Македонија
Мицевски: Законот за попис е со низа недоследности
Предлог-законот за попис на населението е со низа недоследности, а владејачкото мнозинство прави злоупотреба на европското знаменце бидејќи истиот закон не ги содржи препораките на Евростат и немаат никаква допирна точка со регулативите на европскиот парламент, како и со препораките и стандардите на Обединетите нации, рече пратеникот од ВМРО-ДПМНЕ, Никола Мицевски, на денешната седница во Собранието
„Законот за попис, кој предизвикува големо внимание кај македонските граѓани, е закон што е долго очекуван во Република Македонија имајќи предвид дека законот за попис, односно пописот треба да биде една статистичка операција од која ќе се црпат податоци за идните текови и функционирање и планирање на стратегиите на Република Македонија во наредниот краткорочен и долгорочен период. За жал, не дојдовме до пленарна седница со ова законско решение на начин на кој посакувавме и на кој повикувавме. Од самиот почеток баравме државен консензус за ова прашање, а не владина коалициска одлука на партиите на власт за начинот, односно за формата за спроведување на пописот во Република Македонија“, рече Мицевски.
Тој додаде и дека власта испуштила можност да даде легалност и легитимитет, односно доверба во оваа статистичка операција.
„Испуштивте шанса уште од самиот почеток да дадете легалност и легитимитет, односно доверба во процесот на статистичка операција наречен попис. За жал, место да дозволите дебата, прво на комисии, па јавност транспарентност и експертско учество во него, ставивте европско знаменце сè со една цел за сите оние чувствителни прашања во државата за сите оние прашања за кои навистина граѓаните очекуваат да се продискутира да не може да добијат јавност и транспарентност. Рековте дискутиравме на комисијата, меѓутоа тоа не е точно. На комисијата имаше предлози од ВМРО-ДПМНЕ и другите опозициски партии за кои вие немавте слух ниту да ги продискутирате“, рече Мицевски.
Тој рече дека ваквото законско решение има низа недостатоци и недоследности.
„Рековте дека сугестиите што се дадени на првото законско решение се анализирани и инкорпорирани во законот, јас ќе ве уверам дека тие сугестии ниту се разгледани ниту има желба да се разгледаат и доаѓаме до едно законско решение кое, за жал, има низа недоследности и низа позиции на кои опозицијата и секој граѓанин што го гледа ова како статистичка операција може да најде многу забелешки врз основа на ова законско решение“, рече Мицевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ванковска: Преспанскиот и бугарскиот договор се колонизаторски договори
Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека кога политичарите говорат за прашањата за Преспа и другите договори, тоа е само губење време и одвлекување на вниманието од реалните проблеми на земјата, сиромаштијата, невработеноста, корупцијата и сл..
„Точно е! Мнозинството граѓани едвај врзуваат крај со крај, очајни се од непостоење здравствен или образовен систем, сакаат развој а не вртење кон минатото.
Она што овие млади (а инаку умни) луѓе уште не го научиле е дека геополитиката (која ни ја наметнаа) е тесно поврзана со геоекономијата. Би очекувала својот критички ум да го свртат кон, на пример, поврзаноста на нашата колонијална положба со Преспа и Митилинеос. Или дури и со Бехтел и Енка… и уште многу ситни и не толку ситни зделки на македонските компрадорски елити кои нѐ продадоа како на сточен пазар, ни ги одзедоа и идентитетот и достоинството, ама и ги наполнија своите џебови врз база на бајките за ЕУ интеграција со смена на името и уставот.
It’s all about geopolitics, stupid!“, пишува Ванковска.
Според неа, Преспа и Бугарскиот договор не се само национални, идентитетски прашања, туку и класни и социоекономски. Ние, додава таа, сме во класично ропство, а принудени да аплаудираме на колонизаторите кои не се тука за наше добро, туку за свои интереси.
Македонија
ВМРО-ДПМНЕ: Идната наша влада ќе изгради нов објект за Клиничкиот центар во Скопје и ќе ја доизгради Клиничката болница во Штип
Идната влада на ВМРО-ДПМНЕ ќе изгради нов објект за Клиничкиот центар во Скопје и ќе ја доизгради Клиничката болница во Штип, велат од ВМРО-ДПМНЕ.
„Главен фокус на идната влада во здравството ќе биде укинување на дуализмот. Ќе се спроведе спојување на клиниките во еден интегриран Универзитетски Клинички центар „Мајка Тереза“. Интегриран Клинички центар во Скопје ќе значи подобри услуги за пациентите и намалување на трошоците при јавните набавки, кои ќе бидат вршени централизирано. Владата предводена од ВМРО-ДПМНЕ ќе го заокружи целиот процес со Клиничкиот центар во Скопје со изградба на нов објект“, дополнуваат од ВМРО-ДПМНЕ.
Како што велат, истовремено владата ќе биде силно фокусирана и на довршување со градбата на Клиничката болница во Штип.
„По изградбата на Клиничката болница истата ќе биде опремена со најсовремена опрема и истата ќе се доекипира со соодветен медицински кадар. Владата на ВМРО-ДПМНЕ ќе го има здравјето на граѓаните на прво место, затоа континуирано ќе вложуваме во здравството. Време е да ја вратиме државата на народот“, завршуваат од ВМРО-ДПМНЕ.
Македонија
Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ
Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф Еисин, кои е вклучен во кампањата на Стево Пендаровски и СДС, велат од ВМРО-ДПМНЕ.
„Како и секогаш Пендаровски, Ковачевски и СДС кога се фатени во скандал или криминал се служат само со навреди, лаги и манипулации наместо да дадат конкретни одговори на релевантни прашања поврзани со скандалот. Повеќе од десетина дена, откако признаа дека се среќавале со контроверзниот израелски консултат Еисин, нема одговор како тој е ангажиран во нивната кампања, како го исплаќаат и дали тој е ангажиран за црна кампања, кампања на поделби и етикетирања. Јавноста заслужува одговори како овој балкански мешетар СДС и Ковачевски го исплаќаат, бидејќи во ниту еден извештај за финансиско работење неговиот ангажман не е заведен, и дали истиот е плаќан со црни пари, кеш на рака, од криминалните тендери на власта, пари украдени од граѓаните“, дополнуваат од ВМРО-ДПМНЕ.
Како што посочуваат, од СДС треба да одговорат, дали покрај ангажирањето на Еисин, во Македонија се дојдени и две други лица, кои се локална поддршка на консултантот на Еисин, кои се сместени во центарот на Скопје во еден хотел и веќе активно работат на црната кампања на СДС за претстоините избори.
„Ги повикуваме надлежните институции веднаш да се одважат и да се ангажираат за расчистување на овој скандал, да го откријат финансирањето на консултантот и вклучувањето на странски државјани во кампањата за изборите. Време е за промени. Следува одговорност за секој сторен криминал, за секој скандал и за секое крадење на народни пари“, завршуваат од ВМРО-ДПМНЕ.