Македонија
Мицкоски: Задоволен сум од сработеното на градоначалниците на ВМРО-ДПМНЕ
Па, еве, се гледа, појдете секаде каде што има градоначалници од ВМРО-ДПМНЕ, јас самиот ќе се пријавам да бидам човекот што ќе оди од општина во општина и ќе ги сликаме и снимиме проектите што ги работат градоначалниците и потоа ќе ги бараме проектите на Владата што ги нема. И да видиме, да направиме разлика, тоа се барем факти, вели претседателот на ВМРО-ДПМНЕ Христијан Мицкоски, одговарајќи на новинарско прашање како е задоволен од реализацијата на програмите на градоначалниците на ВМРО-ДПМНЕ.
Мицкоски потенцира дека е презадоволен од сработеното и рече дека градоначалниците така ќе продолжат да работат и во иднина сè со цел да ги исполнат ветувањата дадени пред граѓаните, а со тоа и да ја вратат надежта и ќе покажат дека не се сите исти.
„Ќе видите и овде во Кавадарци, ќе видите во другите општини во кои има градоначалници од ВМРО-ДПМНЕ и ќе ги споредуваме фактите, колку проекти се реализирани на дело бидејќи тоа се гледа, тука нема веќе Христијан зборувал едно, Ковачевски и Заев друго. Еве, проектите се тие, се гледаат. Јас сум презадоволен имајќи ги предвид условите во кои работата луѓето, многу чесно, многу посветено и убеден сум дека така ќе продолжат и ќе покажат една разлика дека не се сите исти и ќе ја вратиме надежта кај македонските граѓани бидејќи народот е во апатија, народот е разочаран, народот е ограбен и понижен. И тие се буквално разочарани од сите политичари, но ние се трудиме да покажеме дека можело поинаку и дека има надеж и дека Македонија може да оди напред. Тоа е суштината на оваа генерација политичари во ВМРО-ДПМНЕ. И јас сум убеден да покажеме дека навистина Македонија има можност, луѓе и капацитет да оди напред наместо да назадува“, порача претседателот Мицкоски од Кавадарци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Шкријељ: Понудата на ДПМНЕ е понуда за блокада на ЕУ, над 80 проценти од листите се истите пратеници
Составот на кандидатските листи за пратеници од ВМРО-ДПМНЕ потврди дека нема никаква промена во оваа партија. Ова е понуда за блокада на европскиот пат на државата, тоа е кристално јасно, истакна на денешната прес-конференција Санела Шкријељ, пратеничка на СДСМ.
„Над 80% од предложените кандидати за пратеници се истите кои досега спроведуваа активна блокада на македонското Собрание.
Освен блокада на европскиот пат на државата повеќе од 2 години Собранието е под опструкции, блокади, кочење, од страна на ВМРО-ДПМНЕ
Наместо за интересот на граѓаните и државата се спроведуваа теснопартиски инетерси а често слушнавме и навреди и омаловажувања кон жените-пратенички.
Во време на криза во Собранието ја блокираа помошта за граѓаните и компаниите.
Беа против минималната плата и раст на платите и против членството на државата во ЕУ.
Тропаа и вревеа со вувузели во парламентот“, вели таа.
Оценува дека граѓаните беа сведоци на одолговлекувања, бесмислени реплики, штанцање илјадници амандмани за блокада на законите, незакажување седници и неставање на дневен ред на клучни закони во парламентарните комисии, предводени од опозицијата.
Со истите лица на листите, Белата палата, според Шкријељ потврдува дека се определува за блокада на европскиот пат на државата. Со ДПМНЕ е можно само враќање назад.
В„о ВМРО-ДПМНЕ нема никаква промена и не можат да донесат никакви промени на подобро, напротив.
Затоа, кристално јасно е.
Изборот пред граѓаните на претстојните избори ќе биде помеѓу надеж и просперитетна европска иднина со СДСМ и безнадежност, враќање 10 години назад со ДПМНЕ далеку од ЕУ“, прецизира пратеничката на СДСМ.
Скопје
В недела посебен сообраќаен режим во Скопје
Министерството за внатрешни работи известува дека на 31.3.2024 (недела), со почеток во 9 часот, поради одржување атлетска трка на 10 км, со траса на движење од долниот паркинг на Средно Водно по регионалниот пат (Р2138) до паркингот на манастирот „Св. Пантелејмон“ и обратно, Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
Министерството за внатрешни работи апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива настанот.
Македонија
Левицата: Решението за градба кај болничкиот комплекс Воена болница да се поништи веднаш
„Го повикуваме градоначалникот Стевчо Јакимовски да ги почитува законите и да го поништи Решението за градба на 17-катницата кај Болничкиот комплекс „Воена болница“, истакнуваат од Левица.
Потсетуваат дека политичката партија Левица повеќепати укажа на штетноста од градбата на повеќекатницата на истата локација, паралелно организираше протест на којшто граѓаните јавно го искажаа незадоволството од своеволието на градоначалникот и инвеститорите за противзаконската одлука на истите да почнат со градба на зграда за којашто немаат законска дозвола.
„Од пред неколку дена е правосилно Решението со кое се поништува незаконски позитивното конзерваторско мислење, кое се обидоа да го издејствуваат инвеститорите, а истото, по наши сознанија, е пристигнато во Општината на 21.3.2024 година, по што градоначалникот треба веднаш во законски рок да постапи по истато. За жал, Решението за градба уште не е поништено.
Од општинската администрација не даваат одговори по однос на прашањето по Решението со кое се одбива жалбата на инвеститорите, но успеавме да го добиеме, бидејќи е информација од јавен карактер“, дообјаснуваат од оваа партија.
Го повикуваат градоначалникот Стевчо Јакимовски во пресрет на изборната претседателска кампања да се одважи, како што велат, да ги испочитува законите и да го поништи Решението за градба веднаш, како би докажал пред граѓаните дека, навистина, ги застапува нивните интереси“.