Македонија
Новороденчето од Украина пристигнува на Табановце – Украина ја напуштаат 43 Македонци
За некој час на граничниот премин Табановце ќе пристигне група Македонци со семејствата од Украина меѓу кои е и семејството со новороденчето кое не можело да одговори на повиците за евакуација поради породувањето, соопшти министерот за надворешни работи, Бујар Османи. Оваа група е дел од вкупно 43 Македонци кои се во активна евакуација.
„ По инвазијата 43 наши граѓани се во активна евакуација, ги напуштиле своите живеалишта и се на пат да излезат од Украина. Од нив 25 се надвор од Украина, во околните земји, Полска, Молдавија, Романија, Чешка и така натаму, додека 18 сè уште се во Украина, меѓутоа патуваат кон границата на Украина со соседните земји и се во безбедни конвои. 38 граѓани се сè уште во нивните живеалишта во Украина, 11 се во Киев, 7 се во Запорожје и 2 се по други градови во Украина. Од овие 38 дел се наши дел се украински државјани. Има дел наши граѓани кои и покрај тоа што излегоа од Украина и се Полска, решија да останат таму за при прва пригода повторно да се вратат во Украина бидејќи не сакаат да се оддалечат од нивните живеалишта. Има граѓани кои тука веќе немаат ништо освен државјанството. Дел од нив не ги напуштија живеалиштата во Украина, а дел останаа во соседните земји“, вели министерот Османи.
Минатата недела во Украина се врати македонскиот амбасадор, кој беше меѓу првите евакуирани поради загрозената безбедност. Сега ќе работи во романскиот конзулат во Украина, од каде ќе помага за евакуација на Македонци.
„Минатата недела одлучивме да испратиме дипломатска мисија во Украина со цел да помогнат, односно да ја олеснат евакуацијата на нашите граѓани. Во состав на делегацијата се нашиот амбасадор во Украина, искусен конзуларец и локалец, Украинка која беше евакуирана во Скопје заедно со вработените во нашата амбасада. Тие се вратија и се наоѓаат во моментов во романскиот конзулат во Украина и помагаат во олеснување на евакуацијата. Во овој процес на евакуација е вклучен цел тим овде во Министерството за надворешни работи, нашата амбасада во Букурешт, нашата амбасада во Варшава, нашите почесни конзули исто така ги ангажиравме да помогнат, да олеснат“, рече министерот Османи.
Министерството за надворешни работи од почетокот на кризата во Украина мапирало 120 Македонци со семејствата, од кои дваесетмина се вратија пред почетокот на инвазијата на 24 февруари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонски концепт: Ја поздравуваме одлуката на кандидатот Пендаровски да го истрча и вториот круг
Колку беше важна победата на кандидатката Гордана Силјановска Давкова во првиот круг, толку е важна одлуката на кандидатот Стево Пендаровски да го истрча и вториот круг и да не ги бојкотира претседателските избори, велат од Македонски концепт.
„Бојкот никогаш не бил решение, ниту на Референдуми, ниту на Попис на население, ниту пак на Избори. Мора да се почитува волјата на народот и да биде мирно предадена власта на победничката Коалиција „Твоја Македонија“, предводена од ВМРО ДПМНЕ, а чиј дел е и нашата партија Македонски Концепт.
Партијата Македонски Концепт честита на огромното водство на кандидатката Гордана Силјановска Давкова, што е резултат на нашите политики за обединување на опозицијата, нешто што го депласираше и детронизирање ДУИ и нивните сдса измеќари, а со цел уште поголема победа во вториот круг на 8ми Мај, повикуваме на уште поголемо обединување и окрупнување на Коалицијата „Твоја Македонија“ со останати добронамерни политички партии и членови и симпатизери на останати партии, чии водства се платеници на ДУИ, но нивните поддржувачи се искрени Македонци и искрено се радуваат на оваа голема македонска победа.
Македонски Концепт го реафирмира својот став за граѓански концепт на Уставот на државата и ги повикува сите македонски граѓани, без разлика на етничка, верска, партиска или друга припадност, да се вклучите во нашите активности и на 8ми Мај да дадете поддршка на Коалицијата „Твоја Македонија“ и број 2 на гласачкото ливче и за претседателски и за парламентарни избори“, велат од партијата.
Македонија
ВМРО-ДПМНЕ: Народот избра промени, да излеземе уште помасовно на 8. мај
Огромната поддршка обврзува за промени и брзи резултати, да излеземе уште помасовно на 8-ми мај, а потоа следува економска трансформација на Македонија, порача ВМРО-ДПМНЕ по првиот круг од претседателските избори.
„Народот избра промени. Македонија повторно ќе биде горда и твоја.
Огромната поддршка на народот обврзува за промени и брзи резултати, работата не е завршена, црвениот картон граѓаните ќе го дадат на 8-ми мај.
На 8-ми мај СДС ќе доживеат уште поголем пораз, затоа што народот сака промени, и просперитет за Македонија.
ВМРО-ДПМНЕ се обврзува на напорна работа и експресни резултати по 8-ми мај, народот мора брзо да ги почувствува промените и Македонија да тргне напред.
По 8-ми мај Македонија ќе тргне по патот на економска обнова, поголеми плати и пензии, развиена инфраструктура, квалитетно образование, здравство какво што заслужува секој човек. По 8-ми мај следува економска трансформација на Македонија.
Ги повикуваме граѓаните уште помасовно да излезат во вториот круг и да ги потврдиме промените. Народот ќе си ја врати Македонија.
Македонија повторно твоја“, се вели во соопштението на ВМРО-ДПМНЕ.
Македонија
Силјановска убедливо пред Пендаровски во првиот круг со 40 наспроти 19,93 отсто од гласовите
Кандидатката за претседател поддржана од ВМРО-ДПМНЕ и коалицијата, Гордана Силјановска со убедливо водство влегува во вториот круг од претседателските избори, каде како и во 2019 година ќе се соочи со нејзиниот опонент Стево Пендаровски.
Според пребројани 99,85 отсто од гласовите, Силјановска освои 362.682 гласа, или 40,08 отсто, додека Пендаровски првиот изборен круг го завршува со 180.306 гласа, односно 19,93 отсто.
Зад нив е Бујар Османи од Европскиот фронт со освоени 120.903 гласа (13,36 отсто), потоа Максим Димириевски од ЗНАМ со 83.787 гласа (9,26 отсто), Арвен Таравари од ВРЕДИ со 83.356 гласови (9,21 отсто). Следна е Билјана Ванковска од Левица со освоени 41.172 гласа (4,55 отсто) и Стевчо Јакимовски од ГРОМ со 0,90 отсто, односно 8.103 гласови.
Вториот круг од претседателските избори ќе се одржи на 8 мај, заедно со парламентарните.