Македонија
Мицкоски се сретна со Курц и Хан
Претседателот на ВМРО-ДПМНЕ, Христијан Мицкоски, во пресрет на самитот на Европската народна партија, кој се одржува во Софија, оствари средба со австрискиот канцелар, Себастијан Курц, и комесарот на Европската Унија за проширување и добрососедска политика, Јоханес Хан
На средбата се разговарало за перспективите на Македонија, актуелната политичка состојба, како и стратешкиот интерес на државата за членство во Европската Унија, информираат од ВМРО-ДПМНЕ.
Како што велат од партијата, Мицкоски посочил дека Република Македонија се наоѓа во исклучитело тешка економска ситуација која резултира со намалување на стандардот на граѓаните, надополнета со сериозен политички терор наметнат од власта што сериозно ги поткопува нејзините капацитети и ја загушува слободата.
„Очекувањата од владата се изневерени, а народот сè повеќе незадоволен“, истакна Мицкоски.
Тој во однос на спорот за името, додаваат од опозициската партија, ги изнесе принципиелните позиции и ставови на ВМРО-ДПМНЕ кои не се променети, како и впечатокот дека Владата го води целокупниот процес на разговори на максимално нетранпсарентен начин што го наметнува чувството дека нешто се крие.
Беше истакнато дека премиерот Заев нема монопол во одлучувањето за вака едно важно прашање за иднината на државата.
Претседателот на ВМРО-ДПМНЕ, Христијан Мицкоски, истакна дека партијата ги поддржува европските интеграции на државата што се од интерес на самите граѓани, што се покажа и преку активно учество и давање сугестии во процесот на носење на реформските закони. Воедно беше потенцирана и важноста истите да профункционираат во реалноста, за што особено треба да преземе одговорност самата Влада.
Мицкоски истакна дека Македонија заслужува и може подобро и дека градењето мостови за соработка ќе е клучен елемент на ВМРО-ДПМНЕ во отворање на државата и исполнување на стратешките приоритети.
Лидерот на ВМРО-ДПМНЕ оствари разговор и со претседателот на Европскиот совет, Доналд Туск. На средбата, според информациите од партијата, се разговарало за стратешката цел на државата за интеграција во Европската Унија и за продлабочување на соработката на тој план.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЕУ ќе му даде на Западен Балкан помош од две милијарди евра до 2027 година
ЕУ ќе додели две милијарди eвра грантови и четири милијарди поволни заеми за Западен Балкан од 2024 до 2027 година како дел од Инструментот за реформи и раст за Западен Балкан, откако беше одобрен од Европскиот парламент на денешната пленарна седница.
„Инструментот е централен дел од планот за раст за Западен Балкан“, рече коизвестувачот Тонино Пицула на пленарната седница.
Станува збор за финансирање на шесте земји од Западен Балкан на нивниот пат кон Европската Унија. Во ноември минатата година, Европската комисија го претстави Инструментот за реформи и раст за Западен Балкан за периодот од 2024 до 2027 година, кој ќе вклучува две милијарди евра грантови и четири милијарди поволни заеми.
Известувачи во име на Европскиот парламент беа хрватските европратеници Тонино Пицула и Карло Реслер.
Пицула беше ко-известувач на ЕП пред Комитетот за надворешни работи (АФЕТ), а Реслер беше ко-известувач пред Комитетот за буџет (БУДГ).
Реслер изјави за новинската агенција „Хина“ дека тоа е инструмент споредлив со националните планови за закрепнување и отпорност, но за шест земји во Југоисточна Европа надвор од ЕУ. Тој посочи дека исплатата на средствата е поврзана со конкретни реформски активности.
Реслер апострофираше дека ќе се води сметка за усогласување на надворешната и безбедносната политика и визната политика со ЕУ.
Црна Гора и Србија со години преговараат со ЕУ, Албанија официјално ги отворија пред две години, а Македонија само делумно, со оглед на тоа што за целосен старт на преговорите неопходни се уставни измени за внесување на Бугарите во Уставот. Лидерите на земјите-членки на ЕУ во март донесоа одлука да ги отворат пристапните преговори со Босна и Херцеговина. Брисел сè уште го смета Косово за потенцијален кандидат.
Македонија
Бојмацалиев: МВР работи исклучиво по закон за фер, слободни и демократски избори
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Сашо Тасевски и државната секретарка Магдалена Несторовска го посетија Оперативниот Штаб во МВР во рамки на ОА „Претседателски и парламентарни избори 2024”, на кој присуствуваа и претставници на Амбасадата на Соединетите Американски Држави, ОБСЕ и ОДИХР.
Во оваа прилика Бојмацалиев ги поздрави гостите од САД, ОБСЕ и ОДИХР и уште еднаш потенцираше дека на колегите во Оперативниот Штаб им посочил да се работи исклучиво согласно законските норми и прописи, а со цел гарантирање на безбедноста на фер, слободни и демократски избори, впрочем како што се работело и досега од 2017 година навака, без забелешки за изборниот процес.
Притоа, Бојмацалиев беше брифиран за текот на изборниот процес, за активностите и мерките кои ги презема МВР во делокругот на своите надлежности.
„Бев информиран дека гласањето не беше започнато на неколку места во предвиденото вре,е, а на неколку е почнато со задоцнување или прекинато, на различни подрачја, сите поради технички проблем со читачот на отпечаток на прст. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор. На подрачје на СВР Куманово регистрирани се два настани и тоа пријава за организирано носење на гласање на стари лица и поставен штаб во близина на гласачко место. За време на предизборниот молк, во периодот од 06,00 до 07,00 часот, регистрирани се три настани на подрачје на СВР Скопје за испишани графити”, информираше Бојмацалиев.
Македонија
Приведен охриѓанец кој го фотографирал гласачкото ливче
Полицијата во Охрид го приведе А. И. (48) затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.