Македонија
Олаф Шолц во Софија: Северна Македонија мора да ги исполни сите услови
Силно го поддржувам започнувањето на преговорите со Република Северна Македонија и Албанија. Северна Македонија мора да ги исполни сите услови. Потребни се сите напори за да се постигне резултат. Ова го изјавил германскиот канцелар Олаф Шолц, кој е во официјална посета на Софија, каде одржа заедничка прес-конференција со премиерот Кирил Петков, јави известувачот на Бгнес.
Да гарантираме вклучување на Бугарите во уставот на Република Северна Македонија и да го почитуваме договорот. Мора да има европски гаранции дека тоа ќе се случи, изјавил премиерот Петков.
„Во последните месеци изградивме партнерства, Бугарија и Германија се стратешки партнери. Ова е нашиот најголем партнер во ЕУ и на денешната дискусија ја продолживме темата дека ова стратешко партнерство може само да се прошири, рекол на почетокот Петков и кажал дека тој и неговиот гостин разговарале за енергетската независност од испораките на руски гас.
Според тамошните медиуми тој изјавил дека заедно со Шолц разговарале и за проширувањето на ЕУ и пристапувањето на Република Северна Македонија.
„Се разговараше и на темата РСМ. Се договоривме двете влади да продолжат да работат, а бугарската влада јасно го кажа ставот на Бугарија за условите кои мора да се исполнат за да напредуваме“, рекол Петков.
Олаф Шолц истакнал дека Германија разбира дека не е лесно да се надминат историските проблеми.
„Силно поддржете го постигнатиот договор за пристапување на РСМ и Албанија во ЕУ. Ќе ја продолжиме дискусијата и размената до крајот на француското претседателство. Заедно, Европејците се одговорни за стабилноста на Балканот“, изјавил канцеларот.
„Наша задача е да не ги разочараме надежите. Припадноста кон Европа мобилизира многу демократски сили“, додал Шолц.
Според Шолц, Северна Македонија, мора да има сигурна европска перспектива. „Северна Македонија мора да ги исполни сите услови“, дополнил тој и продолжил: „Северна Македонија и Бугарија се подготвени да тргнат по овој пат. Постои големо заедничко разбирање за тоа како работите треба да функционираат. Проблемот е како да стигнете таму. Важно е да разговараме за овие прашања и да вложиме енергија за да се справиме со овие прашања. Никогаш не се знае каков ќе биде исходот. Но, бидејќи сите парламенти и шефови на влади знаат дека се одговорни, мислам дека ќе направиме напредок. Вреди да се вложи труд“, изјавил Шолц, пренесува Бгнес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука