Македонија
М-р фарм. Славица Тодоровска од „Хемофарм“ порачува: Не смее да ве боли
Во 21 век секој пациент има право да ги минува деновите во мир, без болка, без разлика колку е тешка или напредната болеста.
Понекогаш болеста носи силна, долготрајна болка поради која се губи сонот, а животот се претвора во страдање. Ако болката трае подолго од три месеци, се нарекува хронична болка.
„Важноста на лекувањето на болката произлегува од фактот дека болката е најчеста причина за посета на лекар. Хроничната болка, која погодува околу 20 отсто од светската популација, се јавува кај голем број состојби, како што се ревматски и невролошки заболувања, дијабетес, СИДА, малигни заболувања и многу повеќе. Најчесто хроничната болка трае подолго од 6 месеци и не само што предизвикува физичко страдање и оштетување на физичкото здравје на пациентот туку има и негативно влијание врз психичкото здравје и квалитетот на животот“, објаснува м-р фарм. Славица Тодоровска, менаџер на „Хемофарм“ во Македонија.
Нашиот народ е навикнат долго време да страда од болки, а хроничната болка сè уште недоволно се лекува кај нас иако активно работиме на следење на современите трендови во терапијата со болка (на пример, во цела Србија се формирани клиники и кабинети за терапија на болка).
Во кои услови е неопходна терапија на болката?
„Секогаш кога има силна болка. Болката може да биде акутна или хронична. Акутна болка се јавува во случај на траума или по операција. Од друга страна, причините за хронична болка може да се разликуваат. Болката може да настане поради спазма на скелетните мускули, како, на пример, болка во вратот или грбот, а разликуваме и невропатска болка, болка како важен придружник на хронични, воспалителни и дегенеративни состојби, како во случајот со остеоартритисот. Третманот на болката од рак бара посебно внимание. Современата фармакотерапија на болката подразбира употреба на лекови што се карактеризираат со висок степен на ефикасност, со прифатлив безбедносен профил“, вели м-р фарм. Тодоровска.
Една од најчестите хронични болки е невропатската болка, која погодува околу 10 проценти од светската популација. Како се создава?
„Патофизиолошките механизми на нејзиното појавување се многубројни. Невропатската болка може да биде предизвикана од инфекции, како што е инфекција со херпес зостер, потоа исхемија кај пациенти со дијабетес кога се јавува болна дијабетична полиневропатија. Оваа болка може да биде предизвикана и од траума, оштетување на ‘рбетниот мозок, хируршки интервенции, невротоксини, зрачење, хемотерапија. Пациентите ја опишуваат како силна болка во вид на жарење, печење, трпнење“, објаснува нашата соговорничка.
Дали невропатската болка денеска поуспешно се лекува?
„Новите генерации лекови значително го олеснуваат лекувањето на невропатската болка дејствувајќи каузално и симптоматски. Еден од новите лекови за третман на умерени до тешки акутни и хронични болки е ‘тапентадол’, кој има нов начин на дејствување. Во споредба со другите опиоидни аналгетици, тој има помалку гастроинтестинални и ЦНС-несакани ефекти, така што неговиот безбедносен профил е висок. Пациентите, како и другите лекови, не смее да го земаат сами, туку само според упатствата и советите на лекарот.
Пациентот денес не смее да трпи болки. Тој има право деновите да ги минува во мир, а не во страдање“, нагласува м-р фарм. Славица Тодоровска од „Хемофарм“.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.
Македонија
Таравари: Ќе ја вратиме некогашната репутација на Куманово и Липково
Ќе ја вратиме некогашната репутација на Куманово и Липково. Ќе го поврземе Куманово со Гњилане и Прешево, ќе инвестираме во агробизнис, грантови и земјоделци Ќе ги поврземе Куманово со Гњилане и Прешево, ќе инвестираме повеќе во агробизнисот, во грантови за земјоделците и во економски развој за да ја вратиме некогашната репутација на земјоделството и производството на регионот на Липково и Куманово. Ова беа дел од пораките кои претседателскиот кандидат Арбен Таравари ги испрати вечерва од општина Липково. Оваа општина ја донесе ДУИ на власт а како награда добива само штета, неправда и лошо владеење.
„Наместо да се привилегира и развива овој регион кој некогаш важеше за кризен регион, лошото владеење на ДУИ го втурна во повеќекратни кризи. Економска и земјоделска криза, невработеност и миграциска криза, но и безбедносна криза и монтирани случаи. Никој повеќе од жителите на овој крај не ги почувствувал последиците од лошото владеење на ДУИ“, нагласи Таравари во својот говор.
Но, според него, оваа состојба ќе заврши со гласот на самите граѓани, кој ВРЕДИ и ќе ја донесе долгоочекуваната промена.
„Ќе донесеме повеќе правда, прво за политичките монтирани случаи, каде што ќе се заложиме за правда и обештетување за оние Албанци кои неправедно се држат во затвор. Никогаш не го забораваме војникот на слободата и жител на овој крај, Реџаил Ќерими, кој неправедно беше држен во затвор 13 години и почина во ќелијата кога отворено се знаеше дека нема врска со она за што го обвинуваа, изјави Таравари.
Меѓу другото, Таравари од Липково повтори дека со доаѓањето на ВРЕДИ на власт ќе се забрани коцкањето, а ќе се простат и долговите од фирмите за брзи кредити кои исто така рече дека ќе се затворат.
Македонија
Кои се седнатите на софра со најголемите криминалци од Грчец, Шиша бар, со оние од убиствата во Ханиоти, прашува Силјановска-Давкова
Ги нема сликите низ весниците кои се најдобар доказ, бидејќи сликите понекогаш повеќе кажуваат од зборовите, за тоа кој е кој во ова корупциско и криминално гнездо, вели професорката Горданa Силјановска -Давкова вечерва од Велес.
„Колку претседатели сте виделе, колку премиери сте виделе, колку министри за внатрешни работи сте виделе седнати на софра со најголемите криминалци од Грчец, Шиша бар, со оние од убиствата во Ханиоти? Може да се сликате со некого на улица, ама на софра да бидете тоа значи дека сте во спрега. Значи, во право е претседалот на ВМРО-ДМПНЕ кога вели дека, не само со чинење, не само со криминални активности, туку и со замижување пред криминалот и корупцијата вие сте соучесник во нив, посочи Силјановска Давкова и додаде:
„Во овие избори има нешто специфично, до ѕидот сме доведени. Вие заслужувате власт соодветна на вашето достоинство, власт од којашто нема да се плашите и срамите, туку ќе се гордеете“, порача вечерва од Свети Николе, кандидатката за претседател на државата, поддржана од ВМРО – ДПМНЕ и коалициските партнери