Македонија
Нема промена на бугарската позиција за Северна Македонија, рече Стоев на средбата со Вархеји
Нема промена во позицијата на Бугарија во однос на Северна Македонија. Ова го изјави техничкиот министер за надворешни работи на Бугарија, Светлан Стоев, кој денеска се состана со министерот за надворешни работи на Португалија, Августо Сантос Силва, и комесарот за соседство и проширување на Унијата, Оливер Вархели, јави БГНЕС
„Бугарија продолжува да биде доследна во поддршката за европската интеграција на земјите од Западен Балкан, истовремено почитувајќи го критериумот за индивидуалните достигнувања на секоја земја и почитувајќи ги основните вредности на заедницата како добрососедство. Ние сме отворени за одговорен, отворен и полноправен дијалог со Северна Македонија. Очекуваме нашите најблиски соседи во регионот да работат во духот на искреност и конструктивност. Не може да се очекува промена во националната позиција на Бугарија во однос на Северна Македонија“, рече министерот Стоев.
Тој изрази подготвеност да се сретне со неговиот македонски колега Бујар Османи за да разговара за иницијативите што може да ги преземе кабинетот.
„За нас одржувањето на добрососедските односи и добивањето на потребните гаранции за спроведување на Договорот од 2017 година е од клучно значење“, истакна министерот и додаде: „Ние продолжуваме да правиме напори за враќање на довербата во нашите односи со Северна Македонија“.
„Нашата цел е да преземеме конкретни чекори за враќање на дијалогот со Скопје, вклучително и на највисоко ниво, што ќе обезбеди основа за идната влада да ги врати нашите односи на нивото што треба да поврзе две толку блиски земји“, рече Стоев.
Како заклучок, министерот за надворешни работи изјави дека се надева оти напорите и добронамерниот пристап на Бугарија конечно ќе бидат ценети од Северна Македонија и дека ќе се работи на изнаоѓање одржливо и трајно решение за отворените прашања во односите.
Процесот на проширување е исто така еден од приоритетите на Португалија. Ова го изјави португалскиот министер за надворешни работи Аугусто Сантос Силва, додавајќи дека тој се потпира на поддршката на Европската комисија, со која Лисабон работи тесно.
Тој истакна два процеса на проширување: започнување на меѓувладини конференции со Србија и Црна Гора и одобрување рамка за преговори со Северна Македонија и Албанија.
„За двата процеса беше многу важно да ги слушнеме бугарските предлози, иницијативи и грижи. Ние тоа го правиме преку соодветни дипломатски и политички канали и веќе е направено многу. Затоа сега е време да се остварат директни политички консултации со Бугарија и тие ќе бидат од големо значење за тековниот процес и многу важни за португалското претседателство“, рече Силва.
Комесарот на ЕУ, Оливер Вархели, рече дека секогаш е многу важно да се слушнат земјите членки за прашањата за проширувањето на Унијата.
„Бугарија е водечка земја членка во однос на развивањето на нашата политика за Западен Балкан. Затоа секогаш вреди да се доаѓа овде за да добиете идеи и да се консултирате “, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите ги смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.
Македонија
ДИК: Сиљановска Давкова освои 324 177, Пендаровски 161 393 гласа по обработени 89,97 отсто
Стево Пендаровски освои 161 393 гласа, 19,90 отсто, Гордана Сиљановска Давкова 324 177 односно 39,97 отсто од гласовите, Стевчо Јакимовски освои 7.499 односно 0,92 отсто од вкупниот број на гласовите.
Кандидатот Бујар Османи освои 110 903, односно 13, 68 отсто, Билјана Ванковска 35.949 односно 4,43 отсто од гласовите, Арбен Таравари 78.110 илјади односно 9,63 отсто, Максим Димитриевски 70,996, односно 8,75 отсто од гласовите се резултатите од обработените 89,97 отсто од гласовите, извести претседателот на Државната изборна комисија, Александар Даштевски.
Тој додаде дека изборниот процес поминал мирно и достоинствено и смета дека 99 отсто работите поминале како што треба.
Македонија
Касами: Добитници на овие избори сме ние, ДУИ има купено гласови
„Влен“ е легитимен претставник на Албанците и ги доби гласовите на Албанците, изјави Билал Касами на прес конференција.
„Добитници на овие избори сме ние, коалицијата „Влен“. ДУИ има купено гласови од загрозените гласачи кои имаат потреби од пари. „Влен“ ги доби гласовите на Албанците, вели Касами.
„ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност, еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.
Тој се заблагодари на сите што го гласаа кандидатот Арбен Таравари и додаде дека ДУИ има изгубено гласови од помалите етнички заедници и од загрозените граѓани.
Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.