Македонија
(Видео) Од возачот се очекуваат клучни информации за несреќата, пуштен е на домашно лекување
Седуммина од патниците што се хоспитализирани во Скопје сѐ уште се во критична и тешка состојба.
„Се надевам дека овие седум луѓе ќе ја надминат кризата“, изјави премиерот Зоран Заев по посетата на повредените во Градската општа болница „8 Септември“. Тој потенцира дека бројот на жртвите до синоќешната сообраќајна несреќа на патот Скопје-Тетово е 14 лица.
Според министерот за здравство, Венко Филипче, во Градската општа болница синоќа биле примени 37 пациенти, 8 во Клиничкиот центар, двајца во тетовската болница и еден на Универзитетската клиника за хируршки болести „Св. Наум Охридски“. Од нив четворица се оперирани.
И возачот бил примен во болница, но, како што информира Филипче, му биле констатирани лесни телесни повреди и бил пуштен на домашно лекување. Обвинителот е во постојан контакт со него и се надеваат дека тој ќе даде клучни информации како настанала несреќата. Меѓу повредените во Градска има 19-годишно девојче, како и портпарол на ЕВН.
Премиерот и министерот за здравство се надеваат дека сите повредени ќе бидат добро.
Заев, Филипче и вицепремиерот Бујар Османи, кои ги посетија повредените во Градската општа болница „8 Септември“, изразија благодарност до сите служби за брзата реакција.
Посебна благодарност премиерот упати кон жителите на селото Ласкарци, кои први излегле на местото на несреќата за покажаната човечност и големина, што за многумина било од пресудно значење за спасувањето на животите.
„Сакам да потенцирам дека нашиот фокус е помош на повредените, како и помош на семејствата на загинатите“, рече премиерот.
Повеќемина од пациентите биле донесени во Градската општа болница, каде што вработените реагирале максимално професионално и брзо, но ја истакна и помошта добиена од приватните болници, кои исто така помагале во прифаќањето на пациентите.
Тие апелираат до семејствата да бидат смирени и дека ќе ги добијат сите потребни информации за повредените. Во болниците се назначени лица за контакт со нив. Потенцираат дека имало тешкотии само при идентификувањето на починатите, а за сите други е познат идентитетот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош Стевчо Јакимовски, на вчерашниот прв круг од претседателските избори освои само 8.103 гласови односно 0,90%. Тоа е помалку од бројот на собрани потписи за претседателска кандидатура, зад која му се потпишаа 10.000 граѓани.
Јакимовски во неговата општина освои 2.143 гласови, додека во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Сиљановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на фејсбук.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски- Џаро по кусо боледување, потврди семејството. Тој важи за една од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како „крал на местенките“ во фудбалот.
Соработуваше со големи музички ѕвезди како Здравко Чолиќ, Мишо Ковач, Маја Оџаклиевска, Оливер Драгојевиќ, „Бијело дугме“, Тереза Кесовија, Лепа Брена.
Своевремено има изјавено дека организирал 5.000 концерти и бројни турнеи во повеќе од тридецениската кариера како менаџер.