Македонија
Одбележување на Светскиот ден на храната – 821 милион луѓе во светот гладуваат
Денеска, со почеток во 10:30 часот, во ООУ ,,Аврам Писевски”, село Бардовци, Скопје, Организацијата за храна и земјоделство на Обединетите нации (ФАО) и Министерството за земјоделство, шумарство и водостопанство, заедно со ООУ „Аврам Писевски” и граѓанските организации ,,Слоу фуд Водно” и „Ајде Македонија” ќе го одбележат Светскиот ден на храната, под мотото „Нашите дејствија се наша иднина. Свет без глад до 2020 година е возможен”.
Секоја година на 16 октомври го славиме Светскиот ден на храната и се фокусираме на тема што е во сржта на работата на ФАО и претставува клучно прашање што влијае на нашиот свет. Темата за оваа година е посветена на Целта за одржлив развој 2 – Свет без блад (Zero Hunger), коja не само што се фокусира на искоренување на гладот во светот, туку и на постигнување подобрена исхрана и одржливо земјоделство.
Настанот во Скопје оваа година се фокусира на младите генерации, т.е. потребата од заеднички напори во градење на генерацијата на свет без глад (или Zero Hunger Generation). Децата и младите се дел од генерацијата што може да го искорени гладот од планетата. Тие можат да научат како со менување на едноставни секојдневни навики можат да се хранат поздраво, да го намалат отпадот, паметно да ги користат природните ресурси и да водат поодржлив животен стил.
,,Со промоција на новата училишна градина во ООУ ‘,Аврам Писевски’, с. Бардовци, Скопје имаме за цел да ја подигнеме јавната свест и поддршката за училишни градини како ефективен концепт за практична едукација кој може да помогне да се зголемат знаењето, љубовта и почитта на младите генерации кон производството на храна и здравата исхрана, со посветеност кон животната средина и грижа за заедницата”, се вели во соопштението.
По период на намалување, светскиот глад е повторно во пораст. Според последниот извештај на ФАО, денес преку 821 милиони луѓе страдаат од хронична неисхранетост. Конфликти, екстремни климатски настани и економска стагнација го враќаат назад напредокот направен во борбата против гладот во светот, а истовремено растат нивоата на прекумерна тежина и угоеност. Светот може да постигне свет без глад – искоренување на гладот и неисхранетоста – доколку државите, претпријатијата, мултинационалните корпорации, фармерите, производителите на храна преземат низа активности.
• Светот произведува доволно храна за да ги нахрани сите, а, сепак, околу 821 милиони луѓе страдаат од глад. Тоа е еден од девет луѓе. 60% од нив се жени.
• Околу 80% од екстремно сиромашните во светот живеат во рурални средини. Повеќето од нив зависат од земјоделството. Ова значи дека треба да работиме на развој на земјоделскиот сектор и обезбедување подобри можности за земјоделците.
• Гладот убива повеќе луѓе на годишно ниво отколку маларијата, туберкулозата и сидата заедно.
• Околу 45% од смртните случаи кај новороденчињата се поврзани со неисхранетост. Гладувањето и понатаму е секојдневие за 155 милиони деца на возраст под пет години, што го зголемува ризикот од болести, предвремена смрт и забавен ментален развој.
• 1,9 милијарди луѓе – повеќе од една четвртина од светското население – се со прекумерна тежина. 600 милиони од нив се дебели и дебелината е се позастапена насекаде со забрзано темпо.
• ФАО проценува дека земјоделското производство мора да се зголеми за околу 60% до 2050 година, со цел да се нахрани побројното и генерално побогатото население во иднина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари од централниот митинг во Струга: Зголемување на минималната плата до 800 евра за борба против имиграцијата
Кандидатот за претседател од редовите на ВЛЕН, Арбен Таравари, ја изрази својата заложба за борба против имиграцијата преку зголемување на минималната плата во нашата земја. Во рамките на идната влада се планира зголемување на платите и до 800 евра, со што ќе се создадат нови можности младите мажи и жени да останат и да придонесат за развојот на државата.
Преку грантови за технологија и иновации, Таравари рече дека владата има за цел да ги поддржи нивните креативни идеи, фокусирајќи се на развојот на земјата како атрактивна алтернатива за младите.
„Иселувањето кај нас е над секоја норма, бројките се алармантни. Не можеме да останеме рамнодушни на оваа ситуација. Така како следна влада на ВЛЕН ќе донесеме одлука за покачување на платите. Ќе се заложиме минималната плата до крајот на нашиот прв владејачки мандат да биде 800 евра. Преку грантови за технологија и иновации, ќе ги поддржиме младите мажи и жени со нивните креативни идеи, кои првенствено служат за нашиот развој како држава. Ова ќе биде дополнителна причина да ја гледаат иднината овде со нас, недалеку од нивните домови, недалеку од нивниот роден град“, рече Арбен Таравари на централниот митинг во Струга.
Македонија
(Видео) Силјановска -Давкова: На 9 мај ќе го славиме Денот на победата над фашизмот и Денот на Европа, но ќе славиме и за Македонија
„На 9-ти мај ќе го прославуваме Денот на победата над фашизмот и Денот на Европа! На 9-ти мај, ќе ја славиме Македонија како твоја и Македонија како горда! Ви ветуваме дека ќе докажеме дека нема да ве срамиме, дека нема да ги заборавиме државните и нациолнални интереси, кои тие не само што ги заборавија, туку и ги погазија! Молам за доверба!“, рече Горданa Силјановска -Давкова, кандидат за претседател на Македонија.
„Верувајте ми, има моменти во историјата! А таков е овој, кога мора да сме заедно! Кога како никогаш досега, потребна ни е вашата поддршка! Без вас не може да направиме единство! Без вас Македонија не може да биде ниту твоја, ниту горда! Без вас не може да дојдеме до победа! Вие го имате првиот и последниот збор! Ви веруваме!
Денес е Денот на светското културно наследство. Охрид е незаменлив и ценет, драгоцен дел од него. Охрид е споменик и дом на европското христијанство! Да го чуваме! Не заборавајте: Без Охрид, Македонија нема да биде почитувана!
Час поскоро, активирајте го универизтетот на Плаошник! Оваа власт не знае што е култура, за неа културата е бизнис. Ако започна изградбата во времето на ВМРО-ДПМНЕ, мора да доврши.
Во насока на јакнење на културниот туризам ќе покренам организирање на меѓународен форум – Плаошник форум, на кој ќе се дискутира соработката на цивилизациите, религиите и културите. Сето ова во соработка со УНЕСКО и Министерството за култура! Упатувам порака дека: Плаошник може да биде центар на дијалог на цивилизациите! Дијалог на религиите! Центар на културен дијалог! Затоа сум горда на него!“, додаде Горданa Силјановска -Давкова.
Македонија
Мицкоски: Повикувам на обезбедување на македонско национално единство, обзнанувам мораториум и запирање на сите напади кон партиите Левица и ЗНАМ
Нашето име е ВМРО-ДПМНЕ, ВМРО – демократска партија за македонско национално единство. Тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе, рече претседателот на ВМРО-ДПМНЕ, Христијан Мицкоски од големиот народен митинг во Охрид, од каде што традиционално ВМРО-ДПМНЕ ја почнува кампањата за парламентарните избори.
Мицкоски посочи дека долго време таа обврска и одговорност како да се одбегнуваше, а понекогаш и се занемаруваше и никогаш како сега не било важно како сега да се случи обединување, да се обезбеди национално единство.
„Мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум во нападите кон партиите Левица и ЗНАМ. Ова го чувствувам како потреба на македонскиот народ но, и како моја обврска да се обидам да ја реализирам идејата за национално единство во моменти кога таа и е најпотребна на Македонија“, рече Мицкоски.
Додаде дека со Левица и ЗНАМ, ВМРО-ДПМНЕ има свои разлики по повеќе прашања и од идеолошка но и од принципиелна природа, но смета дека во моментов, најважно за Македонија е да се фокусираат на оние кои што ја киднапираа државата од граѓаните.
„Но, ценам дека во моментов најклучно за иднината на земјата е да се фокусираме на оние кои ја киднапираа Македонија од рацете на граѓаните. Разидувањата сигурно ќе продолжат, но мора да наоѓаме заеднички јазик без разлика на лични и партиски суети и интереси. Од нив не очекувам да го направат истото. Дури можеби и ќе ме нападнат за овој гест, можеби некои оправдано ќе кажат дека задоцнет, но и покрај тоа, како и да се однесуваат споменатите партии, ние како партија ќе опстоиме на нашиот збор“, порача Мицкоски.