Македонија
Над една четвртина од вработените во МВР се жени
Последните податоци околу половата структура на МВР покажуваат дека над четвртина од вработените во институцијата се жени. Ова го истакна дополнителниот заменик на министер во институцијата, Славјанка Петровска во пресрет на Меѓународниот ден на жената на јавна дебата ,,Улогата на жената во безбедносниот систем“ што се одржа во Полициското одделение во Теарце.
Сепак како што кажа Петровска, по однос на систематизациската застапеност на овластени службени лица, полициски службеници, државни службеници и административен персонал се уште постојат евидентни разлики, независно што жените заземаат и некои од клучните позиции во управувањето со организициската структура на министерството.
„Не треба да се има дилема дека улогата на жената во полицијата и полициското работење е извонредно важна конечно женската популација, согласно квалификативите, но и благодарение на оној посебен сензибилитет и перцептивност , како препознатливи својства на женската популација, а особено важно во процесите на креирање и донесување одлуки претставуваат неспорен квалитет што мора да биде исползуван и којшто, бездруго, носи добар и посакуван резултат“, нагласи дополнителниот заменик министер Петровска.
Обраќање на оваа тема заедно со Петровска имаше и командирката на ова полициско одделение Мирсада Зеќири.
Зеќири изрази благодарност на целокупниот состав на полициското одделение и на раководството на МВР за поддршката и одличната соработка во работењето и ги охрабри колешките полициски службеници да го следат нејзиниот пример, да имаат верба во себе и своите квалитети.
„Улогата на жената е важна, жените кои работат во нашата полиција имаат неспорен квалитет и носат добри резултати“, истакна Зекири.
Петровска денеска ги посети и Граничниот премин Јажинце и Полициското одделение Јажинце, каде со полициските службеници од овие организациски единици разговараше за тековните активности, безбедносната состојба, како и престојните избори на 12 април.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Беќаровски навести дека си оди од Токсикологија: Дон Кихот конечно го напушта оклопот
Доктор Нико Беќаровски навести дека ќе си замине од Клиниката за Токсикологија.
Во статус на социјалните мрежи, Беќаровски порача дека е време на приватните клиники да се отвори Одделение за детоксикација и Клиничка токсикологија.
„35 години бев најголем борец за здрав јавен здравствен сектор. Дон Кохот конечно го напушта оклопот. Време е во некоја од приватните болници да се отвори Одделение за детоксикација и клиничка токсикологија. Бројот на консументи на психоактивни супстанции секојдневно расте“, пишува Беќаровски.
Ова се случува откако вчера на прес-конференција заедно со уште пет докторки од Стручниот колегиум на Клиниката за токсикологија јавно ја прозваа економската директорка на Клиниката за токсикологија Бесија Иљази, дека не дозволува вработување на двајца дипломирани биолози и еден болничар. Наместо, тоа, таа инсистира да се вработат осумнаесетмина на кои им истекле договорите за дело, а меѓу нив има лица кои немаат соодветно образование.
Беќаровски кој е раководител на Одделението за интензивна нега на Клиниката рече дека едниот од нив, болничар, вршел притисок врз лаборант- барал урина во која имало наркотици, да биде сменета со урина која е чиста, ама лаборантот не прифатил.
За образованието на Иљази, лекарите не знаат ништо, ниту за познавањето на јазици – со оглед на тоа што македонскиот не го зборува, а Беќаровски се обидел да комуницира со неа на англиски јазик.
Министерот за здравство Илир Демири најави разрешување на медицинскиот директор на Клиниката за токсикологија, д-р Данил Петровски, но не и економската директорка бидејќи немал сознанија за прекршок.
Македонија
Дожд и снег на повисоките места: ЦУК апелира на внимателност поради најавените метеоролошки промени
ЦУК апелира за внимателност заради најавените метеоролошки промени со дожд, со доумерен ветер и со снег на повисоките места.
Кога се оди со возило на планините е препорачливо да се има полн резервоар гориво и да се внимава на лизгавоста и проодноста на патот, велат од ЦУК.
„Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации“, се наведува во соопштението.
Истовремено, ЦУК информира дека е потребно и корисно да се следат препораките и информациите од медиумите за превенција, а и за реагирање при итни случаи.
„Во реонот на автопатот A2 Кичево-Охрид, што е во изградба, во период од 12 до 16 часот ако се слушнат силни детонации, граѓаните да не се вознемируваат, во повеќе наврати ќе се извршат минирања на теренот“, информираат од ЦУК.
Македонија
Странски новинари, преведувачи: вкупно 942 набљудувачи ќе ги следат претседателските избори
Вкупно 942 набљудувачи, странски новинари и преведувачи се акредитирани за следење на Претседателските избори на 24 април.
Како што е објавено на веб страницата на ДИК, заклучно до 19 април, акредитирани се 342 домашни и 568 странски набљудувачи и преведувачи, од кои најбројни се од ОБСЕ/ОДИХР.
Парламентраните избори во земјава ќе ги следат над 2000 домашни и странски набљудувачи.
Изборите за шеф на државата ќе ги следат и странски новинари.
Седмите претседателски избори во земјава ќе се одржат на 24 април, а евентуалниот втор круг заедно со парламентарните на 8 мај.