Македонија
НСДП избра шеф на изборниот штаб
Централниот одбор на НСДП денес во Скопје одржа редовна седница на која се разговараше за подготовка на партијата за претстојните предвремени парламентарни избори кои ќе се одржат на 12 април во 2020 година. Со одлука на Централниот одбор се формираше Централен изборен штаб, со кој ќе раководи генералниот секретар на партијата Кристијан Трајковски.
Со тимот што ќе ја подготви Изборната програма ќе раководи претседателот на партијата Тито Петковски.
Во поглед на ново настаната политичка ситуација поврзана со интегративните процеси на земјата во ЕУ и ставовите на Франција во однос на европските перпективи на земјите од Западен Блакан, Централниот одбор на партијата ја афирмира потребата од постигнување на надпартиска сплотеност помеѓу сите политички чинители во земјава, пред се на парламентарните партии, во обезбедувањето на позитивна политичка клима која ќе ја олесни реализацијата на стратешката определба за полноправно членство во Европската унија.
„Во оваа насока, НСДП е на став парламентарните политички партии да демонстрираат јасна политичка волја Собраните на Република Северна Македонија, до своето распуштање во пресрет на предвремените парламентарни избори, да го донесе новиот закон за јавно обвинителство и да се одблокира работата на Комисијата за избори и именувања, со цел овозможување на функционирање на регулаторните тела кои се во нејзина надлежност.
Ценејќи го надворешно-политичкиот контекст на земјата, во кој не по своја волја и заслуга се најде Северна Македонија, НСДП ги повикува парламентарните политички партии да посветат повеќе внимание и да се вклучат во зајакнување и развивање на дипломатската активност на Собранието на Република Северна Македонија, со посебен фокус на унапредување на надворешно-политичките односи кои ги имаме со Франција“, соопштија од партијата.
На седницата на Централниот одбор уште еднаш се потврди ставот дека потребна е промена на постоечкиот пропорционален изборен модел со шест изборни единици.
„НСДП дава поддршка на промена на изборниот модел за избор на пратеници во Собранието на Република Северна Македонија во насока на пропорционален изборен модел со една изборна единица, без изборен праг“, се наведува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тренчевска: Најемотивна сум кога зборувам со пензионерите, креаторите на државата денес
Коносителката на листата за пратеници на Изборна единица 4 од Социјалдемократскиот сојуз на Македонија, Јованка Тренчевска денес им се обрати на пензионерите во Општина Струмица и ја објасни изборната програма на која според неа столб е грижата за пензионерите.
„Да се потсетиме на се она што го имаме направено за вас пензионерите и да ве информираме за се она кое се обврзуваме како партија во наредниот период. Како помлади генерации сме обврзани да ви обезбедиме спокојни пензионерски денови, затоа во изминатиот период ја донесовме методологијата со која гарантираме постојан раст на пензиите. Пред нашиот мандат најниската пензија која изнесуваше околу 8000 денари, денес е покачена на скоро 14.000 денари“ изјави Тренчевска.
Таа посочи дека покрај континуираното покачување на пензиите продолжува да се исплаќа и финансиската поддршка која е директно на терет на буџетот на Министерството за труд и социјална политика и дека истата не ја загрозува исплата на пензиите.
„Најголем дел од вас се сеќаваат дека ги добивавте пензиите во 6 групи на пензионери, затоа што системот на пензиско и инвалидско осигурување на бил стабилен. Денес сите вие секој први во месецот пензиите ги имате на вашите сметки, системот е стабилен и гарантира долгорочна сигурност“ истакна Тренчевска.
Таа рече дека никогаш повеќе нема да дозволи фондот да биде нестабилен, затоа што сите предвидени мерки и политики кои се предвидуваат не се на терет на фондот, туку ќе бидат на централниот буџет.
„Се обврзуваме на минимална пензија од 20.000 денари и просечна пензија од 30.000 денари. Воведуваме новогодишен пакет за секој пензионер во висина од 6000 денари како, картичка за пензионерите со попуст од 30% на прехранбени производи како и изградба на најмалку 12 нови домови за стари лица“ рече Тренчевска.
Македонија
Костадиновска-Стојчевска: Како што ветив, платите се за 12% повисоки за културните работници
Вработените во култура ја добија мартовската плата покачена за 12 проценти. Министерката за култура, Бисера Костадиновска-Стојчевска изјави дека со тоа, таа го исполни своето ветување.
„Како што ветив, платите на културните работници од денеска се покачени за 12 проценти.
Овааа Влада предводена од СДСМ се грижи подеднакво за сите. Од 2019 година до денес, покачувањето на платите во Секторот култура се искачи на 52 отсто, со потпишувањето на Колективниот договор“, изјави министерката за култура.
Костадиновска-Стојчевска додаде дека веќе две години се бори за повисоки плати за вработените во културата и успехот не може никој да го порекне. Платите пораснаа и повторно ќе растат.
„Не постои ниту еден чинител кој е против повисоки плати, особено кога Законот за кој оваа Влада се избори е на страната на културните работници“, вели министерката.
Таа, како предизборна игранка и манипулација ги оцени реакциите и протестите на СКРМ.
Вчерашниот состанок во Министерство за финансии, вели министерката за култура, „не беше свикан со намерата која Синдикатот за култура им ја презентираше на своите членови, нути пак за некаква игра, денес тоа се докажа“.
Пред две недели од Министерството за култура кажаа дека нема промени во општиот колективен договор, ниту во колективниот договор на Синдикатот за култура. Единствена промена била внесувањето на минималната плата во диспозитивот на договорот.
Македонија
Спасовски: Минимална пензија од 20.000 денари и просечна пензија од 30.000 денари
Носителот на листа на кандидати за пратеници од Изборна единица 2, предводена од СДСМ и Коалицијата за европска иднина, Оливер Спасовски, оствари средба со пензионерите од Куманово.
„Во спектарот на еднаквите можности за сите е и грижата за нашите највозрасни граѓани – пензионерите. Токму затоа, не се откажуваме! Продолжуваме со подобрување на животниот стандард на пензионерите. Во следниот мандат предвидуваме минимална пензија од 20.000 денари и просечна пензија од 30.000 денари. СДСМ и коалицијата “За европска иднина” продолжуваат да вложуваат на вистинскиот пат, патот кон Европа каде нашата земја ќе продолжи да се развива со нови работни места, повисоки плати, повисоки пензии и подобар животен стандард за сите”, истакна Спасовски.