Македонија
Недостиг на витамин Д – причина за многу здравствени нарушувања
Витаминот Д е особено важен витамин, кој има силно влијание врз многубројни витални функции на човековиот организам: го регулира метаболизмот на калциумот и фосфатите, ја поттикнува минерализацијата на коските и ја подобрува нивната отпорност. Затоа е од клучно значење за развојот и обновувањето на коските и забите, како и за подобра функција на имунолошкиот систем.
Витаминот Д е единствениот витамин што телото може само да го произведе бидејќи се создава во кожата под дејство на сончевите зраци. Присутен и во одредени продукти, како што се мрсната риба, некои млечни производи, но преку нив е тешко да се внесе потребното количество.
Умерениот недостиг на витамин Д може да резултира со појава на хроничен замор, мускулна слабост, депресија, кршливи коски, главоболка и дигестивни проблеми. Истражувањата покажуваат дека недостигот на витамин Д може да предизвика и алергиски реакции бидејќи ако неговото ниво во огранизмот е ниско, го ослабува имунитетот.
Недостигот на витамин Д може да предизвика развој на многу болести, како што се болестите на срцето и крвните садови, дијабетес тип 2, автоимуни заболувања, астма, ревматоиден артритис, мултиплекс склероза и карциноми.
Кај доенчињата и малите деца недостигот на витамин Д може да предизвика рахитис, болест на коските за која е карактеристично омекнување на коскеното ткиво.
Лицата постари од 65 години, бремените жени, луѓето со темен тен, пушачите и луѓето со прекумерна телесна тежина се дел од ризичните групи кај кои е зголемена можноста за недостиг на витамин Д.
Современиот начин на живеење дополнително го зголемува ризикот за недостиг на витамин Д. Реткото изложување на сонце и работата во затворени простории ја попречуваат синтезата на витамин Д во доволни количини во организмот.
За спречување недостиг на витамин Д, доволно е да земате 1 таблета дневно на витамин Д3 на „Крка“, достапен во форма на таблети што содржат 1.000 IE (25 µg/l) холекалциферол (витамин Д3). Има пријатен, неутрален вкус и не содржи конзерванси, бои, ароми и глутен.
Значајна предност на овој лек е високата стабилност, што е од особено значење бидејќи активната состојка е исклучително чувствителна на надворешни фактори, како светлина, влага, кислород и висока температура. Повеќе за производот може да прочитате на: www.vitamind3krka.mk
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одѕивот до 15 часот е 35,89 отсто, најмалку гласале во Центар Жупа, а најмногу во Новаци
До 15 часот до Државната изборна комисија пристигнати се податоци за излезеност на гласачите од 2110 избирачки места.
Од вкупно запишани 1.092 341 гласачи на овие избирачки места, гласале 392 066 односно 35,89 проценти.
Според податоците за излезеност кои што се пристигнати досега, најголема излезенот е забележана во Новаци со 57,69% додека најмала е излезеноста во Центар Жупа, 13,11%.
Гласањето досега се одвива мирно на сите избирачки места.
До овој момент до ДИК се доставени вкупно 233 приговори за заштита на личното избирачко право. Од нив 38 приговори се усвоени и на избирачите им е овозможено да го остварат своето право на глас, 21 приговори се отфрлени како неуредни а 22 приговори се одбиени. Останатите приговори се во обработка.
На страната rezultati.sec.mk може да се следи во живо излезноста на гласачите, вкупна и по општини.
Македонија
ЕУ ќе му даде на Западен Балкан помош од две милијарди евра до 2027 година
ЕУ ќе додели две милијарди eвра грантови и четири милијарди поволни заеми за Западен Балкан од 2024 до 2027 година како дел од Инструментот за реформи и раст за Западен Балкан откога беше одобрен од Европскиот парламент на денешната пленарна седница.
„Инструментот е централен дел од планот за раст за Западен Балкан“, рече коизвестувачот Тонино Пицула на пленарната седница.
Станува збор за финансирање на шесте земји од Западен Балкан на нивниот пат кон Европската Унија. Во ноември минатата година Европската комисија го претстави Инструментот за реформи и раст за Западен Балкан за периодот од 2024 до 2027 година, кој ќе вклучува две милијарди евра грантови и четири милијарди поволни заеми.
Известувачи во име на Европскиот парламент беа хрватските европратеници Тонино Пицула и Карло Реслер.
Пицула беше коизвестувач на ЕП пред Комитетот за надворешни работи (АФЕТ), а Реслер беше коизвестувач пред Комитетот за буџет (БУДГ).
Реслер за новинската агенција „Хина“ изјави дека тоа е инструмент споредлив со националните планови за закрепнување и отпорност, но за шест земји во Југоисточна Европа надвор од ЕУ. Тој посочи дека исплатата на средствата е поврзана со конкретни реформски активности.
Реслер апострофира дека ќе се води сметка за усогласување на надворешната и безбедносната политика и визната политика со ЕУ.
Црна Гора и Србија со години преговараат со ЕУ, Албанија официјално ги отвори пред две години, а Македонија само делумно, со оглед на тоа што за целосен почеток на преговорите неопходни се уставни измени за внесување на Бугарите во Уставот. Лидерите на земјите членки на ЕУ во март донесоа одлука да ги отворат пристапните преговори со Босна и Херцеговина. Брисел сè уште го смета Косово за потенцијален кандидат.
Македонија
Бојмацалиев: МВР работи исклучиво по закон за фер, слободни и демократски избори
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Сашо Тасевски и државната секретарка Магдалена Несторовска го посетија Оперативниот Штаб во МВР во рамки на ОА „Претседателски и парламентарни избори 2024”, на кој присуствуваа и претставници на Амбасадата на Соединетите Американски Држави, ОБСЕ и ОДИХР.
Во оваа прилика Бојмацалиев ги поздрави гостите од САД, ОБСЕ и ОДИХР и уште еднаш потенцираше дека на колегите во Оперативниот Штаб им посочил да се работи исклучиво согласно законските норми и прописи, а со цел гарантирање на безбедноста на фер, слободни и демократски избори, впрочем како што се работело и досега од 2017 година навака, без забелешки за изборниот процес.
Притоа, Бојмацалиев беше брифиран за текот на изборниот процес, за активностите и мерките кои ги презема МВР во делокругот на своите надлежности.
„Бев информиран дека гласањето не беше започнато на неколку места во предвиденото вре,е, а на неколку е почнато со задоцнување или прекинато, на различни подрачја, сите поради технички проблем со читачот на отпечаток на прст. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор. На подрачје на СВР Куманово регистрирани се два настани и тоа пријава за организирано носење на гласање на стари лица и поставен штаб во близина на гласачко место. За време на предизборниот молк, во периодот од 06,00 до 07,00 часот, регистрирани се три настани на подрачје на СВР Скопје за испишани графити”, информираше Бојмацалиев.