Македонија
(Видео) Мицкоски: Ова е тежок ден за Македонија, ова е капитулација
Денеска е тежок ден за Република Македонија. Пред малку видовме како на прес-конференција поразот се прикажува како победа. А тоа што е од порано стекнато како правото на јазик и националност – да се прикаже како лажна победа. Колку и да обидува Заев да покаже еуфоричност, со сила да се насменува, од далеку се гледа дека ова е пораз.Тоа е чувството на граѓаните – потиштеност и горчина, рече на прес-конференција лидерот на ВМРО-ДПМНЕ, Христијан Мицкоски.
Според него, наместениот договор е прифаќање на сите грчки позиии и во својата основа може да се нараче т.н договор. „Ако постигнатиот т.н договор е прифаќање на промена на Уставот и внатрешна и надворешна употреба на името, тогаш тоа е договор за капитулација на Зоран Заев. Лошиот исход е резултат на неспособноста на Зоран Заев и невештата дипломатија која што ја водеше во изминатиот период. Бараме т.н договор кој што Заев има намера да го потпише со Ципрас веднаш да ни го достави. Сите мои однапред планирани обврски надвор од Македонија ги откажав и ќе бидам во земјава“, порача Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Испукана димна бомба на гласачко место, летоци врз паркирани автомобили во Чаир и графити пријавени во МВР
Портпаролот на МВР, Тони Ангеловски, информираше за текот на изборниот процес од отворањето на избирачките места.
„Досега МВР нема регистрирано посериозни нарушувања на јавниот ред и мир при гласањето, гласањето се одвива мирно без проблеми. Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, радовишко има едно лице кое го покажало гласачкото ливче на набљудувач.
За сите овие настани, како што вели тој, се преземаат мерки за расчистување на случаите.
„Покрај тоа, на територија на општина Чаир се забележани летоци кои биле оставени на паркирани возила, а исто така се испишани и два графити. На едно гласачко место во Скопје покрај испишаниот графит, од страна на претседател на избирачки одбор е пријавено дека во 6.30 часот во ходникот е пронајдена испукана димна бомба. Веднаш се преземени мерки и активности и на ова место гласањето се одвива непречено“, додава Ангеловски.
Апелира до граѓаните и улесниците на изборите, во текот на гласањетоо, до завршувањето, да се воздржат од било какви инциденти.
Македонија
На 12,78 отсто се искачи одѕивот до 11 часот, најголем во Демир Капија 23,99 отсто
До 11 часот на гласање излегле 229.473 граѓани и одѕивот од 3,85, колку што беше до девет часот, се искачи на 12,78 отсто.
Најголем е одѕивот во Демир Капија, 23,99 отсто, каде што од вкупно 3.208 граѓани до 11 часот гласале 769.
На седмите претседателски избори во земјава право на глас имаат 1.814.317 граѓани на 3480 избирачки места.
Македонија
Даштевски: Во првите два и пол часа пријавени се само технички проблеми, кабел или батерија, ги решаваме во од
Ситни техники проблеми околу биометриските уреди се пријавени во првите два и пол часа од гласањето. Претседателот на Државната изборна комисија Александар Даштевски извести дека гласањето се одвива мирно и без неправилности, а техничките проблеми вели дека тековно ги решаваат.
„Пријавени се само технички проблеми, батерија или кабел на биометриските уреди кои ги решаваме во од. Сите гласачки места се отворени и засега нема прекин никаде“, рече претседателот Даштевски.
Одѕивот во првите два и пол часа е 3,85 отсто, но пристигнале податоци од само 832 избирачки места. На овие избори право на глас имаат 1. 814.317 граѓани на 3480 избирачки места.