Македонија
На Кардиологија досега се изведени 100 ТАВИ-процедури
На УК Кардиологија досега се изведени стотина ТАВИ-процедури, едни од најкомплексните во интервентната кардиологија. Оваа нова метода опфаќа минимално инванзивна нехируршка имплантација на аортни залистоци, кај пацинети кои имаат стеснување на аортниот залисток. Министерот за здравство Венко Филипче денеска посети пациенти на клиниката кај кои е извршена методата ТАВИ, и за нивната здравствена состојба разговараше со стручниот тим која ја изведува методата д-р Зимбаков, д-р Бушљетиќ и неколку млади интервентни кардиолози кои се во фаза на интензивен тренинг.
Министерот Филипче и директорот на клиниката, Зимбаков, денеска разговараа и околу тоа што дополнително треба да се направи за доопремување на еден дел од клиниката за да се подобрат условите за пациентите.
-Изминатиов период клиниката доби опрема три ЕХО-апарати, бидејќи тие се дел од секојдневната рутина за работа на клиниката. Респираторни машини што досега ги немаше, специјален мобилен ангиограф, кој служи за една посебна метода за работа во сала за интервенции и во тек е и при крај е постапка со која ќе се набави опрема за воведување на нова метода за третман на срцевите аритмии, нешто што е навистина врвна метода насекаде во светот – истакна Филипче.
Министерот рече дека кардиолозите на клиниката по којзнае којпат покажуваат дека се стручни и спремни на пациенти да им пружаат врвна здравствена заштита. Се покажаа и како добри менаџери во делот на третман на пациентите со Ковид-19.
-Ковид-центарот е спремен, дополнително опремен, сите се надеваме дека нема да треба, но може во кој било момент да биде активиран тука да се третираат пациенти, додаде Филипче.
Директорот на клиниката, Жан Зимбаков, рече дека при примената на оваа метода кај пациентите со специјално дизајнирани жици се влегува со пункција, односно боцкање на пулмоналната артерија и се внесува валвулата.
-Оваа метода е неменета за пациенти со тешка аортна стеноза, тоа се тешки пациенти. Веќе можеме да кажеме дека рутински се работи. Тренд е во светот да се работат вакви интервенции и предноста е рана мобилизација на пациентите, односно раздвижување на пациенти коишто наредниот ден ги активираме условно кажано се враќаат во нормален режим на живот. Се работи без општа анестезија, значи само со блага седација кај пациентите со обезболување и нема потреба од отворање на градниот кош, односно екстра корпорална циркулација со што се намалува ризикот од компликации. Сите процедури до сега се успешно извршени, се надеваме дека понатаму трендот ќе биде таков ќе го задржиме и ќе се работат многу проекти – изјави денес директорот на Клиниката за кардиологија д-р Жан Зимбаков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонија денеска избира претседател: пет имиња се на гласачкото ливче
Во Северна Македонија ќе се одржат седмите претседателски избори, а до затворање на избирачките места во 19 часот, на сила е изборен молк.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Македонија
Променливо облачно и потопло со сончеви периоди
Времето денеска ќе биде променливо облачно и потопло со сончеви периоди. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец. Минималната температура ќе биде во интервал од 4 до 10, а максималната ќе достигне од 16 до 24 степени.
Во Скопје променливо облачно и потопло со сончеви периоди. Во делови од котлината ќе има услови за појава на краткотраен пороен дожд со ретки грмежи. Ќе дува слаб до умерен променлив ветер. Минималната температура ќе се спушти до 6, а максималната ќе достигне до 22 степена.
Во четврток ќе се задржи променливо облачно време со повремени врнежи од дожд. Локално врнежите ќе бидат поројни, проследени со појава на грмежи, а на повисоките планини ќе преминуваат во повремен слаб снег. Од петок следува период на претежно стабилно и потопло време.