Македонија
(Видео) Мицкоски: Ветинг и за политичарите
Лидерот на опозициската ВМРО ДПМНЕ, Христијан Мицкоски, денеска побара ветинг за политичарите и ја обвини власта за недонесувањето на Закон за обвинителство. Мицкоски го обвини премиерот Зоран Заев за лицемерие кога зборува за правна држава.
„Уште поголемо лицемерие е кога тој човек по цели три години власт ќе каже дека мора да се испита имотот на судиите и обвинителите, и нема да помине ден потоа ќе го смени истиот тој став и ќе каже дека требало да се прочистат само неколку обвинители и судии. И тука има два логични заклучоци. Првиот е прашањето кој го спречуваше да го направи тоа до сега, имајќи предвид дека апсолутната власт е токму во рацете на Заев. Значи, одговорот е јасен и се работи за несакање, и вториот заклучок, зошто само да има проверка на имот на судиите и обвинителите, а не на изворот на корупција во оваа држава, политичарите и носителите на јавни и државни функции заедно со нивните семејства“, рече Мицкоски.
Според Мицкоски, власта нема интерес за Закон за обвинителство. „По 5 месеци е совршено јасно зошто власта на Зоран Заев го загуби интересот за носење закон за независно обвинителство и кому му беше интерес обвинителството да остане под политичката капа на Зоран Заев. Практично им требаше ова обвинителство и не сакаа законот за тоа обвинителство да се смени, за да имаме неказнет криминал. Јас го говорев ова тогаш и го повторувам сега, власта нема интерес за закон за обвинителство“, обвини Мицкоски.
Тој на денешната прес-конференција ја искористи за да ги наброи сите афери во текот на тригодишното владеење на оваа власт, а особено внимание посвети на случајот „Рекет“.
„Би сакал исто така да го повторам сведочењето на Бојан Јовановски, којшто велеше дека доколку се прегледаат камерите од видеонадзорот од неговата куќа, јасно ќе се види кое е лицето кое ја изнесува торбата од неговиот семеен дом. Понатаму, медиумите пренесоа дека во истрагата се споменува и дејствие со кое првоосомничениот сакал да издејствува од одредени кругови финансиски средства со цел да биде ставено одредено лице за прв човек на голема компанија каде државата има удел. Таква постапка е само возможна доколку некој од Владата вети дека ќе помогне за такво именување. Ова само отвора сомнеж дека грбот на Бојан Јовановски се наоѓа во зградата на ‘Илинденска’. Каде е Зоран Заев во овој случај да даде исказ и дали воошто се зборува за овој случај?“, праша Мицкоски.
Тој испрати порака до Заев, дека нема да бидеме подобро општество ако имаме или немаме преференцијални листи, туку кога ќе немаме корупција.
За годишното обраќање на претседателот Стево Пендароски во Собранието, вели дека не бил поканет и затоа не присуствувал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.