пари за ништо. Здравство едвај функционира. Жално е што вие како пратеници од власта правите политикантство и тоа го правите дури и сега во оваа корона-криза. Незрело е однесувањето на вашиот министер Венко Филипче. Велевте ниеден доктор не треба да го гледаме никако поразлично, освен како доктор. А што направи вашиот министер со морбидното, срамно видео? Ги навреди сите, токму тој кој треба да се грижи за сите. Со вакви политики од министер кој плука по сите, тоа е срамно за државава“, рече Мисајловски.
Мисајловски посочи дека власта во ваков период на сериозна криза предизвикана од корона нема никаков план и за ништо.
„ Немате стратегија што ќе се случи потоа, велевте ќе има нови бранови, а кај нас бранот никогаш не запре, само се зголемува. А вашите политичари што прават, се потсмеваат со сите кои мислат поинаку“, рече пратеникот.
Според Мисајловски, за корона-кризата прво треба да се слушне зборот на медицинската фела, а не како што рече „на оној Караџовски кој вика по телевизии“.
„Затоа опозицијата ќе поднесе предлог и ќе видите како треба да се одвива работата на една стручна комисија за заразни болести. Кај вас сè е купи ден продај, нема стратегија за ништо. За сè ја обвинувате опозицијата, за корона, за буџет…“, кажа Мисајловски.
Мисајловски укажа дека власта нема план ниту како да го полни буџетот, ниту овој, ниту оној што треба да се планира за следната година.
„Со кој капитален проект ќе го полните буџетот, еве имате ли план за следната година за буџетот и како ќе го полните?Дали имате предвидливост за економијата, дали има излез? Сите почнуваат со сериозни и прецизни мерки, а имаат стабилни институции. Скратете ги расипничките политики и сè она што не е во функција на решавање на последиците од корона-кризата“, рече Мисајловски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски се сретна со амбасадорот на Турција: врвен приоритет е склучување билатерален договор за соработка во областа на безбедноста
Денеска, министерот за внатрешни работи, Панче Тошковски, и заменик-министерот Назим Буши остварија работна средба со амбасадорот на Република Турција, Фатих Улусој.
Министерот Тошковски на новоименуваниот амбасадор Улусој му посака пријатен престој и успешно вршење на амбасадорската функција со желби за унапредување на билатералните односи меѓу двете земји.
На средбата беа отворени тековни прашања од соработката во областа на безбедноста, внатрешните работи и конзуларни прашања во надлежност на Министерството за внатрешни работи за што се потврдија заложбите за искрена соработка на овие теми.
Една од главните заложби е одржувањето на стабилноста и безбедноста на регионот за што двајцата соговорници се согласија дека од врвен приоритет е склучувањето на билатералниот договор за соработка во областа на безбедноста, кој е во фаза на заемно усогласување.
Скопје
Едукативен мото-настан утре во Кисела Вода
Утре, со почеток во 11 часот, пред салата Расадник, ќе се одржи едукативен мото-настан од отворен карактер „Сите возиме, но некои знаат“.
На присутните од страна на лиценцирани инструктори ќе им бидат презентирани важноста за техничка исправност на моторното превозно средство (мопед, скутер, мотор), правилната употреба на безбедносна опрема за возење, како и справување во реални ситуации на улица.
„Преку дружење со претставници и членови од мото-клубови, автошколи и здруженија ќе се изврши едукација за безбедно возење во и надвор од урбани средини, за брзината како фактор за општа безбедност и за намалувањето на загаденоста на воздухот преку користење електрични превозни средства“, велат од Општина Кисела Вода.
Македонија
Ќе се основа медицински факултет во Битола, усвоени се законските измени
Со усвоениот закон предложен од пратениците на СДСМ основаме Медицински факултет во Битола, изјави пратеничката Жаклина Лазаревска.
Медицинскиот факултет ќе биде во состав на Универзитетот „Св. Климент Охридски“ – Битола, а ќе ги има отсеците за општа медицина, стоматологија, фармација и висока медицинска школа.
Како што објави Лазаревска, наставните бази на факултетот ќе бидат Клиничката болница – Битола, Специјалната болница за кардиолошки заболувања „Свети Стефан“ – Охрид, Специјалната болница за ортопедија и трауматологија „Свети Еразмо“ – Охрид , Специјалната болница за нефрологија – Струга и болницата со проширена дејност во Прилеп.
„Обезбедуваме висок степен на образование и обука за студенти, кои ќе станат идни лекари, со потребни знаења и вештини. Со основањето на медицинскиот факултет Битола ќе го утврди своето место како регионален образовен центар и ќе даде можност на средношколците од градот и околните населени места да студираат во своето место. Значително ќе придонесе во создавањето нов стручен кадар, подобрување на здравствениот систем и одржување високи стандарди за образованието, етиката и праксата во областа на медицината“, изјави Лазаревска.
Како што рече, ова ќе влијае на зголемување на квалитетот на здравствени услуги преку обучени и компетентни лекари за подобрување на здравјето на населението.